الذيابة تفهم عواها الذيابة

[العرجاني محمد]

السلام عليكم ورحمة الله وبركاته ......... صبحكم الله بالخير جميع .... أضع بين أيديكم هذه القصيدة المتواضعة وأتمنى إنها تحوز على بعض من رضاكم .



الزلابة / هو الرجل إللي مافيه خير ولا منه فايده .. يعني وجوده مثل عدمه >> توضيح للي أول مرة يسمع هذه الكلمة .

الـزلابـة والله إن يقـعـد زلابـــة=وإن تلـبـس بالتكـبـر والمـهـابـة

عاقـة(ن) مايعـرف دروب المراجـل=علـة(ن) فـي كبـود ربعـه والقرابـة

الردى والطيـب فـي عينـه تسـاوت=كلهـا فـي سلمـه الضايـع تشـابـة

مـا يحـسَـب للمشـاريـة ولأهلـهـا=ياعسـى ربـي يعجـل فـي ذهـابـه

لو تبي تنصحـه أبـداً ماأنتصـح لـك=راكـز(ن) خشمـه ولا للنصـح يآبـه

شيـن نفسـه مايجـي غيـر القرايـب=وللأجانـب مخطـر(ن) يهـدي ركابـه

عند الأجناب حـر وحصـان ومسـرح=وعنـد ربعـه مـا يسـاوي لـه ذبابـة

خرقة(ن) مـا تنركـز لـو يـوم رزت=عزتي لمنهو أحتزم بـه وأعتـزى بـه

جعلـه فـدىً للـذي للطيـب منصـى=معطر(ن) ذكـره ومحمـود(ن) جنابـه

منـه الخملـة حـرام مــا تـطـرى=وإن نطـق مـا ينطـق إلا بالـذرابـة

مدتـه جـزلـة وضربـاتـه عطيـبـة=مزبـن الجانـي إلا منـه ألتجـى بـه

شروى من يقرأ عسى عمره طويـل(ن)=ويا عسى إللـي مثلـه يخـرف شبابـه

وأنـا مااقـول القصيـد إلا آتهـيـض=ولا يهيضـنـي غـنـاة ولا ربـابــة

مـا يهيضنـي سـوى أطيـاف خلـي=لا حضرت كني وحيد(ن) وسـط غابـة

لـو ينادينـي رفيقـي ماالتفـت لــه=ينقطـع صوتـه وأنـا ماأقـول جابـة

كنـي فـي دنيـا عـن الدنيـا وأهلهـا=بس أفكـر كيـف وشلـون اللقـا بـه

كيـف ألومـه لـو لقيتـه عـن غيابـة=وإن حضر قمت أمدحه وأنسـى عتابـه

وكيف أضمه لو لقيتـه وسـط صـدري=ضمة(ن) منهـا الشقـي ينسـى عذابـه

وكيف أحط أصابعي في مـوج شعـره=وكيف نابي يشتبـك مـن خلـف نابـه

و كيف فـي لحظـة غـرام مستميتـة=.......................................

وإن صحى خوفه في لحظة ثم نشدنـي=يـا محمـد الحيـاء مـن ويـن بـابـة

بقـولـه إن الحـيـا بـابـه مقـفـل=( والقفل ياخيش مدري مـن غـدا بـه)

واصلي جعل الزلايـب حـذو رجلـش=اللقـا لحظـات خلينـا نهـنـى بــه

ياللي حبك ساكن(ن) في وسط صـدري=وشايخ(ن) في سهول قلبي وفي هضابـه

مـن أبـاح لعينـك النجـلاء عـذابـي=علمينـي إن كـان فـي بالـك إجابـة

وأرحميني مـن عنـاك و مـن عذابـك=وأدري إن الله شـديـد فــي عقـابـه

**********************
ولأجـل ماتطـول قصيدتنـا وتسـمـج=مبتدانـا بـالـردي والمنتـهـى بــه

وآنـا بنصحكـم وأجـري عنـد ربـي=والذيابـة تفـهـم عـواهـا الذيـابـة

الزلابـة مـن بلـي بــه فيتصـبـر=الشكـوى لله الله إللـي قـد بلـى بـه

مـا يتعـدل لـو تعـدل ميـل ضلعـه=والـزلابـة والله إن يقـعـد زلابــة

وســـــــــــلامتكم ..
محمد العرجاني