مشاركتي الأولي ,,,

[الدالوب]

بسم الله الرحمن الرحيم
مساكم الله بالخير :
هذي أول مرّه أنشر وأشارك بقصيده لي ,,,
عساها تلقي ولو القليل من قبولكم
ولاني بغني من ردودكم ومن إنتقاداتكم

إن كان قصدك تغلا قلتلك غالي = وإن كان قصدك جفا هذي مواريها
تري التغلي يزيد الهم في حالي = والحال حالي كثير الهم طاويها
يا بنت أنا صارلي أيام وليالي = أسهر و عيني سهرها بين ٍفيها
يابنت شوفي غرامش ويش سواّلي = قصة غرام ٍولادري ويش تاليها
البعد شين... وفال الله ولا فالي = بس الهواجيس تطريلي وطريها
وان ضاق صدري نصيت المرقب العالي = روس المراقيب تغني عن مواطيها
أرقا براس الطويل وكنّه أشوالي = واخذ وسولف علي نفسي وسليها
أجلس لحالي ما عندي غير جواّلي = وخطوط الإرسال مغلقها ومنهيها
وليا طرقني هوا الغربي وانا سالي = آخذ عقالي مع الغتره ووطيها
وليا طرالي قعدت اجر موالي = وليا كتبت القصيده رحت اغنيها
وليا تذكرتها ماكنّي إلحالي = كنّه يسولف علي والحال يرثيها
يقول والله تري ماغيرك إباّلي = بس المقادير تجبرنا ونمشيها
وشـــوف عينه من الأحزان ذباّلي = عينه تهل العباير مايداريها
وانا علي شوفته مانيب محتالي = قمت اتصبر ودمع العين كانيها
ضاعت اعلومي وضاع إلّي علي بالي = ياشين ساعة لقي والبعد قافيها
كنّي قريص ٍتوعي وانتبه تالي = في مرقده والعقارب سمها فيها
واقفيت من عندها والهم يبرالي = وشوفها مقفيه تقصر خطاويها
أقفت وعيني علي فرقاه هماّلي = العين وش عذرها لاغاب غاليها
حتي النّهايه علينا دمعها سالي = تزهم علينا وتبكينا ونبكيها
واليوم يابعد منزاله ومنزالي = بيني وبينه اجبال ٍفي رواسيها
إلّي حداها عساه يحد للجالي = مدري ولد عمّها ولاّ بناخيها
واليوم مالي بوسط الدار مدهالي = ضاقت علي المدينه مع ضواحيها
أبعد عن الناس واجلس في الخلا الخالي = واشبح نجوم السما واسري مساريها
أثر الهوا مرّث ٍحزني وسلاّلي = حتي الزّمن لانوالي مايثنيها
والحظ لامن عدلته عوّد ومالي = له عادة ٍحالفنّه مايخليها
وبطلب الله عسي الأيّام تصفالي = عسي الليالي تعدّينا بلاويها
وين انت يلّي إليامن جاك مرسالي = إفزع تري النفس تبغي من يهديها
وانا من إلّي لهم يوم أشهب اللاّلي = عجمان وسعد منهو يحتمي فيها

وسلامتكم...
ونعم في جميع القبايل

اخوكم / عبدالله آل مصرا
للتواصل :
asd-a-m@hotmail.com

[الدالوب]

نأسف علي التكرار
كان فيه خطا في التنفيذ

[مناحي الصميل]

الدالوب صح الله لسانك على ذا الجزله



اخيك

[الدالوب]

المشاركة الأصلية كتبت بواسطة مناحي الصميل

الدالوب صح الله لسانك على ذا الجزله



اخيك

مناحي الصميل
صح بدنك
الله لا يهينك
و بيض الله وجهك
شهاده أعتز فيها

[ناصر البرغش]

الدالوب

صح لسانك ولاهنت


تحياتي لشخصك الكريم

[الدالوب]

المشاركة الأصلية كتبت بواسطة ناصر البرغش

الدالوب

صح لسانك ولاهنت


تحياتي لشخصك الكريم

صح بدنك
الله لا يهينك علي المرور
و بيض الله وجهك

[سلطااان العتيبى]

الدالوب


صح الله لسانك لاهنت





تقبل مروري

[الدالوب]

المشاركة الأصلية كتبت بواسطة معانق حزن

الدالوب


صح الله لسانك لاهنت





تقبل مروري

معانق حزن :
الله لا يهينك علي المرور
و بيض الله وجهك

[سعد بن سريّع]

الدالوب صح لسانك ابيات رائعه
ولاهنت على هذا القصيد الجزل ,,


دمت في ابداع دائم ..

الغناوي

[الدالوب]

المشاركة الأصلية كتبت بواسطة الغــناوي

الدالوب صح لسانك ابيات رائعه
ولاهنت على هذا القصيد الجزل ,,


دمت في ابداع دائم ..

الغناوي

صح الله بدنك
الله لا يهينك علي المرور
وبيض الله وجهك