كتبت الشعر في كامل الزين = كتبته وعـــّديت الوصايف
بدايات وصف الزين بالعين = كحيلات ورموش ٍ عكايف
من الله كحيله دون تزيين = بها ضاعت عقول العرايف
لها خدة ٍ حمرا تقل تين = من الغصن مقطوفه قطايف
ولها مبسم ٍ ذاب الحلاوين =وموتي ليا عض الشفايف
لها لبة ٍ وسع الميادين = تطارد بها الخيل العسايف
وعوده كما عود الرياحين = غضيض النهد ناب الردايف
وقرّوا لها حتى السلاطين = وحتى شجاع القوم خايف
غزال ٍ طغا زينه على الزين = وزين العرب عقبه حسايف
هوينا بعض من بضعة اسنين = وصرنا عشاشيق ٍ ولايف
وعشنا دروب الحب صافين = وكل ٍ بطعم الحب كايف
ولا هـمـّــنا عاذل وواشين = رفيعين عن من كان هايف
مساكين عــّذالي مساكين = حكوا بس 0 قلنا ياخلايف
وسلامـــــــــــتكم
الشـــــــــــاعر // ســــــــــعود رتيبان الجويّر
العرض الشجري