الجامعه مستقبلي معاد ابي مستقبلي؟؟؟؟؟؟؟

[بدر ال مخلص]

ياناس شوفو حل انا لي مده مضيع هلي= اروح وارجع واتنهت والسبب نفس السبب
ان رحت والا جيت اشوفه في خيالي مقبلي = كنه يقول ارحب تفضل فيه قدامك شبب
الجامعه مستقبلي معاد ابي مستقبلي=ضيعت مستقبل ذكائي لجل مكحول الهدب
والحين ياكيفان حل المشكله واخلص علي = اما انتقل صوب الحساء والا انتقل داخل حلب
اجيش من بيتي على شان افتخر بمؤهلي =واشيل خمس اقلام واثنينه من انواع الكتب
مستقبلي مستقبلي عند الغزال الاكحلي=اللي كلامه من ذهب واللي سكوته من ذهب
طويل قامه ضامر خصره يقال معزلي= لبى العرب لما دعيته والتفت لبى العرب
ياليتها من ذا العرب وتزين ويزين عملي =اللي تحط الثوب لامن لبسته فوق الركب
ان دبرت قلت انها لادبرت قطعت جلي = وان اقبلت كنها تقود الجيش في حالة غضب
وان اضحكت تقلب عزى السلطان ضحك يخجلي = وان ازعلت شفت انتقام ابو جهل وابو لهب
اروح من بيتي وانا ثقيل والمخرج ملي = واشوفها واختف لين تجي مكافحة الشغب
يانادر الجلال شف لي حل تكفى لد لي = وان كان بتعاند على فصلي ترى حسب الطلب
هذي غزال تلفت الانظار تجفل في الخلي = تجمعت فيها العجايب هيه لله العجب