,’,’,’ الجـــزله اللي اهلها اهل الحميّه ..ارجالٍ اقرومٍ ومن صلب يامي ,’,’,’,’

[مشاعر حالمه]

السلام عليكم ورحمة الله وبركاته



الجزلــــــــــــــه ..عساها توصلج وانتي بافضــــل حال ....

يامن يبلّغها سلام وتحيّه = الجزله اللي شعرها دوم حامي
ريميةٍ تسوا بنات الحويّه = بنت الاصل بنت الرجال الكرامي
ياليتني معهااخت والا خويّه = يجمعني فيها ود واحلى كلامي
الجزله اللي اهلها اهل الحميّه=ارجالٍ اقروم ومن صلب يامي
غيابها شهرين زايد شويّه=وغيابها طوّل وانا شوقي ضامي
ياحيّ طاري هالبنيّه ياحيّه = طاريها ويّايه بصحو ومنامي
من غير شرٍ فيها ذيك البنيّه= اللي لها قدرٍ وزود احترامي
ادعي لها مولاي صبح ومسيّه = الخالق اللي بيده اغلى مرامي
يحفظها من شر البلا والأذيّه = ربٍ رحومٍ رب بيتٍ حرامي
صلاة ربي عدّ مالاح ضيّه = واعداد ماهلّت مزون الغمامي
على محمد سيد كل البريّه = اللي جعله الله نبيّ الختامي

وسلامــــتكم ..

تحيتي لكم / مشاعر حالمه

[سلطااان العتيبى]

الاخت مشاعر حالمه صح لسانك ولاهنتي










وتقبلي مروري

[مشاعر حالمه]

معانق حزن

تسلم والله ومشكوووووووور على المرور

صح ابدنك ولاهنت

تحيتي لك / مشاعر حالمه

[محمد المجول]

الله الله

صح الله لسانج وعلا شانج

يامشاعر حالمه

وإختنا البنت الجزله

تستاهل كل خير

قصيده وافيه عزالله

تقبلي تحياتي

[عبدالعزيز اليامي]

مشاعر




هلا وغلا




حضور للقراءه




ولي عوده تليق




وانشاء الله ان البنت الجزله بخير وعافيه




تحياتي

[مشاعر حالمه]

محمد المجول

تسلم والله وصح ابدنك يالقرم ولاهنت على المرور الكريم

تحيتي لك / مشاعر حالمه

[مشاعر حالمه]

عبدالعزيز اليامي

حضوور راائع



وننتظر عودتك

ون شاء الله انها بخير وعافيه الجزله

تحيتي لك / مشاعر حالمه

[سيف الغرام]

صح لسانك اختي مشاعر حالمه وننتظر جديدك

كل الود

[فيصل ال رشيد]

صح الله السانش



جزله

[مشاعر حالمه]

سيف الغرام

تسلم ومشكور وصح ابدنك ولاهنت على المرور الكريم

تحيتي لك / مشاعر حالمه