لــو أنـ مــانـي عــلــى يـــام الــعـــريـــقــه...!!

[محمد المجول]

السلام عليكم ورحمة الله وبركاته

بعد الإستخاره ورغبات إخواني الطيبين وعشقي للمنتدى الكريم

قررت العوده وسريعاً لكي أكون بينكم

وأحب أشكر كل شخص إتصل علي أو تحدث معي على المسن أو عبر الرسائل الخاصه

لكي أرجع لهذا الصرح الشامخ بيض الله وجهيكم والله لايهينكم جميع

وأتمنى إني أكون عند حسن ظن الكل

هذه الأبيات أخاطب بها أخي الكريم والغالي (( الــبــاشــا ))

عساها تعجبه

شفت ياسلمان يوم البزر حبا..حبا=قام يحبي بالمعوكس..وعاده..ماعدا.
قلت ماحولك مدا..قام يضحك من غبا=النبا مابه نبا..ويل حالي لاغدا.
مابلغ سن الهدا..وإن تربا ماربا=القذا مامن قذا..والردا كله ردا.
عاده صغيّر غبي عي والعي يهبا=ماهدا إلين غنيت له ..(( هدا هدا )).
والمصيبه لاسفهته..دبا يمك دبا=يرتجي منك الرجا...لا بدا بدا بدا!
ماهو بهدد سبا..فيه من ريحة سبا=زين زوله لاتبختر على قطر الندا.
إيتهيجن يطرد الطرق بأحلام الصبا=إن بغى يحدي سحب..وإن بغى يسحب حدا.
قلت لك عاده بزر..إن حبا أو ماحبا=غن له تكفى عشاني بعد..(( هدا هدا ))

ملوم النفس لاصارت ملوله=لأن الدور لي دور البطوله.
أورد فكرتي حوض المنايا=وعوّد كاسب الطيب وفعوله.
ياكثر الحكي في راسي ولكن=أقول الصبر يالنفس العجوله.
أنا أقسم برب الكون محني=جبيني للأعاصير المهوله.
أنا يوم الظلام أقبل عليّه=نصيته وإختلف عرضه وطوله.
ثبت..وصحت بالصوت الجهوري=أنا العبدُ الذي تتبعهُ دوله!
قفلت أبواب ماضيي وعفته=كعيف الزاهد لدنيا رحوله.
ظلوم وماظلمني غير فكري=حسبت إن المطر قرب هطوله.
ويوم الحلم عزم بالرحيلي=لقيت الأرض جدبا وإمعلوله.
ركبت الموج وشراعي تقطع=ومجدافي خذل كف إمغلوله.
نصيت بمركبي ذيك المواني=نحيل ولاجداه إلا نحوله.
وصلت..وليتني باليم غارق=ولا شفت الجحود أرخا سدوله!!
فبي مجول فبي مجول ماأغير=طريقي والردى لقطع ذيوله.
تربينا على النفس العزيزه=ومن ينطح جبل يامن سيوله.
لو إن ماني على يام العريقه=هل الوقفات والكايد تنوله.
يجوز إني أطيع الوقت مره=وأذل النفس وأتبع ماتقوله.
ولكن لاطرالي إني يامي=غزيت الوقت في شتى فصوله.
غبار الخيل شفها من ورايه=حصان وأزرت الاحصن تطوله.
عزاي إني كريم/ن من كرامي=ولو باب القدر جوّد قفوله.
لأني بختصار أبقى المسمى=رجل..يصنع قدر..تتبعه دوله!!!

وسلامتكم

[فيـــصل الشمري]

ارررررررررررررررررحب والحمد لله على سلامتك

حجز 1

ولي عوده بأذن الله


يا مرحباا ومسهلاا

[> صافي النيه <]

لو إن ماني على يـام العريقـه
هل الوقفـات والكايـد تنولـه.
يجوز إني أطيـع الوقـت مـره
وأذل النفـس وأتبـع ماتقولـه.
ولكـن لاطرالـي إنـي يامـي
غزيت الوقت في شتى فصولـه
^
^
^

وسبعين نعم

الله الله يا سلام

ابداع

الشاعر الكبير المبدع/ محمد المجول

صح لسانك مليار يا القرم

ولا هنت على ذا الجزله

[خالد بن رمثان]

السلام عليكم و رحمة الله وبركاته ..

أنا أقسم بـرب الكـون محنـي
جبينـي للأعاصيـر المهولـه.
أنا يـوم الظـلام أقبـل عليّـه
نصيته وإختلف عرضه وطوله.
ثبت..وصحت بالصوت الجهوري
أنا العبدُ الـذي تتبعـهُ دولـه

محمد المجول


صح لسانك و كفو


وأبرك الساعات يوم إنك رجعت


وتقبــــــ ل ـــــمروري

[جطلي بن فهد]

الله الله


محمد المجول قسم بالله العظيم اللي رفع سبع وطمن سبع انك شاعر مبدع
ولافيك شكه والله اني صادق ومرحبابك مرحبا مرحبا مرحبا

وصح لسااانك

والله لايهينك وبيض الله وجهك

[معشوقش الراحل]

اررررررررررررحب ياابن مجوووووول والله اني صادق


صح لسانك على ذا الجزله

[فيصل بن حجرف]

السلام عليكم ورحمة الله وبركاته

يالربع اتمنى ان حنا نترفع عن بعض صغار السن
وتم وقف عضوية اللي دخلوا قبل قليل وسيتم وقف عضوية كل من لا يلتزم بقوانين المنتدى

وصح لسانك يامحمد

[البليهي]

محمد صح لسانك يالامير مدد ماهو بعدد


إيتهيجن يطـرد الطـرق بأحـلام الصبـا
إن بغى يحدي سحب..وإن بغى يسحب حدا



يا سلام عليك



تربينا علـى النفـس العزيـزه
ومن ينطح جبل يامن سيولـه


قصيدك كفو وانت كقو

[ام العصافير]

السلام عليكم ورحمة الله وبركاته

نسيت اقول للمجول صح السااانه مليووووون

صج جاتني الحميا اليوم

ارفعو ضغطي

وحياك الله يالمجول هنا بالمنتدى

تقبل مروري

[الـعـابـر]

أرررحب يا بن مجول
وحياك الله بين أخوانك وصح السانك
ترا البيت بيتك وان ما شالك البيت تشيلك العين يالسنافي