أنا على خبرك كما ريحة العود /اذا احترق بالنار يزداد طيبه

[عبرة وداع]

غيم الهوي قدام عينـي شروقـه
لكن بقلبي يحتـرق هـم واهـات



يقوله اللي كـل بـارق يسوقـه
يجتاح باحساسه جميع المسافـات



صبحٍ تنفس في بهـاه وسبوقـه
كنه يحاكي مهجة الروح والـذات



لافَجْ في صـدر الليالـي فتوقـه
يشعل شموعه بالغلا ضُوح نجمات



يسهر على ذكرى حبيبٍ يشوقـه
ويقول تو الوقت بدري و لا فـات




ذكراك بلسم خافقي وانـت ذوقـه
يامرحبا فيها إلـى منّهـا جـات




طيفك كما مـزنٍ تـرزّم بروقـه
عطـاه دائـم والليالـي مديـات



وحبك سرى بالقلب داخل عروقـه
حبٍ يفوق الوصف في كل الاوقات




غيرك بداخل ناظري طاح سوقـه
بينك وبينه في عيوني مسافـات




عٍزَّاه من روحٍ ٍ عليـك مْحروقـه
تبكي حنين وتمسح الدمع بسكات




والدمع غطى كـل شـي يفوقـه
إلا الحنين إللي له سْنين ما مـات




نزف الألم يجتاح داخـل عروقـه
قلبٍ تعلـم فـي هـواك المعانـاة



ياقلب لا يزعلـك غيبـة بروقـه
من حْب قلبه يسهر الليل مابـات




أنصحك ساير صاحبـك لا تبوقـه
يمكن ظروفه ماتساعد للانصـات


حاول وجرب واستمر في لحوقـه
لابـد مايسقيـك مُـره حـلاوات




وخلك مع اللي شفت فنّه وذوقـه
حتى يْتحقق حلم ذاتك مع الـذات

[عبرة وداع]

يالله لاتقطع بنـي عمـي أبـد
أهل السلوم الزينـه المجرهـده


حناالبقوم اللي لنا العـز ممتـد
من جدنا الشيخ لحفيـده يمـده


متوارثين المجد جدا على جـد
الطفل منا يجذبـه سلـم جـده


أمجاد من عصر مضى مالها حد
قد خلودهـا راكبيـن الأشـده


وعلى بنات الحصن يوم المناكد
يوم (ن) كل واقـف دون حـده


وفق الأصايل يوم الأيام تشتـد
كم فرجو بسيوفهم يـوم شـده


بإيمانهم حدب تقد الظهـر قـد
هنديـة عنـق المعـادي تقـده


حنا البقوم وفى البشر مالنا ضد
كم جمع حـراب يقـوم ونهـده


حنا الصواريم أمس واليوم والغد
مجدآ تسلسل يتعب اللـي يعـده


خمسين جمع وكلنا جمع واحـد
جمع يضد ولاش جمـع يضـده


جنب على جنب ويدا على يـد
أدنى إبقميـا كـل درب يسـده


عدونا نسقيه من سـم أسـود
وأن هام ناوينـا بنيـه نـرده


الكل منـا لـه حسـام مجـرد
ينغـد بالدنيـا ويفنـا بـغـده


وصديقنا عن كـل زلـه مبعـد
من العز نجعل له فراش ومخده


ودخيلنا يفرح بنـا كـا ماحـد
وأن لحقبه طلاب دمـه نجـده


وقصيرنا من جملة الربع ينعـد
كما نعد أبنـاء العمومـه نعـده


وخوينـا مانجرحـه بالملاهـد
ولانبحث بكثر التعجراف سـده

[عبرة وداع]

من القصائد الرائعه في الخيل


يـا سابقي حبك مقيمٍ على ساس
مـولّعٍ فـي حبـك القلب توليع

حلفت لو ساموك بفلوس عباس
إني شفيعٍ فيك لا اصخي ولا ابيـع

ولا دخل قلبي من البيع هوجاس
وان زودوا لي بالثمن قلت ما اطيـع

يا ما حلا لا شلّت الذيل والراس
مثل المهاة التي تـهاب المتابيـع

ريـميةٍ شمّت من الريح نسناس
حلّت على زول المبندق مع الريِـع

بـاغي إلى جانا من القفر عسّاس
وسميةٍ فيهـا الزبيدي مصاليـع

وانا عليها قدم الاسلاف نطّاس
لا جات حزات الفزع والزعازيع

لا صوّت الصيّاح بادٍ بالارواس
يفرح بي الذود المطرّف إلى ريـع

وإلى لـحقناهم والارياق يبّاس
مركاضنا ما هو بـهوز وتمانيع

[عبرة وداع]

دك في صـدري هواجيـس مجنونـه
يـاوجــودي يـــوم هـبــت هبايـبها


زاف عشبه والشجر مالت إغصونه
تلـعـب طـيــوره وقـلـبـي يلاعـبـهـا


خاطـري مرتـاح والنـفـس ممنـونـه
ماتعـاتـبـنـي هـمـومــي وأعـاتـبـهــا


أتـسـلــى والـمـقـاديــر مـضـمـونــه
مـاكـتـب لـلــروح لابـــد صـايـبـهـا


ودنـــي رجـــمٍ تـولـعـت بـركـونــه
مـنــوةٍ للـقـلـب والـعـيــن يـذهـبـهـا


شامخٍ هـام أسـود الريـش مـن دونـه
والـذيـابـه فــيــه نـلـقــى مـلاعـبـهـا


ليـا بديتـه هاجـسـي عــد طبلـونـه !
وحـاضـر الأبـيــات نـــادا لغايـبـهـا


تزدحـم فـي خـافـقٍ جــاب مكنـونـه
والله مايمـديـنـي أكـتــب وأرتـبـهــا


أستهيـض و تنطلـق كــل مسجـونـه
ويتوسع خاطـري يـوم أهيـض بهـا

[عبرة وداع]

يازين سج القدم في خايعن خالـــــي
دوبن دمع السحاب املامسن خــــده


ومن السيول الجوارح توه أمشـــالي
امدادا من السماء للارض بالـــــــرده


بامر الله الي خزينه دايم الحــــالـــي
حزة تجمع على شاطي بحــــر جده


ناسن تغني بعال الصوت وتـــــلالي
من لهفت الشوق والحرمان والصده


ادور السجه ابه وراحة البالــــــــــي
أطرح افراشي على مجراه ومـــــده


ودمث الناري وشبه ونحر ادلاالـــي
والي معي كثر وده ليـــــــــــــه أوده


مهوب عباد وجه أصحــاب الاموالي
يستانس الهدتي وستانس الهــــــــــده


أطريله ان غبت ولياغاب يطرالــــي
قوي عزم(ن) تحسبه ساعة الشـــــده


يوم الرخا أصحابه أضعيفين وهزالي
وليا تقهويت وسترخيت لك مــــــــده


حروة عشانا وجرة كل موالـــــــــــي
عقب الاخير اركب الي يكفي البــــده


يحوفه أمن النشاما الي على بالـــــــي
لاصبو الكيف بالفنجال له بــــــــــــده


تكريمن ال شاربه ولطيب الافعالــــي
باذر نباته يشوق العين وعـــــــــــــده


للي يبي مني اعلومه ويعنالـــــــــــــي
والي يطوح بعال الصوت ويــــــــوده


وبله لاربع لها رغبه ومدهالــــــــــــي
بنات هرشن تعمق فيه وهتــــــــــــــده


خامسهم الي ونعم أبحقه أتقالــــــــــــي
ورثن من ابوه وابوه أرثه جـــــــــــــده


من يوم ربي خلقه وهو وبالــــــــــــــي
عندي تساوي حلالن صاحبه عـــــــــده


مزاده الاطمع وقفاي وقبالـــــــــــــــــي
ونجاه من يستحق الفزعتــــــــــــــه رده

[عبرة وداع]

ايام كثيره مضت من حياتنا لكن بدون فايده
نحس الوقت يمشي بسرعه بدون مانحس فيه
الروتين اليومي نفس الشي
امس نفس اليوم وبكره نفس امس وعلى هالحاله



بس لو ملأنا حياتنا بشي يفيدنا شي يخلي حسناتنا تزيد
شي يخلي نفسيتنا تزين ويخلينا دايم فرحانين
صدقوني بنصير اسعد ناس في العالم





ساعد المحتاجين
اكفل يتيم
لو ماتقدر ماليا
تشارك انت _انتي ومعارفك
او اصدقائك
وبكذا يكون الأجر اعم وأكثر
وراح تكسب اجر اكثر منهم تدري ليه ؟!
لأنك حثيتهم على هالشي



حافظ على صلاتك في وقتها
حاول أن تخشع قدر الامكان
وابعد عنك الهواجيس وانت تصلي
واستشعر انك امام الله



داوم على الذكر دائما وعشان ماتنسى
علق على باب غرفتك مجموعه اذكار
في الممر في الصاله
في اي مكان في البيت
عشان ماتنسى
واللي حولك بعد ماينسون





واظب على أذكار الصباح والمساء
ففيها راحة نفسية عجيبة





تبسم في وجيه الناس فعلى كل ابتسامه تكسب صدقه
وتفرح قلوبهم وتخليهم يحبونك اكثر واكثر



ابعد عنك الحسد والحقد والغيره
وخل قلبك ابيض نظيف
ترى الدنيا والله ماتسوى اننا نتزاعل ونغتاب بعض فيها



احرص على انك تقرا القرآن يوميا
حتى ولو نص وجه خل قرآنك
جنب السرير قبل ماتنام
اقرا لك شوي



حاسب نفسك ..
انا اليوم اغتبت؟ جرحت احد ؟ سبيت احد؟
انا اليوم ماجلست مع امي كثير؟ انا اليوم مااستغليت يومي بشي يفيدني؟
حاسب نفسك قبل لاتنام
وانتظر بكره يجي عشان تصحح اخطائك
ويكون يومك احلى من الامس

[عبرة وداع]

.
معشوقتي ما للفرح برجوعها يمي سبيل
الا مثل ما للربيع من الزهور ليا ذبلت


.
معشوقتي من عمر جيل ومدرسة مليون جيل
معشوقتي رمز السنين اللي تجلت وانجلت
.


اللي على كثر المصايب كل مافيها جميل
الناس لي كبرت تشين وذيك لي كبرت حلت


.
لامن تثــنت للهبوب تمــيّل اللي مايميل
وان مالت عقول الخفاف من الرياجيل اثقلت


.
كن الكلام بثغرها مجرى سبيل للسلسبيل
مسترسله لو ماضميت ولو ضميت استرسلت


.
تقبل على لون المسا لاجات مفتوله جديل
غصبن عن عيون النسا مايرمشن اليا قبلت
.


عشقتها لاني من اللي يعشقون المستحيل
صدقتها لانها لـ قالت القول : افعلت


.
الترفه اللي تنطح الفريّــس وتفك الدخيل
ما الرجال اللي تحملني مثل ماستحملت


.
لو كل خلق الله ملو ماتمل وماتميل
لان الرجال بهالزمن قلو هذيك استرجلت


.
يوم ان وقفتهم معي من باب مايخدم بخيل !!
هذيك ما وقفت جنبي .. هذيك هي تبهذلت


.
خانوا وهي ماخونت عالو وعيت لاتعيل
تبدلتت كل الوجوه وذيك ما تبدلت


.
لانه ليا عز الرجا ما للخليل الا الخليل
مااذكر قرت في محجري قصة عن الحزن وسلت


.
كن الذي يجري معي يجري مع الطرف الكحيل
اليا رضيت ترضى عشاني وان تزعلت زعلت


.
تدوي بخفاقي دوي لين احيت الحلم القتيل
عشق بدويه لبدوي لاجت على البذل ابذلت


.
معها عرفت اني قوي حتى وانا مافي حيل
واعدها بمية خوي كان الهموم استفحلت


.
دام الشدايد تكشف بصاحبك معدنه الاصيل
ليت السنين اللي حدتني لـ الضياع استعجلت


.
الشده اللي تثبت ان اللي يحبوني قليل
ولا ضحكه بوجيه ناس لي تضايقت انكلت


.
بنت ليا منك وقعت تشيلك من القاع شيل
ابرك من وجيه الرجال اللي ليا طحت جفلت

[عبرة وداع]

حياك ياللي شاغل قلب مغليك
من يوم ما سافر وهو ضايق البال


احلى الاماني وامنياتي تمنيك
انك معي واني معك دوم وياك


شكوى بعادي عنك يا خل تنبيك
ان السعاده معك لا حل طرياك


لوك تعرفه كيف انا ابغيك واشريك
في كل ما املك عساهن فداياك


انت الوحيد اللي عيوني تناديك
من زود شوقي طيفكم هل ما اقساك


كل المعاني تتضح جيت شاريك
عسى الفرح معكم بحلك وممشاك


والــ.. خاتمه أبغيك أبغيك أبغيك
تبري جروح الروح لا صرت وياك

[عبرة وداع]

يضيق الكون في عيني واشوفك في خيالي كون
اشوفك كلما اغفي لأنك حلمي الساهر



أحبك في تفاصيلك أحب أسلوبك المجنون
أحبك في طلوع الشمس أحبك يا امل باكر



أحبك يا صدى صوتن بأحاسيس الهوى مشحون
أحبك يا ربيع أخضر أحبك يا شتاء ماطر



أنا صادق بحبي لك وقلبي أول العربون
أنا لا جيتك الاول بلا ثاني بلا عاشر

[عبرة وداع]

كم جدار من جدران الكبر والخيلاء

وجنون العظمة وحب الاستعلاء والتفاخر والزهو على الناس قد هدمها في نفسه خير الخلق

وأحبهم إلى الله، صلى الله عليه وسلم وهو القدوة، ومن خلفه أبو بكر الصديق رضي الله عنه

وهو خليفة خير قدوة، وغيره من الأعلام كخالد بن الوليد وغيرهم من عظماء هذه الأمة بحق،

حين خفضوا جناحهم لأخوانهم وأمتهم، واتخذوا من التواضع لله، وذل النفس له سبحانه أسرع

طريق نحو رضوانه وجنته!!

إن العوائق التي تمنعنا من القيام بتصرفات غير اعتيادية، وغير مألوفة لدى الناس، ولكنها

تشق بنا الطريق سريعاً نحو رضوان الله تعالى، لهي جدران قد أسسناها في نفوسنا أو

تأسست فيها على حين غفلة منَّا!!




علينا أن نواجه حقائق دفائن نفوسنا، ونكسر الباب الخلفي لمزرعة تلك النفس، لنرى كم

زرع فيها من أشجار الكبر والخيلاء والغرور على حين غفلة منَّا!!!

وكم نحن بالفعل أبعد ما نكون عن المعادن الحقيقية لنفوسنا، وما تخفيه من أمراضٍ بئيسة عنّأ؟!

إن البعض قد يظن أن التمكين الذي ننشده قد تأخر، ولا يدري هذا البعض المسكين أن من

عظيم رحمة الله بدينه ألا يمكن لأمثالنا ونحن على هذه الحال!! لأن ما بنا من أمراض وعيوب

خفيت حتى علينا نحن أنفسنا!!

ولو قدر الله وأتاح لنا ونحن بمثل هذه النفوس فرصة التمكن من رقاب العباد؛ لكانت المحزنة

والمخذلة بعينها!!! بكل ما تعنيه من معاني الفشل والخزي والعار!!!






إذاً لابد من تزكية النفوس بالمستوى الذي يليق بنقاء وطهارة هذا الدين.

ولتكن معادن عامة الناس ما تكون!!ولكن من يحمل أمانة دين الله والدعوة إليه، لا عذر له

بحال أن يهمل تزكية نفسه، وتطهيرها عملياً وليس فقط بالقول والتمني، لأنه أصبح يمثل هذا

الدين ويتحدث للناس باسمه، بل إن الأمر لا يحتاج حتى إلى الكلام أو الحديث، إذ تؤخذ كافة

تصرفاته الصغير منها قبل الكبير، عند الناس بمثابة اللسان الناطق عمَّا رباه عليه دين الله، وما

تعلمه من هدي رسوله صلى الله عليه وسلم. فإذا ما علمنا ذلك . . توجب علينا العلم

أيضاً . .