ظاهرة البوي فرند والقيرل فرند

[ذهب]

الله يكفينا شر هالدنيا

ايييييييه والله ان هالظاهره منتشرررررره حيييييييل طبعا مو بس بالكويت إلا بالخليج كله

حطووا على قنوات الجات في التلفزيوت تي اكس تي وسمايل وغيره وشوفوا

البنات والشباب شنو يقولون.....وكلامك صحيح أخ الجبل والبنات اللي معاي بالثانويه

شقول وشخلي والله توصل فيهم الجرأه ان كل وحده تتكلم عن حبيبها مثل ماتسميه

ولاتستحي من احد أصلا شلون تستحي وهي مااستحت من الله ولا من نفسها

الحييييين عندهم عااااااادي الوحده تكلم وتواعد بعد والعياذ بالله

والأسباب طبعا معروووفه نعيد ونكرر التنشئه والبيئه اللي يعيش فيها الفرد

وقلة الوااااااازع الديني ورفاااااق السوء اللي يأثرووون بشكل كبير

والفضائيات واغاني العري كليب اللي منتشره هالأيام والموبايلات الحين حتى اللي عمره
4سنوات بإيده نقال والبلوتوث والسوالف وطلعات المغازل والترقيم اللي من تدخل لك سوق
ولامجمع وشوف هالأشكال الوصخه اللي ماعندها شغل غير تلحق بنات الناس
وازعاج العوايل
وطبعا حتى البنات هالأيام هابين لهم هبه صاروا هم اللي يرقمون اللهم لاتبلانا

وشكراااااااااااااااااااااااا

[الـجـبـل]

غرشوبه أحييك على صراحتك

[بنت حمران النواظر]

وكذلك الفتاة التي تعيش دون (حبيب) تراها قريناتها بأنها فتاة رجعيه وغير متحضره ، لدرجة أن العديد من الفتيات أقبلن على إقامة صداقات هرباً من تلك الوصمه!!


اسمحلي
انا أخالفك بالراي بهالنقطة
لأن أي بنت تخاف من نظرة اللي حوالينها لها اذا صرحت حتى باعجابها لشخص لو ماكانت لها علاقة فيه
على الأقل هذا اللي شفته واللي حاصل بالمجتمع اللي أنا عايشة فيه



أما الأجابة عالأسئلة:-
1- إلى أي مدى ترى إستفحال ظاهرة البوي والقيرل فرند في المجتمع الكويتي؟
أتفق معاك منتشرة بس ولله الحمد بعيدة عن مجتمعاتنا المحافظة

2- هل تنكر على صاحبك أو يدفعك الفضول لمعرفة المزيد عن علاقته بالحبيب الآخر؟
نعم انكرها، وما يهمني أي شي اساسه غلط

3- ماهي مسببات وجود تلك الظاهره؟يمكن حرمان عاطفي، أو عدم وجود احد يفهمني، أو حتى حرمان أحد الوالدين من الجنس الآخر


تسلم الجبل عالموضوع الرائع...

[الـجـبـل]

بنت حمران النواظر

أشكرك على صراحتك

ومشاركتك في النقاش

حول تلك الظاهره.

[شهد]

اولا لازم نتفق ان الشي هذا ماعاد مجرد ظاهرة الوضع صار اكبر من كذا


وكذلك الفتاة التي تعيش دون (حبيب) تراها قريناتها بأنها فتاة رجعيه وغير متحضره ، لدرجة أن العديد من الفتيات أقبلن على إقامة صداقات هرباً من تلك الوصمه!!


اقسم بالله قسم احاسب عليه يوم القيامه انو حصل ان بنت تكلم رفيجتها انتي شلون ماتكلمين شباب انتي متخلفه


وحصل ان بنت تقول للثانيه انتي من صجج للحينج تصومين ,,, صج انج مغبرة


انتي للحينج ..... ( عاد هذي فضيحه ماتنقال ..)

يااخي انتو تتلكمون عن مكالمات تليفونيه وسوالف كانت بالماضي نشوف انها حرام ولو نقارنها بالوضع الحالي

نقول الله على ايام المكالمات حب افلاطوني وعذري

المساله تعدت كل التصورات


قبل يومين تكلمت الجرايد عن سالفه حاصله بمدرسه ثانويه وكان سبب الهوشه ان بنت تصور الثانيه بتلفونها

طبعا كان مجرد كلام جرايد كذب بكذب

السالفه ان بنت شافت اثنين من زميلاتها بالمدرسه في وضع .........


الدعوى صارت سحاق ولواط وانتو تكلمون عن تليفون



اللهم احينا على طاعتك واحفظنا واستر علينا

[ذهب]

لا شهد اسمحيلي اقولش انش غلطانه السالفه اللي صايره

بثانوية بمنطقة مبارك الكبير ان وحده ماخذه ثنتين من خوياتها ومندسين لهم بمكان
محد يشوفهم فيهم وقاموا الخبلات يرقصون وهي تصورهم على اساس ماتوزعه

يعني ضحك وغشمره مالت عليهم وقامت الخاينه ووزعت البلوتوث لين ماانتشر

وموبس هذا بعد مصورتهم وهم يتكلمون ومايدرون يعني كل شي مبين ملامحهم
واصواتهم واسماءهم بعد لمن ينادون بعض...ومن كذا صار هواش وغيره

بس حبيت اوضح لش برررررررب

[شهد]

لا يااختي انا قريبه اكثر مما تتصورين بالحدث واعرف كل تفاصيله واعرف البنات بالاسامي


انا مااكتب شي كذا هذا حكي احاسب عليه يوم القيامه

[الـجـبـل]

شهد أثمن لك مرورك

وأعجبني إستنكارك لتلك الظواهر اللا أخلاقيه

و ما دمت منكره لها فإنت من القله الباقيه

التي لازالت محافظه على دينها وأخلاقها

في مجتمع أصبح فيه المحافظ متخلف

والمتحرر بلا قيود متحضر ... !

ولعلنا نسلط الضوء في موضوع مستقل عن تلك

الظواهر الشاذه التي إستشهدتي بها في مثالك عن

ما حدث في ثانوية البنات .


شاكراً لك غيرتك على أعراض المسلمين


مع خالص التقدير،،

الــجــبــل