قصيدة الشاعر المرحوم محجم الصقري العنزي
وهو يذكر شجاعتهم ومعزتهم لجارهم :
يا الله ياوالي القدر يا با الأقدار=انت الذي مدات جودك لطيفه
يا رب يا مطلوب عاون هل الكار=وافرج الشدات عليهم كليفه
اللي مجالسهم بها بن وابهار=ونجرٍ يصوت للهشالا رجيفه
مكارم للضيف اصيلات وابكار=وامفطحات في صحون نظيفه
يا مزنه غرا من الوسم مبكار=اللي جذبني من بعيد رفيفه
اذوادنا ما ترعى دمنه الدار=الا صحاصيح الفياض النظيفه
ترعى بها قطعاننا سر واجهار=وتسمن بها الوضحى الضعيفه
يبني عليها بنيه اللبن للجدار=عقب الضعف راحت اردوم منيفه
نطعن لعين شقحا من الزود معطار=غبوقه الخطار عجل عطيفه
ما هي حكايا شارد عقب ما نار=اللي نكس واطراف رمحه نظيفه
ان سوهجوا عنها قليلين الابصار=من دونها نروي السيوف الرهيفه
ترعى بضف الله وجبر جبار=خيالت يوم الملاقا كليفه
هذا لك من قديم لنا كار=عن جارنا ما قط تخفى الطريفه
وترا الرويلي ضايع يا هل الدار=غروه عياله بالهدوم النظيفه
نرفى خماله رفيت العش بالغار=ونودع له النفس القوية ضعيفه
والصبر محمود العواقب والأفكار=ومن لا صبر يصبح أحواله كسيفه
تبغي الى من بدل الدار بديار=وعقب البطا كل تذكر وليفه
حتى الى كل على نبته سار=وكل على جاره يعدل الوصيفه
كل تذكر ما جراله وما صار=وكل تذكر ما جرا من عريفه
احد على جاره بختري ونوار=واحد لجيرانه صفات امخيفه
حنا كما المشخص عن الصرف ما بار=بالوزن نرجح والمصاري خفيفه
خطو الولد مثل البليهي الى ثار=يازبن حماه ليتمدرا زفيفه
يشدي هديب الشام حمال الأخطار=زود على حمله نقل حمل اليفه
وخطو الولد مثل النداوي الى طار=حسه على صيد الخلا له وحيفه
ترجى العشا في مخلبه وقع واطيار=صيده سمين ما يصيد الضعيفه
وخطو الولد ينبش على طفوه النار=بوسط العرب يشدي لخطو الهديفه
والى بخصته ما يجي ربع دينار=صفر على عود يضبه كتيفه
وخطو الولد يا مال قصاف العمار=لا نافع نفسه ولا منه خيفه
وصلاة ربي عد ما اخضر الاشجار=على نبيٍ له شريعة شريفة
/ معزة الجار
العرض الشجري