## ذياب ضيف على كرسي الاعتراف ##

[اطياف الماضي]

السلام عليكم ورحمة الله وبركاته




بعد فترة انقطاع هانحن نرجع اليكم كما وعدناكم

هانحن نجدد اللقاء بكم

نرجع بشووق للتعرف على اعضائنا الرائعون والمميزون عن قرب .. نرجع لكم لنستمتع باللقاء معكم كما اسمتعنا بلقاء من قبلكم .. من اعضاء متميزون ومشرفون رائعون ..

وهانحن نستضيف هذا الاسبوع ضيف عزيز على قلوبنا .. ونتشرف بوجوده بيننا

ضيف تابعنا قصائده .. واسمتعنا بمحاوراته .. وهو يتمتع بروح الدعابة وحلاوة الروح


انه المبدع والرائع

[move=left]

ذيـاب[/move]

فاهلا وسهلا بك معنا ..



يسرنا ويسعدنا ان نتعرف عليك اكثر واكثر



وبدايتنا

كأي بداية تتطلب تعريف بالبطاقة الشخصية

والان اترككم معه في استضافة اتوقع لها روعتها .. ونترك لانفسنا المجال لتعرف عليه عن قرب ..

تمنياتنا للجميع بلقاء ممتع


تحيتي

[عيد بن شدقان]

وعليكم السلام ورحمة الله وبركاته

اطياف الماضي
اشكرش على ماصغتي من كلام طيب
وانشالله اني اكووووون عند حسن ظنكم


البطاقه الشخصيه
الاسم / ذياب ال سليمان
الحاله الاجتماعيه / متزوج
موظف في احدى الوزارات



وسلامتكم
والله الله بالاسئله الزينه
بدوووووووون احراج

[اطياف الماضي]

ذياب الله يعطيك العافية على تقبلك

بس ياخي وراه البطاقة الشخصية ناقصة

بس ولايهمك حنا نكملها باسئلتنا

ذياب

كم عمرك ؟؟

بما انك متزوج

كم سنة لك متزوج وعندك عيال اولا واذا عندك كم عددهم وش هي اسمائهم ؟؟

وش مؤهلك الدراسي

هذي اسئلة سريعة اتمنى انك تتقبلها برحابة صدر

ولي رجعة

تحيتي لك

[حبيب]

ذياب مساك الله بالخير عساك مرتاح على الكرسي

ومثل ماقالت الاخت اطياف البطاقة الشخصية ناقصة

وعندي كم سؤال على عجل (خفيفه)

1-كيف عرفت منتدى العجمان

2-كم عضو تعرفه معرفه شخصيه في المنتدى

3-كم ساعة تقضي على الانتر نت يومياً

4-انت من الشعار اللي يكتبون في ديوان المحاوره كيف ترى ديوان المحاوره با القارنة مع باقي الدواوين

5- محاوره اعجبتك في المنتدى

ولي عووووووووووده

[كويتي]

يــا هــلا في اخوي ذيــاب

اول شي اقولك الله يعينك على الكرســي


وعندي سؤال واحد لا غيـــر

شنو كـــان نكك قبــل هذى النك ؟

تقبــل تحياتي
كويتي

[هند]

السلام عليكم ورحمة الله وبركاته

مرحبا بالأخ القدير ( ذياب )
فرصة سعيدة
نأمل أن يكون الكرسي مريح

ونبدأ باسم الله ..،

1- أنت العضو رقم ، 211 وعدد مشاركاتك قاربت الألفين مشاركة .،
ياترى .. أين كنت ، أقصد يبدو أنك انقطعت مدة طويلة عن المنتدى ، ماسبب الإنقطاع ومادافع العودة ؟
2- هــل تحب القــراءة ؟ ماهو آخر كتاب قرأته ؟ وعم يتحدث ؟
3- .. هل لك كتابات في ، الأدب .. النثر ، الخواطر ، الشعــر ؟
4- مارأيك في مشاركة المرأة في المنتديات ؟
5- ماهي الحدود برأيك التي يجب أن لاتتجاوزها أى فتاة أثناء مشاركتها ؟
6- مارأيك في المنتديات التي تتسمى بأسماء القبايل .. هل تؤيد إنتشارها ؟
7 - لو عادت بك عجلة الزمن 5 سنوات ماذا كنت ستفعل ؟ هل هناك طرق ستتجنبها ؟ وهل هناك ابواب ستطرقها ؟
8 - هل هناك منتديات أخرى تشارك فيها ؟
9- لو رغبت بالسفر من تود أن يرافقك من منتدى العجمان ولمـــــاذا ؟ وأين تكون وجهتكم ؟
10- مالصفحات الأخرى التي تكون مفتوحة أثناء تواجدك في المنتدى ( أقصد مواقع أخرى ) ؟
11- هل تستمع لشىء معين أئناء تصفحك .. ماهو ؟
12- ماهي المواضيع التي تستهويك وتجذب اهتمامك ؟
13- لو عرض عليك الإشــراف .. ماهو الديوان الذي تحب الإشراف عليه ؟
14- سلوك في المنتدى لا يعجبك ؟

آخر سؤال
من الذي إختارك للجلوس على الكرسي ؟
وكيف عرفت ؟ وهل تفاجئت ؟

وبس


السؤدد

[كويتيه]

يعطيج العافيه اطياااااااااااااااااااف..


يالله حيااااااااا ذياب
و اخيرا على كرسي الاعتراف

اوكي انا عندي لك جم سوال..


1. اول شي مثل ماقالت اطياف.. نبي العمر..

2. جم عمرك الانترنتي؟؟

3. قولنا موقف طريف حصل لك؟؟

4. موقف محرج حصل لك؟؟

5. امنيه تتمنى لو انهاا تتحقق

6. عرفناا انه اسمك ذياب.. بس لو قالولك تغيره؟؟ شنو تختار؟؟

7. اجمل اسم بنت وولد بالنسبه لك؟

8. ايهماا افضل بالنسبه لك؟؟.. البس الرسمي ولا السبورت؟

9. قولنااا مواليدك بالضبط... مو بالهجري.. لا ميلادي..

10. اخر سوال.. لو انت بنص البحر بقارب و معاك زوجتك و اختك..و فجأه غرق القارب.. و انت بهالموقف ماتقدر تساعد الا شخص واحد منو بتساعد.. ورطتك مو..
وبرجعلك..

[ابوتركى]

اهلا وسهلا بالاخ ذياب ونورت الكرسى الشباب ماقصروا

ماخلو شى من الاسئله لكن انا شايل كم سؤال


1- كم بحور الشعر النبطى؟

2- وماهو البحر اللى تحب تكتب عليه؟

3- انت تختار البحر اللى تبيه والا يطلع معك تلقائى؟

4- من هو شاعرك المفضل؟

5- بما ان اسمك ذياب هل ياترى بك عرق شمالى ؟

6- القصايد بالمنتدى فيها الهزيل وفيها الجيد والجزل؟ انت تأيد

تشجيع كل من ينشر والا تختار القصايد الجميله وترد عليهاا؟

7- اتمنى تكون الاسئله خفيفه والسؤال اللى مايعجبك لاتجاوب عليه؟


اشكر الاخت اطياف على مبادرتها

[بنت شيوخ]

ابو تركي حرام عليك ماخليت شي من الاسئله

المهم

كنت بسئل بس خلاص هونت كسر خاطري

[ابو خالد]

مرحبـــــا مليووووووون هلا وغـلا بـ ذياب

منووووووور الكرســـي

الله يعينـك عالشـباب اسئتلـهم عنيـفه

المهــــم نبـدا اسئـلتنا بسـم الله الرحمـن الرحيـم

1/ وش رأيك في ديــوان العجمـان ؟

2/ وش رأيك في أعضـاء الديــوان ؟

3/ من هـو مغنيـك المفضـل ؟

4/ وش هـو النـادي الي تشجعـه محليـاَ وعالميـاَ ؟

5/ ما هي أكثـر رياضـة تحبهـا ؟

6/ وش هـو نــوع جـوالك ؟

7/ شنو سيـارتك ؟ وشنو لونهـا ؟ واي موديـل ؟

8/ ماهـي هواياتـك ؟

9/ شنـو لـون بيتكـم ؟

10/ شنـو تحـب تلبـس أكثـر (الشمـاغ أو الغتره ) ؟

نكتفـي بهـذا الـقدر من الاسئلة

ولا تستانـس لــي رجعـــة