{ما غير اجآوب نآيح الورق لا نآح }.... {وطويت حبل الصوت عشرين طيّه } !!

[علي الرطام]

لأواهنـي منهـو معـاشـه ثـمـانيـن
وسيارتـه لـكـزس وعنـده عمارهـ

وذودن مجاهيمن لها تطرب العين
ومـقـدرن عـند الـنـشامـا وقـارهـ

وأربع حريمن كلبـوهـن مـزايـيـن
بـنـات شيـبـانـن عليـهـم الإمـارهـ

[علي الرطام]

استديري ي هبوب الشـُوق وإلآ هبي
ذايقٍ جور الغرام وعايفٍ حقي به

والله انه ماا يخلي خافقي يشتبي
كود فرقى وآحدٍ يقفي وأناا ودي به

[علي الرطام]

آلـهـرج صدمه وأن سـكَتنآ غبينـه ؛؛
وبعض الأوآدم بالخطآ مآ يحسون .،.

وترى الميآنه بعض الأحيآن شينه ؛؛
لآ جآك شخص يدبل آلـ كَبد ويمون .،

[علي الرطام]

مايوجعك غير اللي ملك ذاتك بمعروف
ليا اقفى ؟ ولاتدري وش اللي مقفيبه

يشوف اتصالك.. وايتجاهل ماكنه ايشوف
لامنك بغيت اتصد؟ يطري لك بطيبه

انا احيان اقول اني ماني فالعرب مكلوف
وفاحيان اقول ؟ الطيب يجزا باساليبه

جفا الطيًب اقسى من جفا ظامر السرجوف
خصوصً ليا من غاب والغيبه الغيبه

[علي الرطام]

شب السمر خل عيني ينتثر مٱهٱ
مبطي وعيني بدمع الشوق ممليه

وش الامٱني لو إنٱ مٱ آنتمنٱهٱ
مٱ كٱن يبقي لهٱ قيمه حقيقيه

آهب يٱ هٱلزمان لـ وين ودآهٱ
يسوقهٱ للشمٱل و هي جنوبيه

[علي الرطام]

خلـو الهنوف تدلـل وتاخـذ ماتبـيـه
لو تبي تامـر علـى الـروح مارديتهـا
حبها بيـن الضمايـر وقلبـي محتويـه
تضحـك الدنيـا بوجـهـي لياناديتـهـا
ياغرام المغـرم اللـي غرامـه مبتليـه
وياغناتـن جابهـا الله ونـا ماجيتـهـا
امـري وادللـي هـاك قلبـي وملكيـه
مـدتـن مبـغـا جـزاهـا ليامديتـهـا
الغـلا محـدٍ يبيعـه ولاحـدٍ يشتـريـه
الغـلا وهبـه مـن الله ونـا حبيتـهـا
اعتلي صـرح الغـلا وابتديبـه وانتهيـه
واستبيحي صمـت الاشـواق لا خفيتهـا

[علي الرطام]

سجلت في قلبي دخولك على طول
..... وغنت جروح القلب فيكم نشيده

وكلمة مرورك جابها منك مرسول
.... وبدلتها وارسلت كلمه جديده

واصبح ملفك داخل القلب معزول
... وحفظت به من دم قلبي قصيده

وسويت لك تحرير عن كل مجهول
... متوسط ٍ بين الخفوق وّريده

وقدمت لك عرض ٍ من القلب منقول
... لأجل أثبت انك بالضم... وحيده

وبمفضلة قلبي عن الغير محمول
... ما اضفت غيرك يالفتاه الفريده

واكتب على العنوان للغير مشغول
.... حنـّا سكنـّا وارسلي في بريده

وأن كان ودك تترك القلب مشغول
... سجل خروج وشب فيني وقيده

وان شفتني هالك على الدرب لا حول
... أظغط على ايقاف وأقرا القصيده

[علي الرطام]

كامل الأوصاف والحسن اكتمل
كملك ربي وخصك بالخليق
من كحل عينك عيوني تكتحل
وان تناظر بي يجي بعيني بريق
القمر وان شاهدك غاب وأفل
يستحي في محجر عيونك يويق
صورك ربي سبحانه وجل
تاج زين الكون بك وحدك يليق

[علي الرطام]

أنا بدوي واحـب طـاري البـــداوه
يامعذربين البدو مافيكـم إحســــاس
قالو بدو قلـت الصفـى والنقـاواه
يازين شوفتهم على الضوء جــــلاس
قالو بدو قلـت الكـرم والنخـــاوه
وأفعالهم فى ذمتى ترفـع الــــــراس
قالـو بـدو والبـر فيـه الشقــــاوه
قلت الوناسه عندهم فوق الاطعاس
قالو بـدو ونشـوف فيهـم قساوه
قلت الخشونه يامعذرب لهم ســاس
ابن البداوه صلف ما بـه رخـاوه
اليا زهمته جاك ماهـوب يحتــــــاس

[علي الرطام]

ماتدري أني في سؤالك توهقت
لاهنت يامحمد بعيد المقوله

من حب في ذا الوقت ينسى مع الوقت
والطيب اللي يظهرنه فعوله

ماحب غير أثنين فيهم تعلقت
أحب دين الله وسنة رسوله

والجادل اللي في فراقه تضايقت
أم الدلع والغنج بنت الحموله

أمر بيته وأن لمحته تصافقت
والعين من كثر الدموع مغسوله

ودي على شوفه وهرجه له أشفقت
ليه الجفا يابو الرموش الكسوله

عزاه ياوقت(ن) غدا فيه صدقت
أن الذي تبغيه سهل وتطوله

اي والله أني بالهوى ماتوفقت
والضيق نوخ في خفوقي ذلوله

أبسألك بالله يازين ماشتقت
ولا صار عندك للقـى ماتقوله

يا صاحبي تدري علي ويش دنقت
بأنه خسر قلبي وفاز البطوله

جعلك عسى ماتذوق من حر ماذقت
وجعل السعاده دايم الدوم حوله

صدقني أنك راح تنسى مع الوقت
والطيب اللي يظهرنه فعوله