سيـدي الله وحنالـه عبيـد(ن) مانسيـد
والليالي اللي مضـت بيـن(ن) عنوانهـا
دك قلبـي دك حـداد الحديـده للحـديـد
نشفت عروق الضماير واشعلت نيرانهـا
واعذابي كـل ماطرولـي الحـظ السعيـد
مالقيت الا همـوم القلـب فـي وديانهـا
كل ماصديت ادور للفرح بـاب(ن) جديـد
اتلقانـي همومـي مشـرعـه بيبانـهـا
الفرح رجل(ن) ذبحه الوقت والحظ البليـد
والحكومه هـم قلبـي والقضيـه شانهـا
وين قوات التحالف ماتشوف اللي يشيـد
وسط قلبي ويتمشـى ذابـح(ن) سكانهـا
راية الارهاب مرفوعـه بقلبـي والوريـد
والسفاره حوصـرت واعلنـت خسرانهـا
الامم قامت تغني تـردد لبعـض النشيـد
والسفينـه ابحـرت واعلنـوا ربانـهـا
العباره سجلت واتقولي هـل مـن مزيـد
الخبـر جاكـم ليالينـا ظهـر شيطانهـا
شفتلي رجل(ن) طواه الضيم والوقت العنيد
وسط ديره خيرهـا مالـي(ن) شيبانهـا
ازهمـه ويقولـي ردد مـع عبدالمجيـد
دنيا حظوظ لراشد الماجـد وهـو فنانهـا
تهت في غبة ابحور الوقت والعيد البعيـد
شد لقلوب الخبـول اللـي دمـر بنيانهـا
وياعذابي كل ماطرولـي القـوم الشديـد
آتلفـت مالقيـت الا ثــرى خبلانـهـا
الشماته عيب والمعـروف للـي يستفيـد
والمراجـل درب والسيـه لهـا ميزانهـا
والشجاعه عدل والباطل من اسباب الوعيد
والبطوله باخـر القصـه لهـا فرسانهـا
حر يملك حر تصبح غاية الحـر العبيـد
ماخبرت الحر يملك فـي ذرى سلطانهـا
احكمتني واملكتني واربطت بيـدي قيـد
الصبر طبع القوي والوفي مـن صانهـا
من ذرف دمع الندم ماينفعه مـال الوليـد
ومن تـولاه الزمـن مايستحـق عنانهـا
بنت ذربين الفعايل راس مـال الارصيـد
حظ منهو صوب البندق علـى نيشانهـا
يالله الدبره وترزقنا من الـراي السديـد
يوم نار القوم تاكـل والحطـب جيرانهـا
27-07-2006, 05:03 PM
العرض الشجري