|
اهداء الى الحبيب Alajmi ومشرفنا عزام ولكم طبعا يا احلى اعضاء
السلام عليكم
ها انا البي طلبك يا ALAJMI وبطول في القصيده لعشانك اربها تعجبكم كلكم
شاقني من صاب واعطب صويبه=بالعيون الساجيه واعذابي
صابني بالقلب والله حسيبه= صابرٍ واليوم بينت مابي
راح واودعني بحالٍ صعيبه=مادرى سيد المها وش لجابي
كل رجمٍ طال جاوبت ذيبه= من سبب هجره وهو ما درى بي
علمه اللي قال وش يحتري به=اتحرى منه رد الجوابي
كود ما بالجوف يبرد لهيبه= من شقا نفسي وهم سري بي
خطه ابطا والبطا منه ريبه= ليت من يدري عنه وش نوابي
يوم غاب سهيل واطول مغيبه= زاد حبي له على ما هقابي
مبعدٍ عني وبعده مصيبه= ناويٍ قتلي ولحق المنى بي
كيف يقطع في محبٍ حبيبه=بالخطا يرميه رمي الصوابي
الصحيب مكلفٍ في صحيبه=شوف عين ويحفظه بالغيابي
وسلامتكم
التعديل الأخير تم بواسطة مـحمـد ; 04-02-2005 الساعة 04:16 AM
|
العرض الشجري