خيانة محب

[غلاتي]

هذه قصيدة من فتاة قالتها حينما عرفت ان حبيبها تزوج غيرها ، القصيدة مؤثرة وبليغة في الوصف


جاني الخبر ياصاحبي واظلم الكون *** قدام عيني ثم نطقت الشهادة
على العموم اقولها الف مليون مبروك *** من قلب شكالك ابعاده
مبروك ولا يهمك سواليف وضنون *** من عاشق يهديك فرحة فؤاده

سوى الفرح اليوم وابليس لعون *** واللي يشب النار يجني رماده
انا اول العالم على القصر يلفون *** اول معازيم الفرح والحداده
ابشر انا برقص على العرس بالهون *** وكل يعبر فرحته باجتهاده

لو البلا رقصي يقولون مزيون *** المشكلة القلب يفضح وداده
يوم العذاري في دخولك يغنون *** وعروستك بأحلى ثواني السعادة
كنت اتمنى بدالها والله اكون *** واحط انا كفي تحت راسك وساده

واشلون ابكتم صرختي يوم تمشون *** تكفى .. خذني للعروس قلاده
حتى معازيم الفرح قاموا يمشون *** واصبحت انا وحدي بدون استفاده
وطفوا علي النور من غير يدرون *** قصر الفرح ياقبر ( فلانه ) ومهاده
وصيتي لو جاك بنت وانا امون *** سميتها لك ( فلانه) قبل الولادة
مع تحياتي..منقوول