,’,’,’ تبـــي تعـــرف من مشـــاعـــر ,’,’,’

[مشاعر حالمه]

السلام عليكم ورحمة الله وبركاته

بسم الله الرحمن الرحيم

اليكم احد قصائدي اتمنى ان تعجبكم ( ولاتنسون انتقاداتكم فهي بمثابة التشجيع لي ^__^ )

الشاعر اللي مرسلٍ لي قصيده =مآيدري اني ماعرف الف وادور
على جناح الطير يرسل بريده =وانا على عاده ومذهب ودستور
مآقدر اجاري قصده الي يريده = ولاني على كيفه بمآقآل مجبور
حره انا ماني من اطرف عبيده =امشي على كيفي ودربي على نور
على المآسنجر بالاضافه زهيده =مآحط عندي طاقم رجال طآبور
بالله من عرفه وش الي افيده =غير الغلط من دون تفكير وشعور
لاويتشره والرسايل عديده = يقول ماترسل ولا انته بمسرور
انا عنيده اشهد اني عنيده =وابوي رباني على طيب وطهور
ماني من الي بالتعارف سعيده =يضحك عليها النذل بالكذب والزور
انا ترى بنت الرجال الشديده =مارضى بعيش البغي والظلم والجور
عقلي براسي واخذ الي اريده =واللي زعل ماهز شعره بهالكور
دربي شرف واحيا حياة حميده =واعيش في جوٍ من الطهر مغمور
في العقل والزين وصفي فريده =لاجيت بين البيض كني من الحور
حياي كاسيني وربي يزيده =عيب علي لايمكن لطهري ابور
ابوي شيخ الطيب والجود بايده =شيخ حكيم يبدي الراي ويشور
وان كنت شاعر والك مده مديده =تكتب ولك بين المحبين جمهور
بتشوف اسمي صار وسط الجريده = اصير مشهوره مثل مانت مشهور
روح ترا ماني بقربك مزيده =فآرق وتلقى غيرنا وانت مستوور

وسلامـــــــه تسلــمكم ..

تحيتي لكم / مشاعرحالمه _ عزوة ابوها