يامور خذ خانة الخامس من اليمنى=تحتر ،تبرد، ترى الاخلاق تلفانـه

[عبدالله@المطيري]

السلام عليكم ورحمة الله وبركاته

عزالله قصه وقصيده اكثر من رائعه

مشكور فهد وابنتظار جديدك

[ffahad]

يعطيك العافية

[الوتر الحزين]

يعطيك الف عافية على القصة
والابيات الرائعة

[العساس]

يامور خذ خانة الخامس من اليمنى=تحتر ،تبرد، ترى الاخلاق تلفانـه
والله لتبطـي وحنـا ماتفاهمـنـا=مادام ابو القور ماعقبـت قلبانـه
لنا ثلاثـة ليـال وحنـا مانمنـا=مكينتك تشتغل والعيـن سهرانـه
لولا المشاريـه مرينـا وسلمنـا=مير البـلا شـوف ديـان لديانـه
عزالله انـا مـن الدنيـا تعلمنـا=تعليم يصعب على التلميذ نسيانـه


وين انت يافهاد فقدناك

[ffahad]

العساس
ماتفقد غالي
ويعطيك العافيه وشرف لي ان يفقدني امثالك
لاهنت ياسنافي

[عبدالله الصواغ]

السلام عليكم ورحمة الله وبركاته

لاهنت يا فهد على موضوعك الطيّب والابيات الجزله ,,
لي مداخله اذا سمحت ؛
على حسب ما سمعت ان هالسالفة لشاعر المحاوره عيد بن مربح الرشيدي , وايضا سمعت بأن عيد بن مربح كان ماخذ له مبلغ سلف من رجل من قبيلة عنزه والمبلغ ماهوب سهل , فقام بن مربح يشتغل سايق بالشاحنات واللي يطلعه بالدرب الواحد يوفر منه عشان يسدد الدين اللي عليه ,الرشيدي ودّه يجي ويسلم على العنزي لان العنزي رجل كريم وفيه خير وراعي مواقف تبيض الوجه لكن الرشيدي منحرج انه يقابله وهو للحين ما دبّر الفلوس واعتقد هالبيت يعني ذلك :لولا المشاريـه مرينـا وسلمنـا=مير البـلا شـوفة الديـّان ديانـه .
عموما اسمحلي على هالمداخله اخوي فهد ولاهنت على مواضيعك الجزله يا الغالي .
عزالله انـّا مـن الدنيـا تعلمنـا=درسٍ صعيبٍ على التلميذ نسيانـه

[محمد آل نصار]

السلام عليكم ورحمة الله وبركاته

يامور خذ خانة الخامس من اليمنى=تحتر ،تبرد، ترى الاخلاق تلفانه
لولا المشاريه مرينا وسلمنا=مير البلا شوف ديان لديانه
عزالله انا من الدنيا تعلمنا=تعليم يصعب على التلميذ نسيانه

مشكور على الاختيار .
بيض الله وجه ابن عمه على عطاه وصح لسان الشاعر .

[عبدالله الصواغ]

اخوي فهد جل من لا يسهو

ودي اضيف لما كتبت ؛ ان العنزي يوم سمع في هالابيات قال قولوا لعيد بن مربح ترا الفلوس اللي عطيته حلال عليه , وهذي من صفات الاكرام وبيض الله وجهه كانه حي وطول الله في عمره والله يرحمه ويسكنه الجنه كانه ميّت .

ولاهنتوا جميعا .

[فتى مليجة]

تسلم يمينك يا فهــــــــد
على القــــصيدة والله لا

يهـــــــــيـــنــــك

محاكيك (فتى مليجة)

[محمد فهد العرجاني]

ffahad


لاهنت وبيض الله وجهك والقصه هذي سمعتها من واحد رشيدي وعلى كلامه ان الرجال


راعي القصه والقصيده لازال حي يرزق في مدينة الخفجي بالسعووديه.


ودعتك الله