يمل قلبن من هوا الزين منصاب

[ولدالشرقيه]

يمل قلبن من هوا الزين منصاب=أفكر طبيب المعرفه في علاجه
من حب نبنوبن عليه الحلا ذاب=زودن عليه مبالغن في غناجه
لا مرني كني سروقن ومرتاب=مغير الاخس مشيته وادراجه
وهو يناظر كن فالنظره عتاب=مدري يقول أركد عساك الرجاجه
لاناظرت ثم شبكت بين الأهداب=والله مغبط اللي مخاوي خواجه
أمر قدم البيت وأناظر الباب=لو أن مالي في حواريه حاجه
وبعد ثلاث سنين من عرف الأحباب=جتني علوم انه قريبن زواجه
غابت وانا مع غيبها خاطري غاب=وأنا الذي كد قيل طلق حجاجه
معاد أميز بين صادق وكذاب=والماء ماأميز جيده من هماجه
من لامني عساه يبلى بالارهاب=يموت توه ماأهتنى في خراجه
قمت أتمشى كل يومن بمرقاب=نحشت يم اللي وساع فجاجه
كله أبي فرقى طواريق الأصحاب =حبن قطوع قطع الله رواجه
الحب مثل الدرس تقراه بكتاب=والجيد اللي جيدن في نتاجه
وانا قريت الحب والحب غلاب=حبن يمشي صاحبه في مزاجه
ياناس قولوله ترى صاحبك تاب=من عقب ماهو ضايعن فالعجاجه
وأصبح طليقن حر من قيد الأحزاب=والله كفيل بظيقته وانفراجه
والحمد لله من مرض غيبتك طاب=وكب الطبيب ووصفته مع علاجه

الشاعر:ولدالشرقيه