أطلال القصيد

[الشاعر ويكيليكس]

البلد ينزف من الفتنه وريده =وإنبطاح أعضائنا سبة شتاته
كل نايب جاب له فتوى جديده= بين طنطاوي وبينك يا شحاته

[الشاعر ويكيليكس]

أبيات وصلتني من الشاعر بعد نظر في تويتر :


@Kuwait_86 بعد نظر

سلام للشاعر ويكيليكس باهديه= شاعر و شعره فيه شيٍ يشدك
أخذ العتاب اللي طغى فيه حاليه= نبغى عن دروب السياسة نردك
ثوبٍ مهو ثوبك ترى تبتلش فيه=خلك على ثوبك مدامه يقدك
يا شاعر الشعار تتعب تجاريه=يفرق مهد طيورهم عن مهدك

@Wikileaks_q8
الشاعر ويكيليكس

يا مرحبا باللي بعادٍ هقاويه=من شاعرٍ ترجم عتابك وردك
تقول (ويكي ليكس) يا ويش حاديه=وآقول حده طيب جده وجدك
تبي ترده والعزاوي عزاويه=واللي حداه اليوم بكره يحدك
أما تجي سيفٍ على من يعاديه=ولا يجي سيفه مع الجيش ضدك

[الشاعر ويكيليكس]

السلام عليكم ورحمة الله وبركاته


يقدم لكم الشاعر ويكيليكس المحاوره التي جرت على سواحل الخليج العربي بين:

الشاعر ويكيليكس
الشاعر ويكي إين ويكيليكس
الشاعر خامنقي
الشاعر كوهين
وهي عباره عن شخصيات وهميه بلا شك


البدايه كانت محاوره رباعيه
ويكيلكس وإبنه فريق ضد خامنقي وكوهين

ويكيليكس x خامنقي
ويكي x كوهين

نتمنى لكم الأستمتاع بهذه المحاوره:




خلوووووووووووووووووها


الشاعر ويكيليكس :

مادام إبن حيدر وخامنئي معانا حاضرين=يا مرحبا ترحيبةٍ تزحف على بطن وظهر
قم يا ولدي ويكي تحزم يا عشير الغانمين=الليله الليله رباعيه على شط البحر

ويكي إبن ويكيليكس

إسمع إسمع

يابوي أنا ندٍ لإبن حيدر عشير المرقطين=وأنته تضد الشايب الدجال لا دق الصدر
قم يا ولد حيدر بلاش إتحوص مثل أبا الحصين=قدامك اللي ما يهاب الموت ويدوس الخطر

الشاعر خامنقي:

ردا على ويكيليكس
بعد الترجمه :

ياللي ترحب لو تجر الصوت وتزيد الونين=أتباعنا واجد ويكفينا مفاعل بو شهر
خلك من أتباعي عشان أعطيك ختم التابعين=وأزوّجك خمسة عشر،، وأزيدهم خمسة عشر

الشاعر كوهين
ردا على ويكي
بعد الترجمه المتعبه :

دام البقا والمركز السهي بنيته من سنين=وأنت إبدويٍ في ثرا الصمان ذابحك الفقر
خلك من أتباعي عشان أعطيك مليونين دين=وتصير نايب وأدعمك بالمال دعمٍ معتبر

الشاعر ويكيليكس:ردا على خامنئي

عندك مفاعل بو شهر ولا مفاعل بو إشهرين=حنا مفاعلنا مصنّع للشهاده والنصر
الجنه الجنه بها حورٍ تسر الناظرين=وأنته مع الخمسة عشر تصلى سقّر,, تصلى سَقّر

ويكي ابن ويكيليكس:
ردا على كوهين

ماباقي إلا نتبعك يا تابع إبليس اللعين=مدري تغني من غبى ولا تغني من قهر
يالضبّع حنا ما تبعنا غير سيد المرسلين=ونشوف عبّاد العمايم مثل عباد البقر

الشاعر خامنقي :


ا

ليوم حنا في دمشق وفي بلاد الرافدين=وبكرى نصير إمن الكويت إليا المنامه لا قطر
ولا أنت غرّد في تويتر والجميع إمغردين=ماعندكم غير الكلام اللي يسر ولا يضّر

الشاعر كوهين:

خسرت شيك وموتر ومنصب ولنج وفلتين=ولا بقى لك غير وانيتك مع بيت الشعر
حنا بني كسرى وكسرى ما يحب المسلمين=من بعد فتّح الفرس نكره كل من سمى عمر

الشاعر ويكيليكس:

يا مرشد الثوره ترى منته بأمير المؤمنين=يا جعله أمحق مرشد إيبيح التبرك بالقبر
تسب ولا ما تسب الراشدين الصالحين=كل أمرئٍ يحشر مع اللي حب في يوم الحشر

ويكي إبن ويكيليكس:

عقبت يا شوق السلق لبلادنا سورٍ حصين=والشيخ هايف حالف إيختك على درب الوعر
والطبطبائي وفيصل المسلم لهم سيفٍ سنين=والكل منا في يده سيفٍ تقادح بالشرر

خامنقي :

شاب القاف يا ويكيليكس.


كوهين :
بعد إذنك يا مولاي الليله صباحي أبي ويكيلكس بكلمة راس


خامنقي:

رد البل لا أسحب مخصصاتك من المجلس الأعلى للثوره.


ويكيليكس:
لاهلا ولا مرحبا


ويكي إبن ويكيليكس:

يبه تبيني أزنطه بالواير


ويكيليكس :

خله علي بس ان شفتني توهقت طف الماطور.




الشاعر كوهين:
خلووووووها

سلام من حيدر على شعب الكويت=تسليمةٍ مجهولةٍ في عدها
قم وإحتزم يالشاعر اللي لا سريت=نكسر يمينك لا نويت إتمدها

الشاعر ويكيليكس :

إسمع إسمع

لا مرحبابك يا إبن حيدر لا لفيت=تسليمتك شعب الكويت إيردها
قم وإلتعن يالشاعر اللي لا ضويت=تصوّي ويدّك لطمها في خدها

الشاعر كوهين :
ياخدا

وانته بعد تصوي ولكن دون ليت=يوم العرب قمنا نبيّح سدها
كتبت ولا ما كتبت المانشيت=قدامكم جزر البحور ومدها

الشاعر ويكيليكس:

يا باشة الديمن ترا بنت السبيت=قدام كل الناس بلعن جدها
جبت الضحيه فوق بديّك يالونيت=للمقصب المقصب بسرعه ودها

الشاعر كوهين :

وديتها يالشاعر اللي ما دريت=والناس لا معها ولاهي ضدها
البارحه في قم نمت ولا وعيت=إلا وأنا قدامها وآحدها

الشاعر ويكيليكس:

بربط على خصرك عجين الديناميت=وإن قلت كلمه والله إني قدها
البارحه في قم هديت البخيت=مثل الحرار اللي ينومس هدها

وسلامتكم,,

المحاوره من إعداد الشاعر ويكيليكس

حقوق التغريد محفوظه

[الشاعر ويكيليكس]

السلام عليكم ورحمة الله وبركاته

وجه الشاعر الكريم / أحمد شطناوي
أبيات وجدتها منحوته على حائط الفيس بوك
وهي عباره عن أبيات بالشعر الفصيح فوجب علي الرد تقديرا وإجلالا مع العلم أنني لا أجيد الشعر الفصيح ولكن وجب الرد



أترككم مع أبيات الشاعر /أحمد شطناوي :

لـــمـــن الـــديـــارُ و صــفــحــة الاشـــعــــارِ=و نـــــقــــــوش شـــــعــــــرٍ لاح بــــالاســــفــــارِ
انـــــي مـــــررت و قـــلـــت اغــــــدو زائــــــرا=فــأســتـــوقـــفـــتـــنـــي نــــــقــــــمـــــــة الاقـــــــــــــــــــدارِ
فوجدت نفسي في صحيفةِ شاعرن=يـحــكــي الـسـيـاســة صــائـــب الأفـــكـــار
قــلــهـــا أبـــيــــتَ الــلــعـــن غـــيــــر مــســافـــحٍ=إن الـــــتـــــنـــــكـــــر فـــــــعـــــــلـــــــة الأغـــــــــــــــــــــرارِ

رد الشاعر ويكيليكس :

الــــــزرع زرعــــــي والــثــمـــار ثـــمــــارِ=والـشــعــر شــعـــري والـــديـــار ديــــــارِ
يـــــا شــاعـــرا زار الـــديـــار مــدجــجــا=فــغـــدا صـــريـــع الـجـحــفــل الـــجـــرار
مـســتــنــكــر مــســتـــطـــرد بـــســـؤالــــه=مــتـــعـــجـــل الإقـــــبــــــال والإدبــــــــــــار
لا مـــمـــعـــن نــــظـــــرا ولا مـــتـــريــــث=إن الـــتـــريـــث شـــيـــمـــة الأخــــيـــــار
مـا بـال أحمـد لـم يخاطـب (جـوجـل)=إن الــلــئـــيـــم لــمـــنـــبـــع الأخـــــبــــــار
لأجــــــابـــــــه وأثــــــابـــــــه لــــســـــؤالـــــه=عـــــن سّــيـــد الـــســـادات والأحــــــرار
لـيــث إذا شـهــد الوقـيـعـة لـــم يــكــن=مــســتـــدبـــر كــالــثــعــلـــب الـــمــــكــــار
ورماحه شهب تضيـق بهـا السمـاء=فــــــي الـلـيــلــة الـظـلــمــاء كـــالأنـــوار
هـــلا أجـبــت الـقــوم أنـــك لـــم تـكــن=نـــــــد الـــرمــــاح وســــطــــوة الــبـــتـــار
إنـــي أبـيــت الـلـعـن لـســت مـسـافـح=إن الـــســـفـــاح لــفــعــلـــة الأشـــــــــرار
والـسـيــف يـكــنــى بـالـفـعــال ودأبـــــه=دأبـــــــي إذا مـــــــا ثــــــــارت الــــثــــوار
فالسيف إن أردى الفوارس بالوغى=يـكــنــى بـفــعــل الـــفـــارس الــمــغــوار
لــكــم الأســامــي والـفـعــال لــنـــا لــنـــا=والــفــعـــل فــعــلـــي والــــقــــرار قــــــــرار
(لا تـنـه عـــن قـــول وتـأتــي مـثـلـه)=فـــــإن فـعــلــت فــيـــا عـظــيــم الـــعـــار

وهي مجرد محاوله كما ذكرت سابقا أتمنى أنها أشبعت ذائقتكم

دمتم بخير

[الشاعر ويكيليكس]

السلام عليكم ورحمة الله وبركاته

تويتريات

الحلقه رقم ( 1 )

يا جارنا يا ابن الرجال المسمين =فزعَت فزعّة من يحوز الغنايم
تسلم يمين اللي يرد المعادين=ولا تصيد إلا كبار العمايم
البارحه غاروا سوات المغيرين=يا لين سقناهم سوات البهايم
واليوم جونا بالعذر يا احمر العين=ولا تقبل الاعذار عقب الشتايم
عيبٍ على اللي يتّقي بالميادين =من بعد ما ذاق النكد والهزايم
وان جيت في عمّان ولا فلسطين =دوك العقيد وخل عنك القوايم
ثم بلغّ اللي يزرع الخوخ والتين=خوخه غدا ما بين بايع وسايم
وانا قطفت الخوخ بين البساتين=يوم إني بقطفه موّلع وهايم
ما نقبل الجزيه ولا نقبل الدين=وراع القدايم ينجزا بالقدايم
والراس طيّب ،،والنشاما عريبين=والطير من فوق المنيفات حايم

وللصداقه حق على الجميع ونعم في جميع القبائل ولكن مدح الطيبين واجب :

نسوق للبراق شقر الفناجيل=يستاهل الفنجال واف الخصايل
ماهي غريبه فزعته يا رياجيل=لأهل الصمايل فزعة أهل الصمايل
ما حال من دون الرجال الحلاحيل=يوم إن ربعه ذكرهم بالقبايل
لطامة العايل،، وذباحة الحيل =ربعه هل اللطمه على كل عايل
يوم الوغا خيالهم بأول الخيل=على جموع الضد صايل وجايل
ويا بنت ياللي خدها كنه سهيل=ولا تحب إلا كبار الفعايل
وعيونها من دون كحلٍ مظاليل=والعنق الأوضح كاسيته الجدايل
وانفاسها بنٍ طغى نكهة الهيل=شيشي لبن بادي عريب السلايل
قم يا نديبي وأودعه بالمراسيل=والطير الأزرق يرسله بالرسايل
يقولها ويكي عطيب المصاقيل=فتويتر اللي عاملٍ له عمايل

وسلامتكم

[الشاعر ويكيليكس]

ويكيليكسيات


الحلقه رقم ( 1 )

شفت القرود إتلاعب الموز بالهون=وكلٍ يبي ياخذ من الموز حصه
عجلين وإليا خلــّص الموز يبكون=وإمن اللقافه فيهم ألفين قصه
ملقوفهم لاجاك شاعر وملسون=هربد ولو محدٍ علي القاف خصه
إيناشب الشعار من دون قانون=ولا يجمّل بالطواريق نصه
تعال والسرك إبتدا يا أدهم اللون=شقلب وطامر فوق ذيك المنصه
باخذ عليك إمن الجماهير عربون=وأسرّحك في فوج سوسن وحصه
البادي أظلم والمخاليق يدرون=والشارب إليا طال عندي مقصه
قصّو عليك وجيت فاتن ومشحون=لا واخساره فزعتك يالمقصّه
رموك في دربي علي غير مضمون=وأنا الاديب اللي لسانك يقصّه
أرفع يدينك للسماء وأطلب العون=ثم بص لي من فوق الاغصان بصّه
يالقرد عندي لك من الموز كرتون=أما كله والا علي الدرب مصّه

وسلامتكم

[الشاعر ويكيليكس]

تويتريات ( 2 )

لو نفرض إنك يا حياتي حكومه =والبعد نوابه تشيل السلاحي
أنشهد إني طحت من دون قومه =وأنشهد إني في هواك إنبطاحي
رمشك بعد ما أرسل علينا سهومه = طحنا سوات اللي يرف الجناحي
من لامني يا جعل قومه تلومه = مسكين ما عاش الليال الملاحي
لو بنت ابو زيد الهلالي كتومه =ما كان سدي للعواذيل باحي
لكنها برقٍ تمثنا غيومه = عقب الدهر وسط المعاليق لاحي
الحب راس غليس كلٍ يسومه =والشوق زرقه مثل زرق الرماحي
والبعد مثل اللي تهفهف هدومه =لا قلت مجنونٍ ولا قلت صاحي
شاعر عيونك يوم ضاعت علومه =أرسل حروفه في جميع النواحي
وان كان حبك فيه طبع الحكومه =أنشهد اني في هواك إنبطاحي

وسلامتكم

[الشاعر ويكيليكس]

ويكيليكسيات

الحلقه رقم ( 3 )

ملاحظه : لا زالت الحلقات مستمره رغم إختلاف الشخصيات
خصوصا هاليومين طايح بأفلام الإكشن

بطولة الدوره خذينا كاسها=رغم إنسياب الخصخصه وإطقوسها
أنا مع الطيّب على هوجاسها=وأنا مع الطيّب على منكوسها
حماي بيرقهاوأنا مدباسها=وما همني قومٍ تذل نفوسها
ولا البخيل اللي ضرّا لحاسها=أمسى وعينه ما برا فيروسها
وفلوسه اللي ما يطيق إفلاسها=غيره مشاكيلٍ تسوق فلوسها
يا زمرةٍ ما شاشني هواسها=مهما تزيّن في حسن ملبوسها
هذا يطبل له وهذا حاسها=واللي يطبل زادها في حوسها
يعني تعود طفاسها لطفاسها=دام الهزاله فلسفة هاجوسها
أنا بديت وعارفٍ جساسها=وأنا نهيت وعارفٍ جاسوسها
وأنا جعلت إحساسها بإحساسها=وأنا حكمت إدروسها بدروسها
لبستها ياقوتها وألماسها=غيضٍ لحسادٍ تحك ضروسها
قصيدةٍ لا ذعذعت نسناسها=مافارقت صفحاتها قاموسها
وسواسها في نفسها خناسها=وأحلامها ما فارقت كابوسها
يابو حقب مهما تكن أنفاسها=يبقى البلا يابو حقب في كوسها
كبدك حمسناها وذا محماسها=وايدين ويكي يالزلابه بوسها
المعركه والله منت براسها=لا يا ذنب حذرا تناطح روسها
رجلٍ لبس له غترةٍ ما قاسها=من قبل يلبسها لزوم إيقوسها
والدانه اللي كثّرت حراسها=الله يخليها لجل محروسها
والفاطر اللي ضيّعت نوماسها=تحسب نواميس العرب ناموسها
وام الجرس لا دندنت بأجراسها=بالفيس ردوها على هندوسها
ما للقلم شرهه على قرطاسها=دام القلم تشره عليه إنفوسها
ويكي شنبات اليهودي داسها=لن اليهود إيشوتها وإيدوسها

وسلامتكم

[الشاعر ويكيليكس]

مقتطفات سياسيه

يا بعيّد الفاصل اللي لا يصوم ولا يصلي =ما يصلي مثل ما صلى محمد والصحابه
علموك الرقص وأنته تحسب الدعوه تسلي =ما ورثت إلا عمامة سيّدك مدري ثيابه

روّح مراح مقيط يالقلاف= باول سفينه صوب طهراني
يالسندباد الكاهن العراف= إخذ الجماعه قاصي وداني
والورع ويا سايق الاسعاف= وفي ذمكم صح الله إلساني

دامك سجين قلوبنا منت مسجون= اصبر ترا هذا زمان العجايب
ياعبيد والهافين لا بد يهفون= في حفرةٍ نركز عليها النصايب

يالله صباح الخير والنوير =وبن علي فالجو بلشاني
من تونس الخضرا سوات الطير =وده يوقع فوق الأغصاني
يوم الفرنسي ماذكره بخير= قال الخليج مزبن الجاني
شعب الجزيره مالهم تأثير =ياكود في ماعون برياني
من كبر كرشه ما يعرف إيسير= حتى يصير البطن ملياني

منهو زعل من راينا لا باس =يبدع حسب رايه وتفكيره
هاك القلم واكتب على القرطاس= دام الغصّن كثرت عصافيره

حي الطرب قامت تدق المزامير =وإتمجد القلاف في كل حته
منهو يجيبه يالربع حزة إعصير =في دشةٍ من فوق ددسن نخته

حي الطرب تبغي تسوي مملكه= لا بارك الله فيك يا حي الطرب
إمجمعين أهل الدجل والصعلكه= يا اهل الكرم والله مافيهم شنب
المتصل مابين لفته وسمكه= وإمسيلمه كذاب والمهري كذب
والحر ما يوم الحباري تشبكه= لكن مع حي الطرب شفت العجب
بالبسبسه والهمبكه والشكشكه= كعبول وسط الملعبه يلعب لعب
يا موترٍ وقف وانا اللي بشركه= وانا زعيم إعكاظ ولسان العرب

بلغو سعدون لا يقرع طبوله= ولا يحقق في لجان البرلماني
الفداوي ما يقول اللي نقوله= لو يشوف الجدي وسهيل اليماني
فيصل المسلم خذا كاس البطوله= بالكرامه والمعزه والتفاني
ياعتيبه صوتوا له صوتوا له= وهملو سعدون في حد الطماني

يسود القحط في كبد السماء =ويهطل من سحاب المجد ماء
وماء المجد في ذكرى عبيد= إذا هطل السحاب له ضياء

ياجسوم بكس أحمر على كرسي القلاف= ونزل لنا سلوّم لعيون معصومه
وشغل لنا في شاشة العرض يالبلاف= مسلسل يترجم قصة الحر والبومه
هذي شيشة الأمه ماهو مجلس الأشراف= به الرجل ما تستر عذاريبه إهدومه
به الكاهن العراف،،، والكاهن العراف= يزين إنبطاحه بس ما زانت علومه

النتن ياهو يبي حسني مبارك= والسياسه أبعد إمن اللي نشوفه
لو مع صهيون بالغاز إيتشارك= ما يشارك بالفقر مسكين قومه

قايدالنصرالالهي يحسب ان الشعب لاهي= لايمجد ثورةالهيس المسمى بالخميني
ثورةالدجال ماثارت مع الوقت انتباهي= وانت مثلة تتبع الدجال وابليس اللعيني

لا للجويهل ساقط القوم =يومه لفانا في تويتر
وان زارنا ضيفٍ من البوم= نسقيه من ماي الراديتر

على شان القضايا يا قناة سكوب= تصيحون وحسدكم ما تخلونه
بسوس كويتنا لو ترسل المكتوب= على عقالنا لازم يشقونه
يبث العيب من يشكي كثير عيوب =ولا منك حقرته جنت جنونه
وانا شاعر ولاني بالشعر مغصوب= واقول اللي حشى لا ما تقولونه

روّح مراح مقيط يا إمدمر= يالحاكم اللي طارت عيونه
الشعب عن ذرعانه إمشمر =في ليبيا والناس يوحونه
مهما يطول الوقت وإتعمر =ما تحكم العقال مجنونه

اه يا كبدي على الشعب المناضل =مات من تفجير قصف الطايراتي
يا مدمر منت فاضل منت فاضل= جعل شعبك يرجمونك بالحصاتي

هز وسطك يالجويهل للدراهم =كل ما صافحتها هزيت هزه
أرعن وتافه ورقاصه وناعم= والرجل لاجاك ما تقوى تخزه
لو تقول انك رجل عاقل وفاهم= شاي وزه يالدرو مابيه وزه

مع تحيات عدو الانبطاحيين ولسان المزدوجين

الشاعر ويكيليكس

[الشاعر ويكيليكس]

محمود حيدر يدعم الثوار= وسط المنامه وإسر يا ساري
والفتنه اللي تنتشر بالدار= من تحت راس الهيس دهداري
مابه عذر يا إمدور الأعذار= دام العداله بثها جاري
حطوا لهم لوبي سوات البار= ما يدهله ياكود سمساري
دام الحكومه عندها رادار= على الجميع صغار وكباري
ماشوفهم سوو عليه إحضار= والوضع فالبحرين منهاري
عز اليهود إبسطوة التجار= لو يصبح البايع هو الشاري
وجو البلد حر ومطر وغبار =وشلون يا نشرات الأخباري ،،!!
الله يعز الدار لأهل الدار =ويهد حيل الهيس دهداري

مع تحيات الشاعر ويكيليكس