((طــاروق يا شـعّــار))

[بروحى]

استـــــــــــلم يابعدي ,,,,,

راسك المطنوخ قلي وش لفى من خير والا الخير له منتا بطايل=طير ابن برمان جعله ماطلع ياليت حنا في سبوقه رابطينه


ندحم العدوان بالظلع القوي والله يعين الي عثر وسط القبايل=شي عادي لاظغنا شعيل يرغى ويتظايق من حملنا تهل عينه

[بروحى]

عينه سرت


شي عادي لاظغطنا شعيل رغي ويتظايق حملنا زود رطينه

[عـزام]

طيب طيب

استلم..

فى اول الرحله نقلت الحمل لكن فى اخر الرحله عليك الحمل مايل=طحت ولحد(ن) قال بسم الله عليك وصرت يا رجال فى ايدينى عجينه

يوم بان الصبح نوره يا جماعه الوليد اختل يومى بالشمايل=نكعم اللى مثلكم لا زمّ خشمه لين يلعن خوة ابليس وخدينه

[بروحى]

اســــــــــــــــــــــــــــتلم لا عدمناك

انت تومي بالشلايل وانت تلعب بالقواطي ماتميز كل عايل=ماكل من يظحك بسنه تامنه الله يرجك والبلاوي في يدينه



ابك انا بنك القصيد ومصرفي فكري وربي من على خلقه يخايل=اعترف يانور عيني والشعر قصرٍوحنا قبلكم متوارثينه

[بروحى]

عــــــــزام لاهنت وصح السااااانك

وعزالله ان اللعب معك شرف

[عـزام]

ولا انت يالقرم

وصح الله لسانك واللعب معك شرف لا عدمناك

[بندر]

يالربع هاذا طاروق والا قصّه

على العموم

محاوره مباشره أكثر من رائعه

وشعّار كبار وجزلين وصح الله ألسنتكم

ومايصح الا الصحيح

[بروحى]

راعيها مرحبا بك وحياك الله

هذا طال عمرك طاروق ابو سرهيد

صح ابدنك ولاهنت على المرور

وشهاده نعتز فيها,,,,,

[موهووووب 2000]

الله الله الله

عزام + بروحي

أساتذه بالشعر ولعبه من المستوي الرفيع لاهنتوا

[تركي المري]

عزام وبروحي

جزاله مالها حدود

ونقض وفتل ماله مثيل

ومحاوره رائعه

وطاروق كنه طويق

صحت ألسنتكم

تركي المري