أنا اشهد أنه من زحازيح وايل

[فلاح بن سعد]

بسم الله الرحمن الرحيم

أرفع إلى معالي وزير الطاقة سعادة الشيخ / أحمد الفهد الأحمد الصباح حفظه الله

هذه القصيدة تعبيراً عن شكري وعرفاني لمواقفه النبيلة دائماً وأبداً راجياً أن تحوز على رضاه ورضاكم

وأخاطب بها مدير مكتبه الأخ / سهيل المطيري حفظه الله.

( أبو الفهد نسل الفهد في محله )

بديت باسم مصرف الكون كله=الواحد اللي له عبيده تسايل

وخلاف ذا يا سهيل خطي وفله=حيث إنك قرمٍ وافيٍ بالخصايل

من لابةٍ مركاضهم شاهدٍ له=تاريخهم يشهد، وكل الحمايل

حمر النواظر وآلف نعمٍ إي بالله=مطير لا ركبوا ظهور الأصايل

بلغ سلامي صوب سيدي وقله=قل بيض الله وجه راع الجمايل

أحمد وغيره يا فتى الجود خله=وتحب لي خشمه كريم الشمايل

أبو الفهد نسل الفهد في محله=اللي عدل وقتي وهو قبل مايل

له مجلسٍ من يدهله ما يمله=فضله شمل جمله جميع القبايل

في مرقبٍ كل النشاما تدله=متعليٍ كنه عليهم يخايل

جعل العظيم بظل عرشه يظله=عندي على طيبه وجوده دلايل

الأوله قولت هلا عادةٍ له=يضحك حجاجه فوق زين الفعايل

والثانية دوم الكرم مرفقٍ له=كريم سبلا في الليالي المحايل

والثالثة شجاعته مارثٍ له=من راعي الحرشا عنى كل عايل

والرابعة سيفٍ سعد من يسله=تبرى به كبودٍ من أول غلايل

والخامسة ما يوم وعده يخله=وعده عليه ألزم فضيل الفضايل

والسادسة حمله ثقيل ويشله=ويشل مع حمله حمولٍ ثقايل


والسابعة لو تزهمه جاك كله=أنا أشهد إنه من زحازيح وايل

سبع المزايا فيه طبعه جبله=ما هوب تصنع والتصناع زايل

هني منهو فالقى محزمٍ له=صميدعٍ لا جا نهار الهوايل

ابن الشهيد اللي كويته تجله=فهد الفهود أبدع عظيم المثايل

عزوة صباح الوايلي عزوة له=لا زعزعوا مريم قصر كل طايل

وقد قالها راكان في ماضيٍ له=ما قل دل ويكفين الصمايل

واختامها صلوا عداد الأهله=على محمد عد ما قال قايل

أخوكـم
المهندس / فلاح بن سعد الحويلة