الشيخه شيخه كانت هنا....

[الشيخه شيخه]

ما يهـزنـي أنسان ولو كـنت ضميـان
=======اعطش ولا اطلـــــب منه يمد أياديه

وسط الشـدايـد ما رقبت أيـد شفــقـان
=======لو العــدو أحوال قـــلــبي تبــّــكيــه

أبكي و يبقى العــز في داخلي شــان
=======عــزيـز نفــس و لو اذوق المشاريه

واللي عتـب يعتـب ماهمني أنســان
=======ما همني غيـر الذي صرت اخاويه

هــذاك (غير النـاس) لو كان زعلان
=======وأصبح( مثل الناس) لو قلت ما ابيه

يعني أنـــا اللي ارفـع انسان احيان
======وأحيان إلى من ضقت برجلي اوطيه

ما هو تكبر لكــن النـــور لو بــــان
=======يبــان ويطوي الليل مجبور يطويــه

اطوف الغلطات واجزي بأحســان
=======لكــن بعــض الخلــق الكبــر معميه

يكابر ويماير كني انا الغلــطان ..!!
=======ما يستحق هالشخص اني أعنـّيه ..؟

بعض البشر تخسرهم وتصير كسبان
=======وبعض البشر يذبحك لا حـل طاريه

وبعض البشـر يحسسك أنه أنســان ..!!
======يعني أكل وشرب هالشي يكفيـــه..!!

حتى حبيبي اللي في يوم قـــد كان
=======يهوى قعــداتي وما غيري مماشيه

واليوم غير الامس لا جيـت زهقان
======= يطفر مني .. وأكره يوم اني اجيه

هذي علامــات الفراق وقتها حان
====== واخاف يحين الموت معها سواسيه

يكفي اوطي الراس لبنــت منشان
=======حبها اللي يدمح القــلــب طــاريه

يا لعــن أبو هالحــب يا ليــت ما كان
======يـاليت قــلبي ما رضى حكم قاضيــه

قولوا لها ما ذلني قبــلها أنسان
=======وبعدها من يفكر .. برجلي اوطيه

هذا الذي ناقص .. من الحب حقران
======ما بقى الا الحــب راســي يدنــيّــه

[الشيخه شيخه]

تسولف لي عن الضيقه وانا كلي ألم وأحزان
وأنا من وين ماناظر بعيني شفـت ضيقاتـي

تسولف لي عن الضيقه وأنا عنوان للحرمـان
دخيلك لا دخيل الجـرح لا تكشـف معاناتـي

دخيلك لا تشجعني أسولف وأكسـر الكتمـان
تعبت من السكوت اللي تعود يسكـن بذاتـي

عليم الله مافيني شبر يضحك فرح وأشجـان
وأنا لو جيت ابضحك لك أجيك أضحك بدمعاتي

حياتي شعرن وشاعر وجمهوري بقايا انسان
ونقـادي زمـن قاسـي ولا يفهـم كتاباتـي

أناظر للبشر حولي أحد يضحك أحـد طربـان
وأنا صعبن علي أضحك أسايرهم بضحكاتـي

عجزت أكذب على نفسي بفرحه ما بها ألوان
وحزني ما عجزعنـي بـدا يرسـم نهاياتـي

طريقي صعب وجروحي كثير وداخلي ضميان
أبي لو يوم واحـد أحـاول أجمـع شتاتـي

أنا قصه تبعثـرت وتطايـرت بزمـن خـوان
تعلمت أخسر البسمه وأداري عضـة شفاتـي

أبكتب لك وبالخط العريض وريشـه الفنـان
أنا الخسران توقيعي وانا الخسران بصماتـي

أكمل لك عن الضيقه اكمل لك عـن الأحـزان
تأكد لو بكمل لـك تصيـح وتطلـب سكاتـي

[الشيخه شيخه]

لحظه .. بوادعك قبل إنـك توادعنـي
ماني من اللي تروح ويمشـي خلافك
/
لـي عـزة ٍ ياوليـد النـاس تمنعنـي
لوقلت .. مابيك تمزح .. خاطري عافك
/
قد قلتها لك قبـل ماكنـت تسمعنـي
واليوم فعلك هو اللي حطم أهدافـك
/
يابن الأوادم نصيحه واخذهـا طعنـي
ماكل شخص ٍ يذل النفس لا شافـك
/
صحيح زينك بعض أحيان شجعنـي
لكن زود الكـرم زودت بـسرافـك
/
ماهوب أنـا اللـي تنزلنـي و ترفعنـي
لو دريت في نيتك كسـرت مجدافـك
/
تبي الصراحـه .. تصـدد لا تطالعنـي
أخاف من دمعتك ولا أنـت ماخافـك
/
ماغير واحـد .. ولا مخلـوق ولعنـي
الحـب يجـرف ولا تختـار جرافـك
/
لو قلت لحدٍ تحب .. وقال لـك يعنـي
خله وبعد مـادام الوقـت ماطافـك
/
أصـارع النفـس والدنيـا تصارعنـي
والفرق واضـح بمغرافـي ومغرافـك
/
ياخي ترى القلـب عيـا لا يطاوعنـي
يابن الأوادم توكـل خاطـري عافـك

[الشيخه شيخه]

القلب قلبي والسوايـا سويـاك "
"زيد السوايا خلهـا تزيـد همّـه

مليت منّك يوم كثرت خطايـاك"
"تجرح وتخطـي والعـذر ماتتمّـه

أبعد دخيلك لا تجي خلّك هنـاك"
"فرقاك عيد وسمـه اللـي تسمّـه

عفناك ياقاسي ترى جـد عفنـاك"
"لازم تجي وتلملـم اللـي تلمّـه

باقي صور باقي رسايـل بلامـاك"
"تعال خذها والوصـل ماتشمّـه

أناأتمنـى البعـد .. لاماتمـنـاك"
"ماعاد أنا مسميك خالـه وعمـه

أصبر على فرقاي وفيـه أتحـداك"
" لا تزعجيني حبك أهدرت دمـه

جاك الكلام اللي من سنين ماجاك "
"تقّبله يـا صاحبـي فـي متمّـه

لان الحزن صوبـي أول عطايـاك"
"تذّكـره يومـك تجينـي تزمّـه

جرحتني بأول لقى يـوم شفنـاك"
"قاسي ونفسي عندكم مو مهمـه

بترك مكانك مانبي نطلب رضـاك"
"هذا وداعـي وللخلايـق نعمّـه

[الشيخه شيخه]

الجرح يكبر معي والناس مشغولـه
والي أبيهم مشوا واحد ورا الثانـي
الليله ياطولهـا والـدرب ياطولـه
واللي ورايه أحـس أنـه تعدانـي
الوقت لامـن تغيـر هـذي فعولـه
إمـا لعـب لعبتـه وإلا تحـدانـي
أبـواب إمقفلـه ودروب مجهولـه
وإذا تبي كل حاجـه (لازم تعانـي)
كلام ابقولـه لكـن مقـدر أقولـه
أشياء في خاطري توقف على لساني
غلطه ومن صاحبي وأقول مقبولـه
مره علشانه ومـره علـى شانـي
والمشكله لو تطول شـوي محلولـه
عشان مايشمت القاصي ولا الدانـي
تكفون وانتم اليا جيتوه قولـو لـه
إني (أعزه كثـر معـزة اخوانـي)
معقوله ينساني لاماهيـب معقولـه
حتى الشعر وقتها مـاراح ينسانـي
فلة حجاج وقصيد وصولـه وجولـه
يعني متـى ماتذكـر شـي يلقانـي
ماشلت هم الشكوك الدايـره حولـه
والا الخوي لاتردى قلـت يفدانـي
مرات احس اني حاكم تنقصه دولـه
ومرات مدري من اللي ينقص الثاني

[الشيخه شيخه]

ايـه انا اللي عشت / بالدنيا غريب
....................... ما عرفت اللي أبي / وسط الزحام

يمكن أتغلـّى / و لكن ما أغيب
.................... يمكن اتشرّه / و لكن بإحترام

( ما هو اكبر هـم ّ / ادوّر لي حبيب)
.................... و الطموح ابعد / من احدود الغرام

و ان عشقت ..؟ / العشق و الله ما يعيب
.................... دام لي مبدأ / و قيمه / و اهتمام

كل من حولي / على افعالي رقيب
.................... و القرايب همـّهم / بس الملام

خيـّبوا فيهم / ظنون ٍ ما تخيب
.................... لين حدّوني / على عيال الحرام

يحسبوني لا تردّا بي / نصيب
.................... برمي احزاني / على قلوب الأناام

مندفن في وسط صدري / قلب ذيب
.................... ما دِفنت الراس / يا روْس النعام

صرت أضـم ّ الجرح بعيوني / و اطيب
.................... و اجمع همومي / على صدري .. و انام

طبعي أغرب / و الغريب / اني غريب .!!
.................... ما عرفت اللي أبي / وسط الزحام

[الشيخه شيخه]

لا الدنيا [ دنيا ] ولا الأحباب أحبابي
الناس واجد .. ولكن ، وين أوفاهم ؟
الكل ( واقف ) و ناطرني على بابي
محتار قلبي . . وتعب بالحيل ويّاهم
واحد طموحه جروحي وحرقة أعصابي
وواحد تمنّى يكون .. بـ قلبي أغلاهم
ماودّي .. والله أجيهم ، شايل عتابي
إلين شفت الغدر والحقد . . أعماهم
دوّرت في وقت ضيقي فزعة أصحابي
ياحر قلبي .... أدورهُم ، ولا ألقاهم !
كلام ماهو كلام . . يصير فـ غيابي
وإلا وجودي ، معلّمني .. من أرداهم
شعلت [ شمعة فراق ] وكانت أسبابي :
يمكن غيابي بـ جرح الصمت يبلاهم
الوجه من وجه أبيض ، وإنقفل بابي
قررت أبعِد .. عن الطعنات وأنساهم .

[الشيخه شيخه]

اتعبني الحلم لين الواقع انكرني
كني مسكت الفرج بيدي ...وهديته

مافيه داعي على فرقاك تجبرني
حتى الجفا منك ولعني وحبيته

الجرح عدى زمانه..لاتذكرني
هذاك وقت تعذرته وجافيتــه

لو شفت دمع القصايد كان تعذرني
تصور ان الشعر يضحك وبكيته

ماغيروني ياكود الله يغيــرنــي
كم واحد عنك يبعدني ورديته

وفيت وادري وفايه ما يصغرني
صوبت يم الهــدف لكني اخطيته

وين انت رايح ولا كنك معبرني
ماكني اللي على العالم تمنيته

لاصار هذي علومك..راح تخسرني
ماعمر احد راح من كيفه وناديته

عند الكرامه ابيعك وانت خابـــرني
الله وكيلك ترى كل شي مريته

كانه هجـر بالسلامه.روح..واهجرني
اخــوي لاصد عنـــي ماترجيته

[الشيخه شيخه]

يـا وسـع صـدري ميـر للضيـق مرهـون
وأن مــا تـوسّــع كـلّــه .. يـضـيـق كـلّــه

يمشي تحت رهـن الإشـاره علـى الهـون
وتـرمــي عـلـيـه مـــن الـسـلـوك وتـتـلّـه

وسلوكـهـا مــا بـيــن نـاشــف ومـدهــون
وصـــدري لـيــا قـامــت تـلامــس تـعـلّـه

أحـيـان أجـامـل وأتــرك الـســدّ مـدفــون
وأضـحــك مـــا بـيــن الخطّرالمسـفـهـلّـه

وأحيان أجي مشحون .. وأروح مشحون
وأقـــول مـــن يـعـقــد حـجـاجــي يـفـلّــه

ثـــلاث تحكـمـنـي ولا قـلــت وش لـــون
الـمـعـرفـه .. والـعـاطـفــه .. والـجـبـلّــه

العـقـل صـاحـي لـكــن الـقـلـب مـجـنـون
والــكــل مـنــهــم نـظــرتــه مـسـتـقـلّـه !

يـــا صـاحـبـي مـــا للمـحـبـيّـن قــانــون
والـحــبّ لــغــز .. ولا عـرفـنــا نـحـلّــه

قـلـبـك مـثــل قـلـبـي مـكـبّـل ومـسـجــون
أحـــــرار مــيـــر قـلـوبــنــا مـسـتـحـلّــه

عـسـى الـغـلا لازال بالحـفـظ والـصــون
والله يــبــيــحــه لا تــغـــيّـــر مــحـــلّـــه

أهديـتـنـي جـمــره عـلــى راس غـلـيـون
وأهـديـتـك مـــن الـعـمـر شـيـحـه وفــلّــه

ورغـم إخـتـلاف الـمـدّ لا زلــت ممـنـون
والـشــوق يـآخـذنـي عـلــى كــــل مــلّــه

فوّحـت دمّـي لـيـن صــار أشـقـر الـلـون
وأخـــذت مـــن مـجــراه فـنـجــال دلّــــه

مـا غيـر أغنّـي فـيـك لــو كـنـت مغـبـون
يـا مـلّ قلبـي مـن غرامـك يـا مــن لّــه !

دايـم ضحـايـا العـشـق لإجـلـه يضـحّـون
كــم فــاض مــن كـثـر الضحـايـا سجـلّـه

وأنـــا غـديــت بـحـكـم فـاتــن ومـفـتــون
راضــي بحـكـم الـحـبّ .. والـحـكـم لـلّــه

وأن قــام يـكـبـر بيـنـنـا شـاســع الـبــون
أرفـــق عـلــيّ وشــاســع الــبــون قــلّــه

عـــز الله أنّ الـشــكّ مـاهــوب مــامــون
سـيــف الـجـفـا الـبـتــار يـمـكــن يـسـلّــه

أقنـع لــو أنّ الـحـال مــن دون فــي دون
وأخـــذ الـكــلام الــلــي عـلـيــه الأدلّــــه

لا تشتـكـي لــي والـعـرب وش يـقـولـون
شـكــوا ً لـغـيــر الله تــراهــا مــذلّــه !

[الشيخه شيخه]

لو البكأ عالج من الناس وجعـان&&&&قضيت وقتي ماتوقـف دموعـي
كلن نهار العيد سالـي وفرحـان&&&&وانا حزيـن طافيتـن شموعـي
الناس تلبس ماغلت فيه الاثمـان&&&&وانا من الفرقى تصافق ضلوعـي
ليت المفارق ياهوى البال ماكـان&&&&ولافقدتـك ياحسيـن الطبـوعـي
يابونهيـد بالصـدر مابعـد بـان&&&&والعين تذبح من نظرها طموعـي
ومبيسم كن القمـر فيـه سكـان&&&&وردف يتل القلب غصب وطوعي
والخد وردن طالعن وسط بستـان&&&&امن تمايـل غصنهـا بالطلوعـي
لولا الرجاء ماعشت انا يوم يافلان&&&&لاشك مامن امر ربـي جزوعـي
القصر راح ودمعتي فوق الاوجان&&&&يمضي علي اليوم كنـه اسبوعـي
وعيد الفطر ياخلف كل انسـان&&&&ارجوك لاتبطي علي بالرجوعـي
تراي في حبك وحيـد وغرقـان&&&&وبقصى بحر حبك تصعب طلوعي