فزعـــة اليـــــامي

[راكان اليامي]

لايازمن وقف وقلّي كيف انا انساه
_____وقف وقلّي كيف ابا انسى بسمة ايامي
لا يازمن واحلف بربي الحشا مرساه
________لا يازمن وقف دخيلك هذي احلامي
ابا اعرف وين هو لي00 وين بس القاه
__واجيه ولو يكون الدرب طويل ويكسر عظامي
تعبنا والعمر فاني ودقات الوفا تبغاه
_____وكل الشعر في وصفه يردد اسمه السامي
قريب ومبتعد مني 00 ألا يا خافقي ويلاه
____متى اشوف السعاده في مثاني جرحي الدامي
وكني من طلع سلّم وفي نصفه عجز يرقاه
______اشوف الموت من تحتي وحبه صار قدامي
ولامني بديت اتعب سقاني الدمع من عيناه
________واعيد العزم والكره واجيه بفزعة اليامي
ورغم اني على سلم خطير(ن) قلت له نفداه
_________اجيه واطلق عنانه واداوي حبه الظامي
وما بين اختيارين(ن) حلاها مر قد ذقناه
_________اما حبه العالي000 واما موقد(ن) حامي
حبيته وحبيت انني اختار ما يرضاه
______واجيه ولو يكون ابعد من ارض الهند والشامي
وغيره لو يكون احلى من الالماس لي عفناه
______وابي يعرف ترى حبي لغيره كذب واوهامي
اشوفه كل يوم(ن) في منامي كامل(ن) م احلاه
______واخاصم كل من ينغص منام الزين لا نامي
حمل كل البرائه والكرم قد ساقته يمناه
________ورمشه اشهد انه كان لي القناص والرامي
على شانه اغني له بشعر(ن) قيل من غناه
___________واذا مني تذكرته يهيم الشعر به عامي
واخاصم كل ابياتي السوابق ليه ما تنصاه
________ تقول ابشر ولا تزعل يجيه الكاف واللامي
واعاند واشتري حبه 00 ابيه ولا ابي فرقاه
_________واخلّي ضحكته لا جات تمثال(ن) لاهرامي
جميل اي والله اني طايح(ن) به عاشقه واهواه
__________وبسمه ابتدي وانهي سوالف نشرة اعلامي
وعيني تحرس عيونه ودفات الهدب ترعاه
____________وتالي الليل له عندي خفوق بحبهم هامي
اعسف القلب له وحده سراير خاطري ومناه
____________واذا يبغى على شانه اجيه بكامل احجامي
وانا له في الشتا البارد لحاف(ن) يستره ودفاه
____________تعدى كثر ماحبه مقاييسي وارقامي
صعيب الدرب ياروحي ولو تدري علي م اقساه
_________ولكن ما اسمي الا شاعر(ن) عن غيركم صامي
اعاني من مسافات(ن) تهد الحيل ثم تنعاه
___________وابي منك على دربي تقوم وتربط حزامي
ولازم ينتهي مشوار حب (ن) بالوفا عشناه
__________ولك منّي عهود الحب من راسي لاقدامي
وشفت الحب في عينك كبير وحافض(ن) معناه
__________ولك سجّلته بقلبي وبصّمته بابهامي
وآه واه لو تدري غلاكم بالصدر مسراه
_______ وحط ايدك على صدري تعرفه من تنسّامي
ومادام الشعر حبك وبكّى خاطري وادماه
________وقلبي ما عشق غيرك وقربك بس هو رامي
اذل اقسى الظروف اللي تعاند صاحبي واقناه
________واذا ماجيت له وافي نصيته يكتب اعدامي
وبعد ماموت له شعر(ن) يقال لمن سأل او جاه
_________وهو شعر الذي حبه وسطرته بأقلامي
ترى غيره علي يحرم ويحرم ارتوي من ماه
________والى مني رجعت اكتب تراها كل انغامي
وهذا هو كلام محمد اللي خاطره اغلاه
________يزيد بداخله حبه من عام(ن) الى عامي




الشاعر ابن جمشان

[بخـــــــــــوت]

صــــــــــح لسانك ولسان الشاااعر راكان اليامي

واذا يبغى على شانه اجيه بكامل احجامي
وانا له في الشتا البارد لحاف(ن) يستره ودفاه


لاهنت سوبر ستااار المنتدى

[راكان اليامي]

هلا وغلا يابخوت

وصح بدنش ياسنافيه

وتسلمين على الاطراء يالغاليه

راكان

[عيد بن شدقان]

ولامني بديت اتعب سقاني الدمع من عيناه
________واعيد العزم والكره واجيه بفزعة اليامي
راكان اليامي
لا هنت وصح السانك والسان الشاعر
ابن جمشان

[نبض المعاني]

الله الله يا راكان هيضتنا يا رجال

واذا احتمى راسي طارت الطاقيه

يام يا غلابه كم من قبيلي كسرنا نابه

تحياتي لك

[راكان اليامي]

ارررررررررحب يالراكد

صح بدنك ياذيب
ولا انت

واشكرك على الرد

اخيك

[راكان اليامي]

اررررررررررررحب يابن زابن

لاتذكرني بالحميه ياخوي تراني على الريحه

صح بدنك يالسنافي

اخيك

[Ebn SaiF]

صح الله لسانك ياراكان
وماقصرت .. وقصيده عزالله انها حلوى
وتسلم يمينك يالسنافي

تقبل تحياتي
Ebn SaiF

[راكان اليامي]

هلا وغلا ياEbn SaiF

ولاهنت على الرد
وصح بدنك يالسنافي

اخيك

[السياسي]

اررررررررررررررررحب بفزعة اليامي يا راكان اليامي


السياسي