يالله علـى درب الهـدى تهدينـي=وامن العيـون الحاسـده تحمينـي
عزيز قوم وعزتـي فـي راسـي=والى انزلت حفظتهـا فـي عينـي
الله هدانـي ليـن صــرت اردد=إنـا هديناكـم الــى النجديـنـي
وانا اهتديـت لقـول خيـر الأمـه=أفلحـت يامـن تـدرك البردينـي
مانيب اهاب امن البحـر وامواجـه=لني بحـر فـي فكـري وتكوينـي
أشـوش لامنـي مدحـت الطيـب=ومدح الرجال اهل الوفـا يغرينـي
سـلام تسليمـة وفـا يافيـصـل=مـن فكرتـي وادائـي وتلحينـي
مابـاقـي الا اقــوم واغنيـهـا=يمـكـن لياغنيتـهـا ترضيـنـي
أكبر فخـر للشعـر عـده عنـدك=واكبر فخـر لـي إنـك تنادينـي
والشعر تحت امري وانا تحت امرك=أشّر علـي وآتـي قبـل تدعينـي
لني وفـي والشعـر مثلـي وافـي=وعلى الوفـا اخاويـه ويخاوينـي
وان كـان قصّرنـا بحقـك مـرّه=ياسـيـدي لايـبـرح العبديـنـي
غيرك يبي مدحي ولاهـو حاصـل=لاهـو ب بايعنـي ولاشاريـنـي
والا انت مدحك حسب عرفي واجب=وابمدحـك لـوكـان ماتعطيـنـي
أنا لسانـي مرتبـط فـي مدحـك=كأن جينـك مرتبـط فـي جينـي
ذكرك ليامـن حـل وانـا ظامـي=مسامعـي تـروى قبـل تروينـي
يامشغل قلوب البشـر فـي حبـك=أشغلتـنـي مابيـنـي ومابيـنـي
لـو ان حبـك مــال مابـذرتـه=ولو ان حبـك ديـن مكثـر دينـي
تصدق ان حتـى الأصـم الأبكـم=يسمـع كلامـي عنـك ويحاكينـي
وحتى الجماد الـى ذكرتـك عنـده=كنـه يجـر الصـوت ويلاحينـي
وانـا لـو اعـدد لـك انجازاتـك=مانـي بمحصيهـا ولا يمديـنـي
يحق لـك الـى اعتزيـت بنـوره=ويحق لي أفـزّ لـك فـي حينـي
ماهي خساره وقفتـي مـن دونـك=ولاهي خساره لاخسـرت سنينـي
مادامني مـن قـوم شـدّ حزامـك=والله لجـي لومـوتـي يباريـنـي
وحنـا خوالـك لابـدا لــك لازم=ناتيـك لامـن قلـت مـن ياتينـي
ماقلتها وارجـي وراهـا مكسـب=رضاك عمـا قلـت لـك يكفينـي
والله عطـاك وياعسـاه يـزيـدك=والله زرع حـب القناعـه فيـنـي
وانا سعـودي بالأصـل والمنشـأ=لانـي بمـاراتـي ولا بحريـنـي
أقسـم بـرب الكعبـه ان ولائـي=لحاكـمـي ولدولـتـي ولديـنـي
وان كانـي كـاذب بشـي ٍ قلتـه=أقطع لسانـي قبـل قطـع ايدينـي
30-08-2008, 11:34 AM
العرض الشجري