طول غياب اللي له القلب ملهوف
والشوق ظالم ما عرف يوم رأفه
الجسم ناحل حيل واللون مخطوف
مدري علامه طول ارحال عطفه
أمرار دنيانا لها طب معروف
ما فادني طب ولا اي وصفه
خلاني لا سمع (ن) ولا حس او شوف
عايش بنصف انسان مذبوح نصفه
لا والذي ماله بهالكون موصوف
حوى جمال الكون والتاج عفه
ما توصفه اقلام وابيات وحروف
احيه ,, احيه ياوجدي على ذيك شفه
محروم من لا شاف خلي ومتلوف
والله ما تغمض من الآه طرفه
بيده لمحت الليل والصبح ملفوف
ذيك الأنااااامل كيف بالشال لفه
كل (ن) يقول الليل والفرق بالشوف
في ذمتي شفته على اطراف كتفه
كذاب من قال ان حكى صوت مألوف
غير البشر ياناس حرفه وعزفه
صوته يلوف القلب ويلوف ويلوف
خلاني مركب بلا شراع (ن) ودفه
بقولها من غير رهبه ولا خوف
والله يستر واسأل الله لطفه
لا ريم لا حصه ولا مي او نوف
هتان ريميه مع اشعار وطفه
والله لو للحسن ميزان وكفوف
كل البشر في كف وفلاااان بكفه
قسم حنايا القلب ادراج ورفوف
ورتب هيامي ولوعتي فوق رفه
ياناس ياعالم ياهوووه ملهوووف
والشوووق ظالم واقف (ن) دوم صفه
منهو يقول لصاحبي ليه ما يروف
ناصر من شووووقه دنى يوم حتفه
قالوا يموت الورد لا صار مقطوف
وانا حبيبي الورد يحيى بكفه ..
__________________
لو طاحت نفوس الرياجيل مـا أطيـح=علّـيـت نفـسـي للـعـلا واعتـلـت بــي
لكـن .. لــي مـبـدأ مـعـزه وتصفـيـح=أبــوي سمـانـي بـهـا وأستـمـت بـــي
أقــدر ظـــروف الـوجـيـه المفـالـيـح=وأبقـا علـى هقواتهـا اللـي هقـت بـي
أذخـر فواعيـس الرجـال الطحاطيـح=اللـي أليـا مــن جيتـهـا رحـبـت بــي
قولـة هـلا وأقلـط علـى هبـة الـريـح=ثروة غنى فيهـا أغتنـي وأغتنـت بـي
مـاهـو كـــلام ملاعـبـيـن المسـابـيـح=الـلـي نـمـوذج كتبـهـم غـيــر كـتـبـي
ملقـحـيـن مـنـمّــق الــهــرج تـلـقـيـح=يامـا حكـت عنـدي ويامـا حكـت بـي
عـيـال رعـيـان الـحـلال الـسـواريـح=لو حصلّت ضحك ٍعلّي اضحكت بي
والـصـبـر زيـــن وللغـنـايـم مفـاتـيـح=وأكحـل عيـون ٍٍ بالحسـد تلتفـت بــي
28-06-2010, 10:01 AM
العرض العادي
