الــــحــــــــب(لي وجهة نظر)

[عايض البقمي]

قصيدة جديدة وهي وجهة نظر لي وكل واحد له وجهة نظر

الحب احساس بدون حد ومقاييس=الله أكبر ياجحودٍ لقيته
الحب مايخضع نظامه لتأسيس=ولاكن يسمع ياغلاي وفديته
الحب من ذاقه يذوق العواميس=ياماجفاني من ليال وجفيته
الحب ثنّى له رجالٍ نواميس=ياماثناني ثم رجعت وثنيته
الحب يغني عن وجيهٍ مفاليس=لاضقت منهم رحت له ثم نصيته
الحب يغني عن وجيهٍ معابيس=كم ليلةٍ كاس السهر مااحتسيته
الحب من شأنه رجالٍ محابيس=وانا لواني مرتين ولويته
الحب داء ودواه وصل الأحاسيس=وأنا دواي مع العرب ماخذيته
الحب لازانت طروقه توانيس=وأنا أتحرى ليتني ماأحتريته
الحب يلحق فيه عرقٍ من ابليس=وأنا علقت بواحدٍ مانويته
الحب له فالناس طبع الجواسيس=وأنا حفظت السر لو ماشريته
الحب بين الناس كتب وقواميس=وأنا كتابٍ طابعه ماقريته
الحب بين الناس ماهوب تجنيس=وانا لفاني حب طيف ولفيته
الحب طاهر .نجسوه المناجيس=وأنا وعدته بالوفا ثم وفيته
الحب بعض أحيان يُكسى بتلبيس=وأنا شعوري بالرداء ماكسيته
الحب يُنسى فالسنين المعاكيس=وأنا بيوم الحب مااذكر نسيته
الحب يفضح لاهواه الدنافيس=وأنا سترت الحب ولأجله هويته
الحب مايحفظ بكتب وقراطيس=انا زرعته داخلي ثم سقيته
الحب له فالفن طبل ومراويس=والحب عندي ذاع سره وصيته
احب ديني يالوجيه المناحيس=واحب سيدنا محمد وبيته