°·¸.•°× مــشــاعـــري ×°·¸.•°

[موكب]

"

"

(( المرجله )) ،،، لا صارت هياط وشعر !!!=ما عاد أبيهـا ،،، لعنبوهـا من مرجلـه

"

"

[موكب]

؛


؛

وأنت يا الخفّاق ،، وش بك تنوجع وتمص دمّي !!=ليت لك نبض ٍ يلمّك لا إشتكيت من القهر
كان ما ولّيت وجهي للحنين وزاد همّي=وكان ما قـلّبت نفسي بين يدّين السهر
كم تعيزم فيك ضلع ٍ للعنا ،، وقرّبك يمّي=وكم تمرّك من سنين ،، وأنت عدّاد الدهر
يا ( الكبير ) ،،، إللي نبت لك أجنحه بكيفي وكمّي=وش خذيت من البساطه ،،، غير طعنات الظهر !!!
إن بغيت تطير ،،، هذي ( فرصتك ) والدرب فمّي !=وأنت حدد ،،، يا ( تموت ) بأول أو تالي الشهر !!

؛


؛

[موكب]

؛
؛
؛

لا تحسس في يدك جرحي ،، وتشقى=وأنت مثلك ،،، مثل هذا الوقت زايل
أذكر إنك قايل ٍ لي الحب يبقى=وأدري إنه باقي ٍ ،، لو منت قايل !
لأني جيتك من بياض الغيم ،، وأنقى=وما حسبت حساب نفسي والمثايل
كنت أظن بترقى بإحساسي ،، وبرقى=معك بإحساسك ،،، لو إن الدرب مايل
يعني كثر إللي لقيته وش بلقى ؟؟=يا بعدهم ،، وأنت عامل بي عمايل !!
ما تخيّرتك ،،، عشان أختار فرقا=وما عرفتـك ،،، لجل أدوّر لك بدايل ..!

؛
؛
؛

[موكب]

،

،


(( شظايا مشاعر ))




،،
،



عندما تعاتب الزمن وتعاتب الأقدار لأنها لم تستطع إنصافك مع من ُتحب !!!


عندما يقتلك الوفاء مئات المرات ... ويخذلك الصبر يوماً إثرَ يوم .. !!!


عندما تفعل ( المستحيل ) لتنتظر تلك البادرة ولكنها لا تأتي أبداً ...


تنزف في سكون ... ( كسكون الموت ) ..


والغريب أنكَ ومع كل هذا لا تموت !!!


بل ترحل بعيداً ومعك صورة حزينة لمشهد يعلق في الذاكرة تتمنى أن يموت ...


لذالك نحن نرحل دائماً ..


لأن ( الرحيل ) يقفُ جنباً إلى جنب مع ( اللقاء ) ...



،

،

[موكب]

،،
،

لو طـال دربي ،،، ما يقصر ( طموحي )=الله خلـق في " هقوتي " عدت ،،، ( أرواح )

،
،،

[موكب]

×

×




أَمَّا إنْتقَاسَم هَمَّنا بالنصيفه

......... ومن بيننا نِلْغِي حْدود الكَلاَفَه !!!




وإلاَّ نروح وكل منَّا بْكيفـه !!!

......... أنا أشْهَد إنّه ماعلينا حسافـه




×

×

[موكب]

//

/





أنت نبذة معشر الإنس والشيء الفريـد . .
. . جل شأن اللي مصورك عمّا يصفـون


ياصبابة ذوق الألباب وأصغاي النشيـد . .
. . يا القبال السمح والخاطر الرحب الميون


ياذهب قارون ياملك هـارون الرشيـد . .
. . من لقاه اغنـاه والسابقـون السابقـون


تنحني سادات الأشعار في مجدك عبيد . .
. . ليه مدري ؟ ! بس لله في خلقه شـؤون


تدري إنك ضفت للعولمة شيء جديد ؟ . .
. . علم هديف الأنامط وقـراء العيـون !!


أنت تبغي زبدة الهرج والعلـم الأكيـد . .
. . أنت في كون لحالك وخلـق الله بكـون


كان كل إللي فعلته من أجلـك مايفيـد . .
. . وإلا (فإنـا لله وإنـا إليـه راجعـون)





/

//

[موكب]

،،

،



سد بابك يالخفوق ،،، وضمٌد جروح السهر

...... كل أبوها كم طعنه ،،، من تعب عشق وجفا



الطعون إللي تجي من يدينه فالظِهر !!!

...... أثبتت إنـٌي أمام ،،، وتارك الخاين (( قــِفــا ))



،

،،

[جطلي بن فهد]

الله الله


مشاعر رائعه جدا جدا جدا


الاخ العزيز والغالي
موكب
يعلم الله اني لا اكتب كلامي لك مجامله لانك اخ عزيز لي وصديق عزيز لي قبل كل شي
ولكنني ساقول لك وبالفم المليان اشهد بالله انك راائع


يعطيك العافيه وسجلني متاااااابع

[موكب]

اخي الغالي / سماوي بن نجم /


يعلم الله أن لك معزه خاصه فالقلب


ونعم الاخ والصديق والله


والقلوب شواهد


مرورك بحد ذاته شرف كبير لي


وتعقيبك عطٌر الموضوع بأكلمه


شكرآ لك من القلب والروح


دمت بسعاده لا تفنى