اخواني اعضاء منتدى العجمان انا اضع قصيدتي بين ايديكم واتمنى ان تعجبكم
ومناسبة هذه القصيده (( انا طالب في جامعة الملك سعود بالرياض واشتكي بها لوعة الغربه والبعد عن الاهل ))
البارحه ماذقـت انـا لـذة النـوم=عيني تهل الدمع والقلب منصـاب
ابكي ولاني طول الايـام مليـوم=ياكم شجاعٍ دمعـه اليـوم سكـاب
سهم رماني واثره السهم مسمـوم=انا اشهد انه هدنـي هـد ياعقـاب
عيني تفيض الدمع والجرح مكتوم=جرح المفارق ماتداويه الاطبـاب
ياليتهم قالوا ترا حسيـن مرحـوم=اشوى من اني اشتكي بعد الاحباب
غريب دارٍ وادري الحظ مقسـوم=يلعنك ياحظ هفـا هفيـة غـراب
ياناويٍ قريه (1) ترا العلـم مفهـوم=بلغ سلامي يم اصاحيب واجنـاب
علمهم اني ضايق الصدر مهمـوم=من دونهم دمعي توسط بالاهـداب
في بعادهم كني على الوجه ملطوم=مالي ونيسٍ كود حبرٍ على كتـاب
واخر قصيدي بريحة المسك مختوم=صلوا على نبينـا سيـد الاحبـاب
وسلامتكم ..
(1) قريه : قريه العليا وهي بالصمان ((ديرة اهلي ))
27-09-2005, 01:24 PM
العرض الشجري