الشيخه شيخه كانت هنا....

[الشيخه شيخه]

من زود حبّك جيتك بكل ذاتي
واشكي غيابك يابعد كل مزيون

خلّك رحوم بحالتي يامناتي
طال الغياب وضاق بعيوني الكون

ليه الجفا وانت الوحيد بحياتي
مدري تغلي أو دلع منك وفنون

يازين ارحم حالتي ياغناتي
يكفي تعذّب واحدٍ فيك مفتون

حرمتني حتى الخشوع بصلاتي
واسهرتني يوم الاوادم ينامون

عقلي ثقيل وكان أحلى صفاتي
وخليتني أمشي مع الناس مجنون

يالغالي لو في وصالك وفاتي
راضي ولا أقبل غير قربك وممنون

الموت عندك راحتي وامنياتي
ومعك الدقيقه تنشرى بالف مليون

ترفّق بي لين اكتب وصاتي
واطلب سماح اللي يبي منّي ديون

ومن بعدها لو تحكم بمماتي
عمري وكل اللي تبيه لك يهون

[الشيخه شيخه]

مابيـك تستغـرب إذا قـلـت مابـيـك
قلبـي مـن اللـي صـار غيّــر كـلامـه..


تـدري وش اللـي حدنـي يـوم اناديـــك
بـودعـك واقــوووول مــع السـلااااامـه..


بودعـك وانسـى زمانـــك وماضـيـك
وداع مــن ذاق الجـفـا والـمـلاااامـه..


لكـنّ , ودي أسألك قـبــل اخلـيـــك
وابيـك تعطـي للـسـؤال اهتمـــامــه..


فـي ذمتـك... وشلـون غيرتني فيك ؟
وخليتنـي انسى غلاك ونظــامـه..


وانـا عشانـك كـل ماتطلـب يجـيـــك
رفعتلـك هـامـه و نـزلـت هـامـــه..


ما عاد لـك فـي داخلـي حــيّ يبكيـك
صـدري قِبَـر كـل الحـوااااس بعظـامـه..


اغليك ؟ صح اشهد إن كنت انا اغليك
والحيـن راس المـال مـنـك.. السـلامـه..


لا تقول ليه..وكيف..وشلون..وشفيـك
ماضيـك يعطينـي لبكـره عـلامـه..


مـا ودي اضـيّع حياتـي بأيــاديـك
دام إن مـن عزك تـنزل مقــامـه..


غـلاك \ ماعلمـك تكسـر تغليــك ؟
وغلاي \ اثبتلـي الـوفـا والشهـامـه..


كاااافـي نضيع وقتنـا فـي بـلاويـك
مـا يِرجِـع اللـي راح كثـر الندامـه..


وإن ضاقـت الدنيـا بزحمـة طواريـك !!
الليـل الأسـود , مايطـول ظــلامـه..


والحين تعـرف ليـه انـا قلـت مابيـك ؟
و قلـب ٍ يحبـك ليـه غيــر كـلامـه ؟


ودعتـك الله لاتجيــنـي ولا اجـيــك
ولاعـاد تسـأل خاطـري وش عـلامـه؟


ولا تنصدم فـي بسمتـي يـوم احاكيـك
أحيـان تلـقـى بالجـريـح ابتسـامـه!!!

[الشيخه شيخه]

إي والله أهوجس ولاني بمرتاح
والحزن فى حوش الحنايا بفاروع


*_*
أمسيت من وصل المواليف مزاح
وأصبحت من فرقى المواليف مفجوع



*_*
البارحه في غبة الوصل سباح
واليوم من عرش المواصيل مخلوع



*_*
ياصاحبى صرح الهوى والوفى طاح
والقلب كنه من عراويه مقشوع



*_*
كان أحسب إن لحبنا عشرة أرواح
إلين شفت الحبل بيديه مقطوع


*_*
يوم العهد به حده إسبوع لى راح
إسبوع ويعوّد علي شوق ودموع


*_*
واليوم خمس سنين والهم مازاح
هم الفراق الي بلا عذر مشروع


*_*
أستغفر الله تسعة شهور ياصاح
في غيبته قمت احسب اليوم بأسبوع !


*_*
العام خلي يسمع القلب لا صاح
واليو مهما صاح ماهو بمسموع


*_*
ضاع الحساب وشفت برق الجفا لاح
وأيست لو لا إن الرجا في مزروع


*_*
وحالي نحل والبال مهوب منساح
من كثر ماأظمأ للمواصيل وأجوع


*_*
بليت في من دونه سيوف ورماح
وغدا علي وصله مثل حبة الكوع


*_*
له مني إن سره على الناس ماباح
ولي منه إن الصد غصبٍ بلا طوع

[الشيخه شيخه]

اللـي تمرجـح غلاهـا ..وإعـتـلا دمــي

أبيع عمـري ..لجـل مجنـون ..ضحكتهـا


( دايخ معاها ) ..وهـي ..ماقربـت يمـي !!

أجل وش يصير لامن ..ذقت( ب و س ت ه ا)


كـل شـي فيهـا ..عجـز لاينطقـه ..فمـي

كل شي فيها ..يسولف ..عن (( طخامتهـا ))


طلاتهـا خنجـر ..ويطعـن علـى هـمـي

يامرحـبـا فــي خناجـرهـا ..وطلتـهـا


وفعينهـا ..فـارس ٍ ..للـذبـح ..متحـمـي

ولافيـه مـن حـاجـة ٍ ..الا ..وجابتـهـاااا


والحزن لامن ..غزانـي وإشتهـى ..ضمـي

ماتشتهـي غيـر ..صــده ..فاابتسامتـهـا


هنا ..هواهـا ..فوسـط الجـوف ..متنمـي

وهنا ..معلـق علـى الاضـلاع ..صورتهـا


حتـى قبـل نلتقـي ..قـال الحشـا : سمـي

كنـي قبـل عِرفهـا .. بــادي علاقتـهـا


أية حـلا ..بعدهـا ..بالنـاس ..ياعمـي !!

والناس ..أصـلاً ..حلاهـا ..مـن حلاوتهـا


مافاقـهـا بالـغـلا ..الا ..غــلا أمــي

ياجعلنـي ..مااتخـلا ..عــن محبتـهـاااا

[الشيخه شيخه]

يشغلني الهاجس .. وإذا زاد التعب بي إسترحت
ودي لذيذ النوم لا حس بغرابيلي .. يـرق !

أنا حزين ؟ .. أو إني أتضايق إلا مني سرحــت ..
آصك بابي .. وأشغل البال بـ سواليف الورق ..

كنت أكتب شكثر البكى هاين علي من يوم رحت !
و من التعب .. نامت أحاسيس وصحاها الأرق

جالس أعد بآخر الأيام .. كم مره إنجرحت !!
وإذا عرفت أسأل ثمين الوقت .. كم منه إنسرق !

وأضحك أبي كل البشر تدري .. وإذا صديت صحت
ما ودي العذال تشمت بي وأنا ميت غرق !

وأنا وقفت لضيقة الفرقا .. وضاقت بي وطحت ..
إلين قلت بصوتك المبحوح " مابي نفترق " !

حبيبي إن كان الفرح صادق .. فأنا والله فرحت ..
كنك رجعت تعلم الأيام .. ويــش اللي فرق ..

أمس أكتب أحزاني من الحسرة ولا مره مسحت ..
واليوم أشب بدفتر الذكرى .. وأشوفه يحترق

الليلة البدر يحكي لك .. كيف بـ الهم إنذبحت !
كني سجين ٍ .. كل ما يحكي عن عياله .. شرق !

الليله تعرف شكثر تطري علي من يوم رحت !
وتشوف كيف إنه شغل بالي سواليف الورق ..

[الشيخه شيخه]

على حد السكوت الي جرح خد الكلام وذاب
وقفت اودع البسمه ابقتلهـا علـى شفاتـي

سعيت ادور الفرحـه وادور للهنـا اسبـاب
تعبت وتاهت ادروب السعاده فـي مساحاتـي

طويت الحزن بيديني وفصلتـه علـي ثيـاب
تقول ان الحزن فيني شقا مخلـوق فـي ذاتـي

عشقت الليل لاطبق على عين النهار اهـداب
وغنت بـه نجومـن فـي سمـاه تردد آهاتـي

قصيدٍ من الأسى سطرعلى لوح الزمان كتاب
حروفـن حبرهـا دم الوريد وسيـل دمعاتـي

على غدر الزمان الي وقف مع صدمة الأحباب
خساره كل ماسامـح خطـاك تزيد صدماتـي

الاياحظي المقفي تراعنـدي عليـك اعتـاب
قبل لا تبتعد عنـي تعـال وشيـل شرهاتـي

تصد بضحكتك عني وانا الي ماحسبت احساب
عوافي كانها هانـت عليـك اليـوم عبراتـي

اشيلك هم في صدري ولا افتح للعواذل باب
اشفر موجـة الونـة ولـو تكبـر معانـاتـي

صحيح ان الغلا فاضح صحيح ان الهوى غلاب
ولكنـي امـوت ولايهـز الـذل رايـاتـي

تلوم الناس ماتدري واناالي بالجفـا منصـاب
ادوس الجمره برجلي وابيـن دوم ضحكاتـي

الاياهمن بصدري ترعرع بالخفـوق وشـاب
مادام انك على قيد الحيـاة تعآل اكتـب نهاياتـي

[الشيخه شيخه]

سألتيني اش كثر حبي وانا من هالسؤال ارتاع
جمعت احساسي في صدري وفاجأ قلبي المجموع

خجلت احكي.. ولكنك جبرتيني.. وقلبي انصاع
لذا.. إخذي الجواب اللي يفسر حبي من أي نوع

أحبك.. كثر ما به ناس ملت من ترف واشباع
واحبك كثر ما عيني ترى ناس قتلها الجوع

كثر ما في جرايدنا حروف مثقله باوجاع
كثر ما راحت الغيره بداخلنا بدون رجوع

واحبك كثر ما كل يوم في التلفاز والمذياع
خبر للقدس أو بغداد.. وعادي ما ذرفنا دموع

واحبك كثر ما دنس نفوس اهل اليهود اطماع
واحبك كثر ما طهر صلاة المؤمنين خشوع

كثر ظلم القوانين.. وكثر ما نشكي الأوضاع
كثر ما ع الفقارى بس تطبق كلمة الممنوع

كثر ما به طفل عايش في حرب ما له فيها ذراع
كثر ما صحت اصوات المدافع هالطفل مفزوع

كثر ما به وجوه طيبه.. بس.. طيبه باقناع
كثر ما في البشر زيف.. ونفاق.. وتابع.. ومتبوع

واحبك كثر ما حول الغني تتمصلح الأتباع
كثر ما تنسب الدنيا جرايمها لاهل الطوع

وهذا ربع ما عندي.. وفي صدري ثلاث ارباع
إذا ودك أكملهم.. أو اسكت.. وانهي الموضوع

عرفتي وش كثر حبك في صدر(ن) بالهموم التاع
طلبتك.. إجمعي حبي.. وقولي لي: كم المجموع؟

[الشيخه شيخه]

إي والله أهوجس ولاني بمرتاح
والحزن فى حوش الحنايا بفاروع


*_*
أمسيت من وصل المواليف مزاح
وأصبحت من فرقى المواليف مفجوع



*_*
البارحه في غبة الوصل سباح
واليوم من عرش المواصيل مخلوع



*_*
ياصاحبى صرح الهوى والوفى طاح
والقلب كنه من عراويه مقشوع



*_*
كان أحسب إن لحبنا عشرة أرواح
إلين شفت الحبل بيديه مقطوع


*_*
يوم العهد به حده إسبوع لى راح
إسبوع ويعوّد علي شوق ودموع


*_*
واليوم خمس سنين والهم مازاح
هم الفراق الي بلا عذر مشروع


*_*
أستغفر الله تسعة شهور ياصاح
في غيبته قمت احسب اليوم بأسبوع !


*_*
العام خلي يسمع القلب لا صاح
واليو مهما صاح ماهو بمسموع


*_*
ضاع الحساب وشفت برق الجفا لاح
وأيست لو لا إن الرجا في مزروع


*_*
وحالي نحل والبال مهوب منساح
من كثر ماأظمأ للمواصيل وأجوع


*_*
بليت في من دونه سيوف ورماح
وغدا علي وصله مثل حبة الكوع


*_*
له مني إن سره على الناس ماباح
ولي منه إن الصد غصبٍ بلا طوع

[الشيخه شيخه]

ياشينها لا صرت معجب و ( خجـلان )
خـوف المصـارح لا يجيـب المطمّـه

اخاف اصـارح بالغـلا ( ذاك الإنسـان
و ينقلـب ( جـوو المصـارح مذمّـه)

ويا شينها لا صرت مغرم و ( زعلان )
محد ٍ يراضي قلبـك و ( محـد يمّـه)

(وان رحت محد ٍ قال لك: (وين يافلان)؟
روحتك مع جيّتـك .. ماهـي مهمّـه)

ويا شينها لا صرت عايـش بحرمـان
مثل اليتيـم اللـي فقـد شوفـة أمّـه

ماخوذ حقّه وانظلـم شـوف الأعيـان
واللي اظلموه (عيال لحمـه و دمّـه )

ويا شين صاحب دربك(ان صار ثعبـان)
لا هو تركـك و لا نفـث فيـك سمّـه

كنّـا خويّـا وانتسـمّـى بـالأخـوان
واليوم أسمـه بأخبـث النـاس سمّـه

ويا شينها لا صـرت ناجـح و ندمـان
( وصلت قمّه )( وغيرك بأعلاا قمّـه )

مثل الإمـام ..العالـم بفقْـه الأديـان
يومه نجح .. والكل صـاروا ( أأمّـه )

ويا شينهـا لا صـرت تايـه وحيـران
( وسط الطريق .. و باقي ٍ فيك همّـه )

ودّك ترووح .. وآخر الدرب مـا بـان
تخاف تمشي .. ( ثم تغشـاك غمّـه )

ويا شينها لا صـرت مبلـي ومنهـان
والعلـم كلّـه .. مـن اكاذيـب نمّـه

مـا فيـه ضـدّك لا دلايـل وبرهـاان
ودخّـان نـارك مستحـيـل ٍ تشـمّـه

ويا شينها لا صرت من روس الاعيـان
ثم تنقلـب فـي نظـرة النـاس رمّـه

ويلااااه يا وقت ٍ نـوى لـي بعصيـااان
أثر الزمن يـا نـاس مـا فيـه ذمّـه

ويا شين طرد المقفْي لو كنـت ولهـان
ياخـذه شيطـان الغـرور و يخـمّـه

يظـن انّـك هايـم ٍ بـه وشفـقـااان
ما يدري انّه لو فطـس ... مـا تهمّـه

ومااشين من معاشر قليليـن الإيمـان
درب الهداية .. لا .. أبد ... مـا تتمّـه

الخلْق سجن وصاحبـك فيـه سجّـان
والعلم خال العز .... ( والجود عمّـه )

ويا شينها .. أصلا بقى شي ما شان ..؟
هـذي الليالـي طبعـهـا مدلهـمّـه

الشيـن والله شيـن غاليـن الأثمـاان
لا قـام كـل ٍ رافـع ٍ فــوق فـمّـه

( ويا زينها ) لا صرت لاهي و طربـان
وحبـل القصايـد يرتجيـك و تلـمّـه

يا ليل دانه .. ليل دانـه .. لا لا .. دان
ما فيه ثـوب ٍ يستـر أطـراف كمّـه

يا زينها لا صـرت معجـب و خرمـان
تنثـر علومـك لـو تجيـب المطمّـه

[الشيخه شيخه]

شفت وشلون خلق الله تحب الكلام
قلتلك لاتصدق حكيهم ماقتنعت

لين ضيقت صدري بالعتب والملام
وانت يامأء حكولي عننك وما سمعت

جيتني وانت ودك بالزعل والخصام
باين اللي يبي السبه ولو ماندفعت

غيروك العواذل ~طعتهم ~ياحرام
عقب ماكنت مقبل بالمحبه رجعت

خلهم ينفعونك لاتزيد اتهام
من عرفتك مضره وانت عمرك نفعت

وين كلمه احبك وين ذاك الغرام
ليش نزلت قدرك عقب مانت ارتفعت

آآآآه ياقو قلبك لك عيونن تنام
تجرح اللي يحبك بالكلام وقطعت

كان لك قدر عندي وانتهى والسلام
غلطتي جيت كلي بالمحبه وضعت