والله انجبرت اكتب هالابيات والا ما ودي اكتبها

[مزيووونة العجماااان]

مساكم الله بالخير جميع

وش علومكم حنا طيبين وبخير وما علينا خلاف

بصراحه عندي هالابيات كتبتها بعد موقف من اح الصديقات اللي حبرني كلامها وحكيها اني اكتبها وكلها فخر ومدح (مع ان مداح عمره كذاب )

بس بصراحه عجزت افهمها اني مهب شايفه نفسي مثل ما تقول ومع ذلك مصره

و قلت لها كذا مره الكبر لله وانا ما اتكبر بس طبعي اكون رسميه مع الناس اللي ما اعرفهم

مش معقوله اني على طول اسولف وادخل معه وامون

وهي قالت لي كذا عشان مره عرفتني في الجامعه على زميله لها وجاسنا

بعد ما راحت البنت قامت علي

وش بك و وراك ما عطيتيها وجه

قلت انا حكيت مع البنت بأدب مومعقوله اني امون واقعد اسألها اسءله واتدخل في حياتها الشخصيه

لاني انا برضو ما احب احد يمون علي ويسألني فانا محترمتها وسولفت سوالف عاديه

المهم طال الحوار والحديث وهي عارفتني ما احب كثر الحكي قلت هذي وجهة نظرك واحترمها

بس انا ما اشوف اللي تقولينه فيني

وارسلت لها رساله قلت الكبرلله

وارسلت لي (اشوى انك حسيتي بنفسك )

وبصراحه استفزتني هالرساله كثير وكتبت هالابيات

وكانت وليدة لحظة انفعال وارسلتها

مع اني تحسفت اني ارسلتها


الابيات تقول

يحق لي الفخر دامني بنت اجاويد....... بنت قومن على العليا مبانيها

بنت الشيوخ اللي بعالي المراقيب........افعالهم بالتاريخ محدن بناسيها

اشوم عن درب المذله والمناقيد ......فيني صفاتن يهبى منهو يوازيها


وسلامتكم