ياطيب الفال كـان أذنيـك توحينـي=أسمع وصاتي وخذها عندك وداعـه
لأشفتنـي نايـم أحـذر لاتصحينـي=ماودي أصحاء بها الدنيا ولاساعـه
أخير من شوف شي شافتـه عينـي=ماسر عيني يجيـب الهـم بأنواعـه
شي لمسته علـى يسـراي ويمينـي=اعطاني الضوء الأخضر والبخت باعه
قطع طريق الطموح اللـي يودينـي=لهدافن أحلمبهـا قيضـي ومرباعـه
سعوبة أضعاف عقل وازعـن دينـي=الله ياأخذ بعـض النـاس واطباعـه
غلب على الزين فيهم طابعا شينـي=الوقـت غـدار والأيــام خـداعـه
حسد وغيره ونزغـات الشياطينـي=وإن قلت ياحيف كلن طق بصباعـه
صالم وجالم وزاد الماء على الطيني=ومن يفقد أزمام أموره قلت أسناعـه
الخوف غادي وضاعـن القوانينـي=وقصير الباع أشوفه طايلـن باعـه
لأبوه أبو نيتيـن ولابـو وجهينـي=جابو لنـار الفتـن ولعـه وولاعـه
سووبنا سوات شـارون بفلسطينـي=أودارت رحاهم ببيـرا مالهـا قاعـه
تقل علينا العين أوصـى الملاعينـي=أوتقل أخوهم خوانن له من رضاعـه
عزي للاجـواد منهـم والمساكينـي=وألا مشاري بعيـده لويـت ذراعـه
والله يديمك علـم نخلـه وسيفينـي=في حكم من طاع ربه والنبي طاعـه
خفاق فوق العمود وتحمل أسمينـي=أشعـارك الحـق والهـادي لتباعـه
مشاري الرشيــــدي
30-01-2005, 07:31 AM
العرض الشجري