قصيده فى أحب البشر

[محمد المحلكم]

السلام عليكم ورحمة الله وبركاته

هذي قصيده قلتها وانا وأبي
في الكويت
عندما وصلني خبر حدوث حادث على أمي وأحد اخواني

والحمدلله سلمو

وعسى ان تحوز على اعجابكم

يالله ياعلم جميع الخفيات= ياعلم مايحتوي صدر الإنسان
ترحم عبدك ساهر الليل مابات= والناس هجاع وانا امسيت سهران
بديت لي قاف ورتبت لبيات= وأمسي اغنيها على كل الألحان
البارحه نومي ونين وتنهات= وأرقب صلاة الفجر والصبح مابان
جانا خبركم من بعيد المسافات=مر ٍ أفكر ومرات سرحان
جات الدقيقه كنها عشر ساعات= وقلبي سرى من الأحمدي صوب نجران
المعذره يمه فديتك سلامات= والمعذره نفداك لي صرت غلطان
الناس مبسوطه بفرحه وسجات= وأنا اتعبر وأمسح الدمع ليبان
لكن على وجهي تبين العلامات= إني حزين وبالهواجيس غرقان
تكفلا يابو هلا زبون الونيات= نبغاء نخرج مابعد رفع الإذان
من منفذ الخفجي نختم الجوازات= يامسندي ياعزوتي ليبدى الشان
ونهض حجاجه لي على الفور بسكات=وأهتز كنه ثاير فيه بركان
ياوالدي بنخاك في كل الأوقات= خص لما صارت ثقيلات الوزان
وأنا فدى لك وانت راعي الكرمات= تفرح لما عينت في البيت ضيفان

وسلامتكم