وقفه مع غلاء المهور في وادي العجمان

[صوت الوادي]

بسم الله الرحمن الرحيم

طبعا ً إخواني وأخواتي جميعنا يعرف الآثار السلبية لظاهرة غلاء المهور

ونتائجها السلبية على المجتمع والأسرة وخصوصا ً الشاب والفتاة

غذرا ً : اختص بهذا الموضوع ( غلاء المهور ) قبيلة العجمان في وادي العجمان

هذا مهوب تعنصر او تحزّب يسامحوني العجمان من غير الوادي

والسبب كان فيه تجربه سابقة للعجمان في الكويت بتحديد المهور ولكنها مع الأسف فشلت

كلنا نعرف ان المهر عندنا في الوادي لا يقل عن مائة ألف ريال ( 100000 )

بمعنى أخر

الشاب المسكين 100000 ريال + تكاليف العرس = كسر ظهر مدى العمر

البنت المسكينة = = = العنوسة ياحلوة

أكيد فيه ناس يقولون أنت مبالغ شوي , وانا اقول لا شوي ولا واجد

والله ثم والله لو يطبقون أولياء الأمور التسعيرة الجديدة ( سامحوني الموضوع بيع وشرا ) بتشوفون نتائج مذهلة

وفي اعتقادي بيكون دعم للراغبين في تعدد الزوجات

والمقترح بسيط وسهل ويسير وهو تحديد المهر بملغ لا يتجاوز ( 50000 ) خمسون الف ريال للبكِر ( 25000 ) خمسة وعشرون الف ريال للثيّب



المطلوب : مواقف الرجااااااااااااال


أطالب الجميع بالمشاركة والتفاعل وطرح الإقتراحات للنقاش

[العــــديم]

المشكله ليست في المهر نفسه ..

ولكن في المصاريف الأخرى لتجهيز حفل الزواج .. ! واللتي تتعدى قيمة المهر !!

المشكله تعاني منها القبيله ككل .. وليست محصوره على منطقه معينه !!

لاهنت ع الموضوع

**

[ابن شليق]

والله ياخوك كلامك صحيح بس في الكويت ما اعتقد انه فشل
حضرت مع الجماعة ملكت اعوالهم وما سمعت ان والد البنت طلب اكثر من 5000 يمكن ابو الولد هو يزيد كيفه اما ابو الرجال ما سمعت انه يطب اكثر من 5000
ومشكور على الموضوع

[الـعـابـر]

حنا عندنا في الكويت (العجمان) الأمور ميَسّرة ولله الحمد

لاهنت على الموضوع

[عـزوز]

عسى الله ييسر الأمور ان شاءالله !

ولاهنت ع الطرح


,

[الاصيله]

كل الشكر لك


على الطرح القيم والمفيد

[صوت الوادي]

ا

لله يعطيكم العافية واشكر تفاعلكم لكن ترا المشكلة موجودة حتى في الكويت

ولا فيه احد يعطي اقل من 7000 دينار كويتي

[الـعـابـر]

المشاركة الأصلية كتبت بواسطة صوت الوادي

ا

لله يعطيكم العافية واشكر تفاعلكم لكن ترا المشكلة موجودة حتى في الكويت

ولا فيه احد يعطي اقل من 7000 دينار كويتي

كلام غير صحيح
هذا كان أول
أما الحين غير أقل شي 5000 دينار

[والله ماكان الفراق اختياري]

مشكور ع الموضوع الروعه فديتك

بنسبه لكلامك صحيح الى حد ما

انا حضرت جيزات في الوادي وانا من الوادي فيها ع 60 الف و 70 الف و50 الف

اما 100 الف اخبر مره حضرتها قبل 5 سنوات

وفي أفخاذ من العجمان جزاهم الله الف خير حددو المهر ع 50 الف ولا أحد يجهل الأفخاذ هذي

وفي رجال والله انك انت الي تحدد المهر يازوج الحمدالله الي يبي يتزوج بيسهل الله امره

ومشكور مره ثانية ع طرحك الجميل للموضوع

[صوت الوادي]

اخوي العابر

مافهمت كلامك انت تقول كلام غير صحيح
هذا كان أول
أما الحين غير أقل شي 5000 دينار

وانت بكذا تأكد كلامي اقل شي 5000

طيب أعلى مهر كم ؟