فرقـاك عيـــــد وثالـــــث العيــد فرقـاك

[البنت الجزله]

السلام عليكم ورحمة الله وبركاته ...

مشاركه جديده فيها من التشاؤم الكثير ... ولاكن الاقدار تصنع مانعجز عن صنعه

فرقاك عيد وثالث العيد فرقاك = واشره علّي وان كان جيتك من اليوم
قررت هجرك دام هذي سواياك = مامن وراك الا المناقيد واللوم
لا تحسب اني باتضايق بلياك = ماهمني دام الوفا منك معدوم
باعز نفسي وابتعد واتناساك = وابقا عزيزه من مناعير وقروم
كلمه صريحه تاصلك واتعداك=رح في طريقك وابتعد جعلك القوم
خل العواذل تنفعك في تغلاك = أسقوك من عقب الوفا كاس مسموم
واللي معك منهم لزوم يتقفاك = لابد يحكي في مقفاك بعلوم
ماهمني صدك وبعدك وجفواك = ولاتحسب اني عقبك اعيش بهموم
لا والذي كون حياتك وسواك = ما عاد قلبي مثل لاول لك يروم
من عقب ماكنت اعشقك واتمناك = صار الجفا عقب الوفا شي مقسوم

تقبلوا وافر مودة اختكم ... البنت الجزله