|[ في حياتي لاجديد غير اني اقتنعت أكثر! أن الرضا بالقدر تلزمه قوه و صبر ]|

[Rathath AL:aml]

[Rathath AL:aml]

.


السلام عليكم ورحمة الله وبركاته

صباحكم / مساكم

معطر بذكر الله ..


المنيو ][


1- صينية رز
2- صينية ببطاطس الوديجز 1
3- صينية ببطاطس الوديجز 2
4- الدجاج الهندي
5- رولات الخضار
6- دجاج بالصوص المكسيكي
7- حلى المالتيزر
8- السوفلية


صينية رز لذيذه ][






صدور دجاج مقطعه شرايح طويله
فلفل بارد ملون مقطع شرايح طويله " اخضر , احمر , اصفر "
بصل شرايح طويله + ثوم شرايح رقيقه
قشطة
جبنه كاسات
زيت و شوي زبده
البهارات " ملح , فلفل اسود , بهارات مشكله , كركم , كزبره مطحونه , زعفران , هيل , اعواد دارسين
بعد مانجهزونقطع كل شي نبدا نسوي الرز
نحط ملعقة اكل زبده و شوي زيت عشان لا تحترق الزبده
نحط حبات الهيل و الدارسين و شوي مره من البصل و الثوم ورشة زعفران ونقلبهم
لما تبدا تطلع ريحتهم ويذبل البصل نكب الرز المغسول ونقلبه شوي معهم
نغطي الرز بمويه و نملحها ولما يبدا يغلي نقصر النار و نرمي حبة حبحر و نغطي القدر من فوق بـ فوطه مبلوله
نسكر الغطا كويس فوق القدر ونضغطها واطراف الفوطه
نحطها فوق الغطا عشان لا تحترق
- نبدا نجهز خلطة الدجاج
نحط شوي زيت و نقلب البصل مع رشة كركم صغيره عشان ياخذ لون اصفر نقلب الين مايبدا يذبل البصل
نكب الدجاج ونقلب شوي , لما ياخذ لون نضيف البهارات المشكله و رشة فلفل اسود وكزبره
اخر شي نضيف الفلفل الملون ونقلب كويس و نضيف الملح , نوطي النار ونتركه ابو 3 دقايق على بال مانجهز الصوص
بالخلاط :- تقريبا علبه قشطة مع 4 ملاعق جبنه كاسات
نكبها فوق الدجاج ونقلب بسرعه وعلى طول نطفي النار
- نشيك لو استوا الرز نشيل منه الحبحر والبهارات الحب و نكبه بصينية بايركس
نكب فوقه خلطة الدجاج , نغطيه بقصدير وندخله الفرن حراره هاااادية من تحت ربع ساعه







الدجاج الهندي ][

سويته ساندوش واحسه ما ينفع .. لو بسويه مع رز ابيض أحلى ..

--> قريب مره للإدام








المقادير:
أ :
2 بصل يقطع صغار
2 طماطم مقطع صغار
2 فلفل
رشة فلفل اسود
2 ملعقة كبيرة صويا
1 ملعقة كبيرة صلصة
3 ملاعق كبيرة كاتشب
1 ملعقة صغيرة زنجبيل مطحون
1 ملعقة صغيرة بهارات
ملح حسب الرغبة
ب:
1 صحن دجاج فيلية يقطع صغار.
1زبادي


الطريقة:
1- نحمس البصل في قليل من الزيت ثم نضيف
الطماطم وباقي المقادير في فقرة أ
ويترك على النار قليلا حتى يتسبك.
في مقلى نحمس الدجاج لوحدة في قليل من الزيت
مع التقليب المستمر حتى ينضج
ثم يصب النشا على الدجاج ويحرك على نار هادئة قليلا
ثم نضيف تسبيكة البصل والطماطم على الدجاج في
المقلى ويقلب سويا ..


.




صينية البطاطس [ 1 ] اسهل واريح صينية : ) ..




1-بطاطس جاهز [ بهار ] ..
2 - افخاذ الدجاج جاهز ببهاراته [ الوطنية ]
3- بصل و فلفل الوان
4- صلصلة فرنسية [ نص علبه ] او اقل بشوي ..
اضفت لها صلصلة الصويا الحلوه .. وحبحر مطحون ..
وتقصدر وتدخل بالفرن لين ينضج الدجاج ..

[Rathath AL:aml]

.





صينية بطاطس الوديجز 2 ][








بطاطس وديجز تدخلينه بالفرن .
صدور دجاج [ مقطع صغير - ويتبل ويشوح مع شوي زيت وبصل ] وتحطينه فوق البطاطس
تخلطين [ 6 م صلصة السيزر - 2م مايونيز بالليمون - 2 م كاتشب - 1 م صويا حلوه - 1م صلصة فرنسيه ] وفوق الدجاج
وتصبين عليه مويا حار مذوبه فيها ماجي
وترشين شويه جبن مبشور و زيتون
وتدخل بالفرن شوي وبس الحمدلله ..




.


ساندوش بالصوص المكسيكي ][






المقادير ][


بالبداية الصوص المكسيكي :
م ك زبادي
2 م ك جبن سايل
1 م ك خردل
1 م ك ما يونيز
3 م ك صويا [ انا افضل الحلوه ]
نخلطها ونتركها على جهه ..


نقطع صدور دجاج
بصل شرائح
فلفل رومي شرائح


الطريقة ][


نشوح الدجاج بزيت زيتون على نار هادئه ..
ونحط عليها البهارات [ ملح - فلفل اسود - بهارات ]
ونضيف البصل والفلفل الرومي .. والصوص عليه ..
ونخليه شوي على النار ..
و نقطع شوي خس وبخبز التورتيلا او الصامولي ..


.




رولات االخضار .. روعه ][




مقادير عجينه
4 بيضات ..
2ك طحين ..
2ك حليب بادره ..
2 م ك زبده ..
ملح ..
شوية مويا ..

وباله المصابيب ..



تحشى دجاج أو خضار ..
وانا حطيت دجاج [ كودو ] مع جزر و كوسه و قرع وبطاطس [ مقليات ] ..
وتحطين معه صلصه ايطالية و صويا واي صلصه تبغين ..



مقادير الصلصة ::

شوي طماطم مطحون ..
شوي معجون طماطم ..
2م ك كريمة خفق ..
ملح ..
فلفل ..
ماجي ..



توضعين شوي من الصلصة بصينية ..وبعدين الرولات وبعدين باقي الصلصة وترش بجبن مبشور ..

وتدخل بالفرن .. وبالعافيه على قلبكم ..



.

[Rathath AL:aml]

.


حلى المالتيزر ][








المقآدير :
2 او 3 بسكويت اوريو
كرتون كيك يمامه فانيلا
2 كوب حليب بودره محموس
1 كوب حليب سايل .. (حليب ابو قوس يوفي بالغرض)
نصف زبده
1 قشطه
2 كيس مالتيزر
1نصف عليه حليب مركز
8 او 10 حبه جبن كيري
(للتزيين)هرشي .. شوكلاته بودره ..


الطريقه :
نفك الكيك ونصفه بالصينينه
ثم تجيبي بسكويت الاوريو وتفككيه وتغمّسيه بالحليب وتحطّيه على الكيك بشكل متفرّق ..
تقريبا على كل حبتين كيك حبتين اوريو
ثم نحط بالخلآط ..
الحليب المحموس مع الزبده .. والقشطه
تخلطيهم مع بعض واذا طلع لك الخليط ثقيل ومامشى معك تقدري تحطي عليه من الحليب السايل شوي عشان يمشي معاك
وتصبيه بالصينينه
بعد الاوريو
ثم تجيبي المالتيزر وتصفيه ..
وبعدها تحطّي بالخلاط النستله مع جبن الكيري
وتحطيه بالصينيه بشكل خطوط متوآزيه ..
ثم تجيبي الهرشي وتحطيه بشكل عكسي
وتحطي بودرة الشوكلاته بشكل بسيط
وتحطّيه بالفريزر او الثلاجه عشان يسهل عليك تقطيعه بعد ماتطلعيه



:



السوفليه ][



المقـاديـر ::
كيك بيتي كروكر بالشكولاته السوداء او شكولاته بالحليب ماتفرق
بيض + زيت + ماء مثل ماهو مكتوب عالكرتون
نوتيلا
كريمة بيتي كروكر بالشكولاته


الطـريقـه ::
اخلطي نوتيلا مع كريمه بيتي كروكر الشكولاته الكميات اللي تحبين <== بس كثري النوتيلا
بتلاحظين انهم بيثقلون مره مع الخلط فياسخنيهم شوي بالمايكروويف او حطيهم على حمام مائي حتى يسيحون
اعملي خليط الكيك مثل ماهو مكتوب عالكرتون
صبي خليط الكيك بقوالب السوفليه - ثلثها تقريبا -









ودخليهم الفرن 10 دقايق بس
طلعيهم من الفرن وحطي بوسط كل واحد ملعقه من خليط النوتيلا او اكثر









عبي باقي صحون السوفليه بباقي خليط الكيك ورجعيهم للفرن 10 دقايق من تحت وحمريهم من فوق وطلعيهم




التقديم انتِ ورغبتك ،، يارشي سكر بودره او حطي عليه ملعقة ايس كريم






.









.

انتهى : ) ][


لا انكر يوماً آنني كرهت ؛
" آلحياة "
ولا آنكر ضعفي
من بعض آلمواقف ~
ولكن بداخلي روح . . تلون
لي آلحـياة
تمنححني آلقوه كلمآ ..
تذكرت قوؤل :


آلرسول صلى الله عليه وسلم :
[ آن الله إذا أحب عبداً ابتلاه ]

.

[الغـــــزال]

أبدااااااع...

ماشاءالله طباخه مااااهره...

كل وصفه أحلى من الثانيه...

جعل ايدياتش ماتعرض ع النااار....


مجهود تشكرين عليه....ويستاهل التقييم


،

[» ά6L8ħM]

مآشآء الله عليتسَ

رووعه وأتعب وأنا آقوول رووعه .

داايم كآن ودي أعرف كيف يسون السوفليه ذآ والحمدلله طلع سهل إن شآء الله إني أجربه

جعل تسسلم ديآإتس ويطول ربي بعمرتسَ

[Rathath AL:aml]

.


|| الغزال ||



آمييييييييين يارب .. ويديك يالغاليه

تشرفت بطلتك الرائعه ..

كل الشكر والتقدير لك ِ ..


لك ِ ودي


.

[عـزوز]

يم يم
شي يجوع حرام عليش

بس صراحه ماشاءالله عليش
مبدعهـ يآرذآذ
الله يعطيشـ العافيهـ
لاهنتي

[Rathath AL:aml]

.


|| ا» ά6l8ħm ||


انت ِ الروووعه يا الغلا ..

هالطريقه للسوفليه [ الذ واسهل طريقه ] ..

نورت ِ يا الغاليه بحضورك الجميل ..

لاهنت ِ ..


لك ِ ودي


.

[Rathath AL:aml]

.


|| عزوز ||


الله يعافيك من كل شر اخي الكريم ..

سُررت بحضورك الرائع ..

شكرا ً لك ..

دمت بكل خير وعافيه ..

.