ليلة فراقك ،،،،

شيوم العجمي · #1 31-10-2011, 05:58 PM

ليلة فراقك .. ودمعـك لمّـا بعيونـك بـدا
من لمحته قبل أسافر .. ماهنا لي مرقـدي

قلت لك :"أيام وارجع" ، والحكي ضايع سدى
لاْن - بالأيام هذي - حتى هالقلب يغـدي!!

ياوطن روحي أماااانه كفكفي هـذا النـدى
واعذريني والله إن الوضع ماهو فـي يـدي

كل شيّ ٍ ممكن إني أرفضه لجلك .. عَـدا..
[شايبي] لامن زهمني قلت: "أبشر يابعـدي"

انتي أكثر من عرفني ماهو من طبعي الردى
وآنا اعرْفك طووول عمرك ماتحبين الـردي

رحت.. لا قلبي.. ولا فكري.. ولا بالي هدا
رحت.. وهمومي تجر أحزان درب ٍ سرمدي

.المصيبه.. كثر ماني والسفـر أكبـر عِـدا
كثر ماربي كتب لي معه أجدّد موعـدي!!!

العــــديم · #2 31-10-2011, 06:31 PM

رحت.. لا قلبي.. ولا فكري.. ولا بالي هدا
رحت.. وهمومي تجر أحزان درب ٍ سرمدي

صح لسان قايلها
ولاهنتي ع النقل

مانع بن شنيخ · #3 31-10-2011, 06:34 PM

شيوم العجمي
كلماتك كالندى يبلل المكـان .. ..

قطــرةٌ تنحدر من على بتلات وردة ..

وأخرى من على أوراق الشجـر ..

نبض متجدد وعطر يفوح من كلماتك ..

شاكر لك ولقلمك الراااائع ..

دمتي بكل الود...

ودمتي ع المحبة