غني بربي والدعاء والرفاقه
وقرم لاجت للقصايد مفوه
بحرآ تباعد غبته عن زراقه
لأهل الغثاء طيشه ولله هدوه
ان زان وقتي ذقت لذت فواقه
ولوه يشين يشين عادي ولوه
بنكي رياجيل الشرف والبطاقه
جمايلي واسمي وكبر المروه
من لابتن في ثقل اهلها محاقه
فعيونهم كثر الاوادم يشوه
الاكرمين اهل العقل والحماقه
الجيدين مزبنين الجلوه
هذي فقد نبذه عن اهل العراقه
والسامي يرجح كلامه سموه
حبيت ابين لك اصول اللباقه
مع واحدآ غيثه يسابقه نوه
ولا انت كامل لكنآ فيك عاقه
ينقص برستيجك شويت جروه
يامغير في عيوني اصل العلاقه
تخيلوا عدو يعشق عدوه
لازمتني بأحلى الدلع والشفاقه
وادخلتني في حلم عمرك وجوه
وحببتني في شي اسمه صداقه
وكرهتني في شي اسمه اخوه
ولفتني يابو الدلع ولف ناقه
وانا ولفتك ولف حاتم لضوه
ولو نختلف بأشياء الغضب والرواقه
مانيب قايل ماتسويه سوه
ركز معي للريح طلاق ساقه
ولشين شين لانصى ماينوه
يعلم بأن الكسول اللياقه
ويعلم بأن حلم العقيم الابوه
ويعلم متى نضج الورق واحتراقه
خبير في الاحياء ماهوب توه
ان جيتني جيتك على كل فاقه
وان رحت بلعن خير وقتي وسوه
لأنك تنفاس الحشا واختناقه
ياكل شبحي ياقصاه ودنوه
يابو الحلا وابو الغلا والذواقه
سراريك مله وحكيك نبوه
روحك وقلبي لو بحلل وثاقه
مربوطتن في بعض هيا وهوه
فأن غبت يانفر العقل واشتياقه
مانيب راغب بعد خوتك خوه
ببكي على زولن عشقته عشاقه
وترى البكا للأقوياء زود قوه
ان شفت ابن علوش يبكي فراقه
ترى محادير الجبل من علوه
18-09-2005, 10:53 PM
العرض العادي
