|
غموض البحر والملح مـا خـوّف البحـار...سرى يدفعه شـوق الفقيـر لهـوى الدانـه
السلام عليكم ورحمة الله وبركاته
اسعد الله اوقاتكم بكل خير
نتواصل
مع جديد الشاعر المبدع عبدالله بن عبيان
غموض البحر والملح مـا خـوّف البحـار=سرى يدفعه شـوق الفقيـر لهـوى الدانـه
وانا لي على اطراف السواحل وطن واسرار=جذبهـا هـواك ونجمـة الوجـد سهرانـه
لو اني من اهل الكهف وعيونك انتي الغـار=عشقت المنـام وجنـة الرمـش واغصانـه
مسا البارحة ما مر عطرك علـى النـوار=ونامت وروده مـن عنـا الشـوق ذبلانـه
عسى خير والغايب يقـدم سبـب واعـذار=ومهما حصل تشتـاق لـه تربـة اوطانـه
تعالي بحر جـده كسـر خاطـر الـزوار=ولافيـه غيـرك لا لفـى يجبـر احزانـه
عطيني يمينك والشـوارع زهـر وامطـار=نطـوف السحـاب ويفتـح الفجـر بيبانـه
مثل معطفك لا فـل ريشـه وشـب النـار=وجمّـع يدينـا البـارده تحـت جنحـانـه
نطير وسمانا حلم غيمـه وطيـش صغـار=جمعهم مصير(ن) تجهل الشمـس عنوانـه
عشقتـك ولـي مبـدا مثـل قايـد الثـوار=يموت وطموحه لو قسـى الوقـت ماخانـه
تمنيت اطيح برمش عينـك وانـا المختـار=شموخه رسخ في البال من كبـوة حصانـه
__________________
ليااجتمعت الثنتيـن حاجـة وشيمـة راس=وهـــذي تـنـزلـنـي وهــذيــك تـرفـعـنـي
رفعت النظر والله عطاني نظر واحساس=وهـي ميـزه فـي كــل الاحــوال تنفعـنـي
حيـاة التجـارب علمتنـي وانــا حـسـاس=وخلتني اعرف نظـرة العيـن وش تعنـي
وانا لو بدت لي حاجة عند بعـض النـاس=اريــد الـكـلام وعــزة النـفـس تمنـعـنـي
|
العرض الشجري