ضنا مرزوق عجمان البواسل // قبيله صلبها يام الأصيله

[مناحي الصميل]

جديد
/
\
/
\
/

قصيده في بني عمي طويله = على الصخري .. أحاوب وأرتكي له
بني عمي سلاطين الجزيره = صناديد وفعايلهم جميله
بني عمي سلاطين المجالس = شياطين الوغا عزّ القبيله
نزلنا (والطويل) يقود جَمعه = رجالٍ من سلالاتٍ نبيله
سكنّا في رحى وادي يهوّل = وكلٍ بالشدايد يحتمي له
فعايلنا لها تاريخ حافظ = ابد مانعترف بالمستحيله
وفي ليل (العيينه ) والبنادق = بطشنا في فهد ويّا عميله
خذينا ثار ضيدان ابن خالد = ومن يغدر بنا ياعزّتي له
تشوف الجمع يمناك ويسارك = مع خيلٍ تعلّى في صهيله
تفجّ نحور فرسان ومشايخ = وكلٍ بالوغا خلّى خليله
وفي (جوده) مع (كنزان) نفخر = وبالهيجا فعايلنا جزيله
ومن يزبن علينا مرحبا به = نقدّر موقفه ثمٍ نعيله
ضنا مرزوق عجمان البواسل = قبيله صلبها يام الأصيله
سلام الله على يام العريضه = سيوفٍ للعُدا دايم صقيله

وسلامتكم ..

مناحي بن فهاد