الخامسة تصرخ وتضرب وتنهان .. وكوبان مقطوع الرجا ما نشدها
الخامسة بنت لها عشرة اخوان .. وخذت وبعض اخوانها ما فقدها
تنخى وحنا بين صم (ن) وعميان .. اجفت مضاجعنا وطاحت وحدها
لين انتهظ طير السعد طير حوران .. يمسح مدامعها وياخذ بيدها
لاهنت يا الطاحوس خالد كحيلان .. يا نبض قلب الخامسة يا سعدها
ولاهنت يا الصيفي ولا هان نملان .. يوم الكرامة مستباح جسدها
تقلد الصواغ رمح (ن) مع سنان .. وارخى إعنان الصافنه ثم لكدها
تكفون يا صبيان يام (ن) وقحطان .. كبوا ارجال (ن) ما توفي وعدها
أركوا على اللي موقفه ما بعد بان .. اللي يدور حجة (ن) ما وجدها
اللي اجموع العز والجاه والشان .. يوم التجت قدام بيته طردها
وين القسم اللي عطيت ام هيمان .. غاز(ن) يصبحها وغاز هجدها
ترى حياتك دين والموت ديان .. والذل ما يمنع نفوس (ن) لحدها
عندي على ما اقول شاهد وبرهان .. والناس تعرف من وعدها وجحدها
،،، علي ابن عبدالله ابن برغش القحطاني
30-12-2010, 02:36 PM
العرض الشجري