جديد الشاعر منصور بن محمد بن منيخر

[جطلي بن فهد]

بلا مقدمات
أبومحمد شاعر غني عن التعريف .. وهذا جديده

ابطيت ما ارسلت من جوالك رساله = اخذ علومك وتاخذ مني علومي
حق الخوي للخوي ينشد عن احواله = ولاصار عنده عذر ماهوب مليومي
يوم أنت طيب ومثلك رجل يعناله = القرم شرواك منصى أجواد وقرومي
والقاف مني وخل القاف في فاله = لو كان ابو راس حارس سدرة الدومي
أبيات كنها سنام طويق وجباله = وسوات عقد الذهب ماتجرح الصومي
وبيت القصيده يجي للناس بلحاله = واحد ويبقى مع الأصحاب والقومي
ولا تساوت يمين الرجل وشماله = والحر سيرته ماهيب سيرة البومي
كم قصر كبر الجبل مايذري ظلاله = وكم متهم في عيون الناس مظلومي
قد قيل فيما مضى للهرج نقاله = ولا غير الناس غير الفرس والرومي
قلته ولا ابي لحد فضل وجماله =لو ضاقت الأرض ما ضاقت بي هدومي
قارون تحت الاراضي قصره وماله=وصدام في عيد الاضحى مات معدومي
للحق طلابه وللشر طباله=وأبليس يوم الحشر ماهوب مرحومي
الأوله من صفات الزير ورجاله=والثانيه من صفات اضفاع ورخومي
تكرم وراعي الردى مردود فنجاله =ان غاب ولا حضر ماهوب محشومي
ومن مات قدمه كتابه وسطه أعماله = ولاغير طه من الزلات معصومي
وصلوا على المصطفى وصحبه وآله=عد الحجر والشجر والليل واليومي

وسلامتكم

[رجـم بـذال]

أبيات كنهـا سنـام طويـق وجبالـه
وسوات عقد الذهب ماتجرح الصومـي


عزالله انه صدق


صح لسانه


وتسلم يمينك على النقل

[كلاش]

كم قصر كبر الجبل مايـذري ظلالـه
وكم متهم في عيون الناس مظلومـي
قد قيـل فيمـا مضـى للهرج نقالـه
ولا غير الناس غير الفرس والرومـي




شاعر غني عن التعريف

يعطيك العافيه على هذه القصيده

[مطنوخ خلقه]

أبيات كنهـا سنـام طويـق وجبالـه
وسوات عقد الذهب ماتجرح الصومـي


عزالله انه صدق


صح لسانه


وتسلم يمينك على النقل

[فلاح بن جمل]

الله هالله


لا هنت ع النقل وصح اللسان الشاعر


لك الشكر

[**عافكـ الخاطر**]

لاهنت على النقل




وصح لسانك ولسان بن منيخر

[تركي الميموني]

صح لسان شاعرها

جزله يا بن فهد

وماهي غريبه على قلمك

نقل الروائع

وبانتظار جديد حروفك

تقبل مرور حروفي