مايصح الا الصحيح

[بخيتان اليامي]

أهداء مني الى جميع أعضاء المنتدى سواء كانوا منتسبين الى هذا المنتدى أو زورا، متمنيا من الله سبحانه وتعالى أن تحوز على رضاكم جميعا:

خذ دفتر أوهامك وأضف فيه موضوع = وبين لكل الخلق ما كنت ناسي

قول الحقيقه علّها تنوّر شموع = وتنظف الدفتر من اوهام قاسي

وأثبت لي أن الوهم في دنيتك نوع = وأن الهوى والعشق ماكان ساسي

أقنعني أنه يوم لو تذرف دموع = ماهو من أسبابك تجرعت كاسي

واني هني العشق ما يعرف اللوع = واني فريد فيه يا قو باسي

وان كان ما تقدر على البوح من طوع = فأصبر على ما جاك من حد فاسي

واسمع ترى قول له أثبات مسموع = ومن لا يقول الصدق في الحب أسي

ما يكفي أنك خل والوصل مقطوع = ياكيف حبك صار بالجوف راسي

ذقت الشقى والهم والبعد والجوع = وأنت سجين اللي على الحب داسي

وش صار تشقيني وأنا الراس مرفوع = عهد علي ماني مغير لباسي

ماني تبيع لك.أنا دوم متبوع = من يوم أنا طفل وانا أعرف مقاسي

أنصحك مادام الوهم فيك مزروع = عقلك حقيقه صار فيه التماسي

ياليت لي قلب من الصلب مصنوع = كان الصلع والشيب ما طب راسي

خذ دفتر دون على غير موضوع = وأكتب لعنوانه توهام ناسي

[تايه الغربه]

واكتـــــــــب لعنوانـــــــه توهـــــــام نــــاســــــي ..

صح السانك يا ابو فـــــــــــارس

لا هنت يالغالي

[بحوور]

بخيتان اليامي



لاهنـــــــت يا القـــرم

وصـــح كــــــلك مليـــــــــوون ..




تحيـــــاتي وتقديـــري

[السنـــــافية]

صح لسانك

[ابو محمد]

صــح لسانك يابخيتان وننتظر المزيد منك

اخـيك:بن عجــيم

[cool]

السلاااام عليكم ورحمة الله وبركاااته

مانـي تبيـع لك.أنـا دوم متـبـوع
من يوم أنا طفل وانا أعرف مقاسـي

صح لسااااانك ابو فااارس على القصيده الجزله

الله لا يهينك

كـووول

[اطياف الماضي]

ياليت لي قلب من الصلب مصنـوع *** كان الصلع والشيب ما طب راسـي

خذ دفتر دون على غيـر موضـوع*** وأكتـب لعنوانـه توهـام نـاسـي

بخيتان وقصيدة اخرى رائعة كروعة سابقتها

صح لسانك قصيدة جميلة اخي الفاضل

لك تحيتي

[ابوحمد الشامري]

لا هنت يا السنافي على القصيدة الرائعة صح لسانك

[بخيتان اليامي]

أخوي الغالي تايه الغزبه،

صح الله بدنك والله لايهينك على كل حالي،

أشكرك على المرور متمنيا لك التوفيق والنجاح.

أخوك: بخيتان اليامي،

[ماجد المهنا]

.


.



.


.





لا تعليق !؟





ميسك بالخير يا ذيبان ..


صح لسااانك إلى مالا اخره ..


القرم ..


سجل اعجابي الـ 2 مليون ..


بشخصك الكريم .. وبقلمك ..



ولا خلا ولا عدم ..



أخوك /
ماجد المهنا ..