أموت كلي معك .. واموت فيـك وعليـك

[قوت القلوب]

أول مشاركة لي في قسم الشعر

قصيدة من اروع قصائد الغزل لخليل الشبرمي

اتمنى انهاا ترقى الى ذائقتكم



/
/
/

يامن دهتنـي عيونـك واحتوتنـي يديـك=الله يسامحْك كيـف تقـول مـاذا دهـاك
ماتدري انـي متيّـم بـك وكلـي لديـك=مملوك مأسور مسبـي مستهـام بهـواك
أموت كلي معك .. واموت فيـك وعليـك=واغليك لكـن عسـى الله مايبيّـن غـلاك
واحنّ اليك .. وعليك احنّ مـن والديـك=ومن لهفتي عيـن قدّامـك وعيـنٍ وراك
أشتاق لك واشتكي لك منك واشكيك اليـك=كلك ملكني .. وكلك فـي عيونـي مـلاك
جادلك جيدك جبينـك خنجـرك حاجبيـك=اسمك سماتك سمّـوك سِسْتِمِـك مستـواك
جوريْك جمرك لجينك عسجـدك وجنتيـك=ذرابتِك رقّتِك روعـة حضـورك بهـاك
وجهك وهج مبسمِـك بسمَتْـك غمّازتيـك=براءتك .. خالك اللـي لاذ بايسـر شفـاك
سِجِنّجِلِـك جلنـارك نرجسِـك كركديـك=كاديك مسكك نسيمك شمس صبحك مساك
سلهام عينك .. نَعَس طرفك .. حَور مقلتيك=بوهَتْك ملحك حلاتك خـف دمـك حيـاك
ما اعرف اداري ولا اهدّي ولا امسك بريك=لاجيت اجي كلي .. وكلي عسانـي فـداك
أقدّم الروح كاش .. وباقي العمـر شيـك=باسمك مصدّق ولا يصرف لحـيٍ سـواك
يامن دهتنـي عيونـك واحتوتنـي يديـك=الله يسامِحْـك كانـك قلـت مـاذا دهـاك

باقة ورد لك من مر هنا