أهل القنازع لارقص كل شيطان

هادي الشامري · #1 30-04-2007, 04:28 AM

السلام عليكم ورحمه الله وبركاته

والله يصبحكم ومسيكم بالخير جميــــع

هاذي قصيده متواضعه وعساها تحوز على رضاكم

كريم يامنزل من الغيم ودان=على فياضن زايفات النواوير
جاها الحيا بارق وراعد وهتان=وعم الفيافي كلها بالشخاتير
يفرح بها من كان هالك وضميان=ويطرب لها راعى الغنم والمضاهير
وتناقلو علم الحيا بين الاوطان=وساد الفرح مابينهم بالتباشير
ومن عقبها يامحلا طرق الالحان=في مدح ربعن كلبوهم مناعير
قالولي امدح راعي المال سلطان=حتاه أيعدل حالتك بالدنانير
قلت اسمعو مني وحان الفخر حان=وركاب فكري واردات ومصادير
امدح هل الناموس ذربين الايمان=ماني من اللي يمدحون الهوامير
أثني وجيب البيت جزلن ومليان=وسوق مدحي للوجيه المسافير
ربعي ضنا مرزوق لاثار دخان=هل سربتن تنطح جيوش وطوابير
يشهد لنا سيفن ورمحن وميدان=وتشهد لنا قحص المهار المشاهير
أهل القنازع لارقص كل شيطان=اللابت اللي ماتهاب المخاطير
وحريبنا لامن نوانا بالاكوان=لانسمع الغاذل ولانسمع أمشير
نارد كما يارد على الجم ضميان=وعاداتنا نروي سيوفن بواتير
نرمي العشا لطير والذيب سرحان=اليا ختلط عج الرمك بالذواخير
ومن وقعنا شاف المصايب بالاعيان=وقفا يشيل غبونها والمخاسير
حنا هل العليا قرومن وفرسان=ستر العذارى لابسات الأساوير
وحنا هل المعروف ذربين الايمان=نفرح اليا شفنا الضيوف المسايير
ترحيبنا لضيف والجار والعان=ترحيبن احلى من حليب المصاغير
أنقلط السفره وحيلن وخرفان=ونكرم اللي يحتمون المضاهير
ميزاننا يرجح على كل ميزان=ومكاننا من فوق كل التصاوير
وعقب كلامن فيه زورن وبهتان=وماينقله ياكود ناسن معاثير
(وماقل دل وزبدة الهرج نيشان)=قد قالها راكان زبن المخاسير
تمت وصلو عد ماهل ودان=على نبين بين الشر والخير