ياليل الليل .........يالرفيق.

@ فــهــد @ · #1 14-06-2008, 11:45 PM

قصيده متواضعه ... من شاعر باذن الله متواضع...عساني ما اخيب ظنكم

بسم الله::

الا ليت الزمان يعود ويرجع وقتنا المعهود=وأشوفك يا رفيق العمر تطريني وتلقاني
اجيك بلهفة العشاق اجيك بلهفة الموعود=اطرزلك واغنيلك واحوبكلك على الحاني
الا ليت الشعر ينبش حشاي ويعرف الموجود=لصار الشعر ما يملي عيونه غير قيفاني
الا يامرهف الاحساس وجودك ما مثيله جود=الا يامنبع الطيبه وسعد الظيف والعاني
علامك يا رفيق العمر تقفي والسنين شهود=علامك تفتح الصفحه وتبداها بنسياني
علام الوقت يتعبني ويعطيني الليالي السود=اجيها بكل ما فيني تقولبني وتعصاني
اظيع بدنيتي مدري وش الموجود والمفقود=اهيم بوحدتي وادري بأن البعد اظماني
وانا كنت الوحيد اللي يثور ومايعرف ركود=الا منك نثرت الدمع وجه الليل وحداني
وانا كنت الفراش اللي يظمك يا شبيه العود=فراشٍ يدفن همومك ويقطر مسك وريحاني
وانا كنت العضيد اللي يسوق الرجل والمجهود=لشفتك ظايق الخاطر ومتعومس وتنصاني
اروح بهمتي واجحد سواد العيب والمنقود=ولا اشوفك كسير البال ومن احزانك تعاني
اشوف الموت واظحكله واجيه بفزة المهدود=على شان الرفيق اللي اعده ثالث اخواني
ياليل الليل من همٍ دفينٍ بالحشا موجود=ولا يدري احد عنه سوى ذربين الايماني
بغيت اوصل المعنا وابيّن صافي المقصود=عساه يقدر الخوّه على شانه وعلى شاني
وسلامتكم.

اخيكم ::

الـــظـــــــامــــــي