ياصاحبي ليش تقفي ناوي الصده
نسيت عهد الموده صرت تجفاني
@@@@@@@@@@
والعام يوم التقينا في بحر جده
في ساحل البحر الأحمر يوم تلقاني
@@@@@@@@@@
عاهدتني في غرامك قلت ماهده
واليوم صدك غريب وصرت تنساني
@@@@@@@@@@
جوالك الي فصلتة صارلة مده
دمر حياتي وهدم كل جدراني
@@@@@@@@@@
يرد شخص(ن) غريب وقاسي(ن)رده
مايدري اني مريض وزاد وجداني
@@@@@@@@@@
جفيتني مع ظروف الوقت والشده
واليوم زود(ن) على الضيقة تحداني
@@@@@@@@@@
العام شوقك كثير وطافح (ن) حده
واليوم ماخذ حنانك واحد(ن) ثاني
@@@@@@@@@@
نسيت خل(ن) صفالك صرت في ضده
وأنا هقيتك مع الأيام تهواني
@@@@@@@@@@
حبك سكن فالضمير ولاحد(ن) قده
وأتعبت حالي كثير الشوق عناني
@@@@@@@@@@
لاقلت ابنسى غرامك زاد في وده
يدفعني الشوق والتفكير سراني
@@@@@@@@@@
قلب(ن) ملكتة حرام ولا حد(ن) شده
عذبتني شوف حبك وين وداني
@@@@@@@@@@
أسهر ونجم السماء مليت من عده
وإن كان طال المدى والرد ماجاني
@@@@@@@@@@
الحال ولى وصدري باح في سده
دعيت موتي وبحت السد لخواني
@@@@@@@@@@
الحب بلوه عظيمة لا رحم جده
بعد المودة حزين وصرت وحداني
@@@@@@@@@@
واختامها وين خلي يابحر جده
حيثك مداهيل خلي يوم يلقاني
@@@@@@@@@@
اخوكــــــــــــــــــــــــــــــــــــــــم الشاعر"طلال بندر الهاجري"
19-05-2009, 04:25 PM
ناوي الصده
العرض العادي
