فهد بن فردوس/في رثاء الشيخ جابر

[عيد بن شدقان]

قال الشاعر فهد محمد بن فردوس
هذه القصيده في فقيد الكويت صاحب السمو الشيخ جابر الاحمد الصباح
حاكم دولة الكويت يرحمه الله تعالى ويسكنه جنات الخلد ويثبته عند السؤال
ويحشره مع المتقين من الاخيار

ويقول بن فردوس

يوم الاحد جتنا علومٍ شايكه=هزت مشاعرنا وبيح غليلها
راح الفقيد وكلنا فاقدينه=ولا وقفت الآجال يدني رحيلها
الله من عينٍ تزايد عبارها=وانا اشهد انها لا بكت ينبكيلها
تنثر دموعا بالوصايف كنها=صباب نصبٍ ناثره مخيلها
تهل دمعٍ محفيٍ اخدودها=دمعٍ يدوش وزايدٍ عويلها
تبكي على عز الكويت وفخرها=عنها الحمول الكايده يشيلها
ولحدٍ يلوم العين لاهل دمعها=تبكي على نفسٍ كثيرٍ جميلها
الحاكم اللي مايوصف مثيله=ابو الضعوف اللي قليلٍ حيلها
العين تسهر ماتهنت بالكرى=تبكي وتسهر ماتغمض ليلها
ويبكيه شعبه والعروبه كلهم=وتبكي على نجم النجوم اسهيلها
فضله على الجهال والرمل والعمى=مدت يمينه لا عطت جزيلها
مرحوم ياللي ماشكا منه شعبه=عليه دمع العين ينثر هميلها
مرحوم ياللي ماتعدد فضايله=مشا رواتبها وعالج عليلها
مافات مات ومن عليها فاني=من عصر نوحٍ ماشين ترحيلها
الله يعوضه بالجنان المثمره=نفسٍ عسا منزالها يسويلها
لاعل من فضله يخف احسابه=اتخف سياته ويمحي كيلها
الله يعوض اشيوخنا في شيخهم= بالعز والصبر الجميل ايجيلها
على البقى في اخوان مريم بعده=بشيوخنا اللي كلنا نلجيلها
شيوخ الكويت ابوانهم واجدادهم=حكام ياما خلصت تشكيلها
تدرى مهابتهم ويدرى مدهم=حكام ماتنحال اللي يحيلها
سعد ابو فهد عوضنا وفخرنا=عنا كثيرات الهموم يزيلها
سعد سعد شعبه وضدٍ للعدا=سوٍ على العدوان ماياويلها
الله يسدد في خطاهم جميعهم=وحنا بكل اوقاتنا ندعيلها
وصباح زيزوم البلاد وعزها=هو سترها ما ينكشف شليلها
صباح صبحٍ بان يوضي نوره=نوره على كل البلد يضويلها
صباح قايدنا وحنا جنوده=حدر التصرف لا بغا يوميلها
حنا جنوده لا بداله لازم=في لازمه ناتيه بتعجيلها
الابو واحد والرعيه وحده=واللي عليه امسٍ عليها طويلها
الله يظلل به على الشعب والبلد=يدوم عزه للبلاد وجيلها
اللي علينا له نقوم بواجبه=واللي عليه انه يعدل ميلها
هذا وبيحو من فقيدٍ راحل=الله يبيحه عد رمل اسهيلها
هذا وصلينا جمعا على النبي=على النبي ماهل من مخيلها
للشاعر/فهد بن فردوس