سلام يانسل الحرار القرانيس=اهل الوفا والطيب ساس"على ساس
ماهي شطاره جرتك بالقراطيس=ماينفعك يالقرم حبر" بقرطاس
قدلي سنين وضيقتي بالمحابيس=من دونها قفل" ومليون محباس
صابر على هرج الوجيه المعابيس=اللي لهم بالقيل زرع"ومغراس
اهل النمايم والعلوم الدنافيس=نذل" يدور من ورا هرجه اللهاس
هيس"تحدر من ظهر هيس من هيس=مامن صمايل بس وسواس خناس
الريح غير من وجيه التضاريس=وزالت جبال" والسبب نفح نسناس
ابديت لك مادار خلف الكواليس=وانته نبيه وتازن العلم بقياس
من عقبها يزين شم النسانيس=وفرقا الوجيه اللي تبشر بالافلاس
واشب ناري عند ذود" معابيس=ريحة عبسها عنبر" مالها اجناس
هاذي مدابير" وهاذي مراويس=وهاذي على صوت المدوه لها ماس
مادمت انا حي" فابرخي لها الكيس=اللين تبني فوقها مثل الاطعاس
وان لاحت ابروق الوسم للعساعيس=من حبها باجهم مع الصبح عساس
وانزل بها خايع" مابعد ديس=قاله قبلي شاعر" قوله اللماس
واختامها اعوذ بالله من ابليس=ومنه(و)تبع ملته خناس واسواس
15-07-2009, 02:53 PM
العرض الشجري