مواجع قلب \ مصافحه أولى

[جزاع الجبلي]

مصافحه أولى
أتمنى أن
ترضي الذائقه

على صوت (أبونوره) وانا شارد التفكير=يغني (وهم كل المواعيد) من جوره

يلامس جروح(ن) بالحشا مالها تفسير=يقلب مواجع خافقن ميت شعوره

كأنه يعزيني ويشرح مدى التقصير=حبيبين يطلع راكد العقل من طوره

حبيب(ن) غلاه بمهجتي فايق التصوير=بكل أختصار تليق له كلمة اسطوره

أحبه واحبه ثم احبه ولابه غير=ملاك(ن) بوسط القلب قد شيد اقصوره

انا في غلاه معربد وماجن وسكير=وخلايا خفوقي فيه ثملا ومخموره

يارونق حياتي.. ياعذب الحكي والتعبير=ياحب كبر من دون شوري ولا شوره

يا ألطف من النسمات.. لا هفهفن عصير=يانقى من الدرات ليا بان بلوره

ياأصدق من فعول العرب قبل دهن السير=ياأغبى من التصريح لمهدي الثوره

ياهيبة ملك قد شابها قلت التقدير=ياروعة جمال الهرج ليمان بنوره

ياأغلى من دموع الفرح بأول التحرير=بعد ماسجد جابر على أعز معموره

ياتنصير لا..لا لعنة الله على التنصير=وعلى ديانة سبنسر ودودي وجمهوره

ياشرح يطول الخاطر ماحصل له خير=ياصبره على الحرمان والنفس مقهوره

وأنا قد طفح كيلي وأبي ثار مثل الزير=وأنا من ربوعن سعد منهو تجي سوره

نعم عزوتي فرسان ماهو على التيسير=لنا فزعه مع كل الأجناب مخبور

جبلان حنا أي نعم من كبار مطير=ياشماعة الهرج الردي ياقصر شبوره

قوافل تجي لمطير ياراهبات الدير=ولاهمنا نبح الكلاب وصدى طيوره

يموت الكلام ويندفن في مقابر جير=وتموت النوايا السيه ببشع الصوره

ويبقى لنا صدق النوايا بلا تشفير=وراثا وكل انسان في حكم دستوره

وأنا من عرفت العلم وانا وليد صغير=ونفسي على خوة هل الطيب ماموره

كذا خلقه من الله..طبيعه..ولاهي بتزوير=ولاهي بمنشيتات او جمهرة كوره

وعسى من جبر شيطان قلبي على التشهير=بحبه وكشف الخافي ونبشت جذوره

يعيده لقلب بعد فرقاه كنه الطير=سجين الحنايا والجناحين مكسوره

وإذا ودّكم تدرون وش سبت التفكير=ترى كل ماقلته من أسباب (ابونوره)

[بنت الزعبي ..]

وإذا ودّكـم تـدرون وش سبـت التفكيـر
ترى كل ماقلته مـن أسبـاب (ابونـوره) <<< هذا بلاء أبوك ياعقاب

هالله هالله لا هنت ع ذا القصيدة الطيبه

وجازت لي وصح لسانك وعلا شأنك

وااااصل أإبداعك وبيض الله وجهك

[جزاع الجبلي]

صح بدنتس
ولاهنتي
على المرور

[تركي بن فـهد]

صح السانك


والله ونعم


تستاهلووون


ولاهنت


تقبل مروري


اخـيك

[محمد بن عرار]

الله الله


نتمنى ان نرى مصافحتك القادمه.


تقبل مروري المتواضع .

[**عافكـ الخاطر**]

صح لسانك


على ذا الجزله

[صيَاف]

جبلان حنـا أي نعـم مـن كبـار مطيـر
ياشماعة الهرج الردي ياقصـر شبـوره


اللي باللون الاحمر تدخل الشك والريبه

[ناصـر محمد المجروب]

لا اله الا الله ..

حجز حجز ياشاعر ..

[احمد بن جوفآن]

السلام عليكم ورحمة الله وبركاته

.
.

الشاعر / جزا الجبلي ,

مرحبا والله ومسهلاااا فيـك .. بين ربعك واخوانك وفي محلك ..

.. وصح لساانك على ذالقصيده ..

( جبلان حنـا أي نعـم مـن كبـار مطيـر )

اشهد لك بـ/ ذي ولا قصور ٍ في حمران النواظر ,

ونعم والله فـ/ الجبلان ومطير كلها .. ربعنا واخويانا

.

لاهنت يا جزا ,, وبـ/ إنتظار خواتها

.

إخيك