حـــبـــك جــنـــونــــي

[عبرة وداع]

اسعد الله اوقاتكم


بالرضاء والهناء


يطيب لي وضعها بين ايديكم


راقت لي باحساسها العذب


ذكراك سير على الخفاق نسناسه

اركم وسمى غرام وجاله اشعافي


شعف يزمه ويقطع عرق هوجاسه

زمة رحول تزم ثقال وخـفــــافـي


شاله وسوى على مركاك مجلاسه

ثـم قام به يستعي حولك ويطافــي


تمـد لـه زمزمك , ويمـد لك كـاسه

تملا عروق بعدك ارباع وانصافـي


يشوف صورة غلاك ويسمع انفاسه

لو كان مابه (غلا) يسمع ويـنشافي


لكنه الحب يـــوم اصور احساســـه

تصوير شاعر ولا صورة فوتقرافي


لامن نـثــرته وضمه حـظـن قرطـاسه

تقول لولو غفى في حضن الأصدافي


واصير كلي بـحـــر والـفـكر غطاسه

حتى تشوف العجب وتقول ياكافــي


شعـري واقيسه ويـفـدى عين لباســه

ملبوس حشمه على من يلبسه ضافي



ياللي عشانك تعــدى حرفي قياسه

ولَع وكن القمر في حضرته طافـــي


ياتاج راس القصيد وزخرف الماسه

ياملهمي ياغرور الحرف في قافـي


يـ أول بدايات مجنوك و (وســواسه)

حبك جنوني وقمــة حبك انصافــي


مجنـون ليـلى على ليـلاه واجناسـه

لوجاه حضرة جنوني حطه اخلافـي



اتبع غرامك شفـاقــه فـيـه واعساسه

وتشره على حالتي وان بنت متعافي


فـي داخــلي منك قـل النـوم واعماسه

اسهرك واغفى واشوفك داخلي غافي


وفي داخلي منك شوق داسني باسـه

مادامـه اركــم غـرام وجالــه شعافي