صبحكم/مســاكم .. الله بالخيـــر
هــذه قصيده اعجبتني وحبيت انقلها لكم على امل انها ان تنال القليل من رضاكم
واستحسانكم.
.................................................. ........................
يـاذيــب لاتـشـكـي مـن الـوقت ياذيب=
وقـتـك تـبـدل وانـعـمـيـت ابـعـجـاجـه
الــوقــت كــدرلــك جميـع المشــاريب=
وفيه الحصيني عاش واشعل اسراجـه
والــعــيــر صـار الـيـوم مابه عذاريـب=
ومن فـوق راسـه حـطـو الـيوم تاجـه
وانـتـه ولاكــنــك رقـيــت الـمـراقيـب=
مــظـلـوم يــاذيــب تــكــدر مــزاجـــه
والــيـوم يـاذيـب الـخلا حالـك اصعيـب=
وقــت الطــلب يـاذيــب راح ابتـهـاجـه
مـيـر احـتـمـل يـاذيـب شر اللواهـيـب=
واصـبـر عـلـى مـاصـيـب والجرح ناجـه
وقـتـآ اخـذ حقك عسى شمسه اتغيب=
ومـنـولآ يــاذيــب مــااحـتـجـت حـاجــه
لا شـــك لا تـحـزن ولك راين مصيــب =
ولــك مـخ فـالابــداع مـثـل الـخـواجـه
ويــا ذيـب انا بـوصـيـك خل الدبـاديب=
لــيـا ذبـحــك الـجـوع كــب الـدجـاجــه
وكـب الـقطيـع اللي كلوها الشواريب =
وحـذرا مـن الـشـاوي تـقـرب انـعاجـه
لابــد مـاتـصــطـاد حـرش الــعـراقيـب =
وراع الطـروش الـبيـض ياذيب فاجـه
ويــاذيب مــادامـت عيـونـك مشاهيـب=
لابــد عــقـب الــضيـق يـاتـي انفراجـه
يــقـولــه الـلـي بـيــن بـراسـه الشيب=
وشــاف الـحيـاه الـيوم صارت سماجـه
مـــا عــاد فـيـهـا لا مـعـزه ولا طـيـب =
ولا يـنعـرف فـيـها الـحلو مـن هماجـه
ولا عــاد بـه مـن يـسـتـحـق التراحيب=
الا مـثــل شــرواك وعــنــدي مــلاجــه
ويــا ذيـب مـنـت بـجـاهـل بالـمواجيب=
ولــعـل حـضـك دوم يـنـهض حجاجه
ونـصيـحتـي جـاتـك وانا خـابرك ذيب=
والــذيـب يـعـرف مـدخـلـه من خراجـه
هـاذا وانا ارجي شوفتك دوم واغـيب=
وان قـالـها الـلـه عـن قـريب انتـواجـه
وسلامتكم
للامانه لااعرف من شاعرها
07-10-2008, 07:57 PM
العرض العادي
